قازاقستاندىق «سامۇرىق-قازىنا» ۇلتتىق ءال-اۋقات قورى شىعىنداردى وڭتايلاندىرۋ ماسەلەلەرىن شەشۋ ءۇشىن حالىقارالىق كەڭەسشىلەردى جۇمىسقا تارتتى، دەپ حابارلادى «سامۇرىق-قازىنا» اق باسقارما مۇشەسى - باسقارۋشى ديرەكتورى نۇرلان راحمەتوۆ.

«بۇل مىندەتتى كاسىبي تۇرعىدا شەشۋ ءۇشىن، ءبىز الەمدىك تاجىريبەسى بار حالىقارالىق كەڭەسشىلەردى جۇمىسقا تارتتىق، - دەدى استانادا وتكەن بريفينگتە ن.راحمەتوۆ. - ولار تالداۋ ناتيجەلەرىنە سۇيەنە وتىرىپ، جىل اياعىنا دەيىن جاقىن ارالىقتاعى ءۇش جىلعا بايلانىستى شىعىنداردى وڭتايلاندىرۋ بويىنشا ناقتى شارالار لەگىن ۇسىنادى جانە ءار كومپانيا ءۇشىن شىعىنداردى قىسقارتۋدىڭ ءۇش جىلدىق باعدارلاماسى بەكىتىلەتىن بولادى. وسى ورايدا كەڭەسشىلەر قىزمەتىن تولەۋ تىكەلەي ناقتى ەكونوميكالىق تيىمدىلىكتەرگە قول جەتكىزۋگە قاتىستى».

قازىرگى كەزدە، باسقارۋشى ديرەكتوردىڭ ايتۋىنشا، ەنشىلەس كومپانيالارمەن قىزۋ جۇمىس جانە پىكىر الماسۋ ءجۇرىپ جاتىر. «ويتكەنى كومپانيالاردىڭ وزدەرى قىزىعىپ، ورتاق ىسكە جۇمىلماي، باعدارلامانى جۇزەگە اسىرۋ مۇمكىن ەمەس»، - دەدى ول.

دەگەنمەن، راحمەتوۆ، تولىمدى ناتيجە بۇگىننىڭ وزىندە بايقالۋدا ەكەنىن اتاپ ءوتتى. اتاپ ايتقاندا، اعىمداعى جىلى قور توبىندا اكىمشىلىك-باسقارۋشىلىق پەرسونال سانى 2 مىڭ بىرلىككە، جالپى اكىمشىلىك شىعىندار 6,2 ملرد تەڭگەگە قىسقارعان. «قورداعى باعدارلامانى جۇزەگە اسىرۋدىڭ ءۇش جىلىندا شىعىندار جالپى العاندا 8-9 ملرد تەڭگەگە ازايادى دەپ بولجاۋدامىز»، - دەپ قوستى ول.

قازاقستاندىق «سامۇرىق-قازىنا» ۇلتتىق ءال-اۋقات قورى شىعىنداردى وڭتايلاندىرۋ ماسەلەلەرىن شەشۋ ءۇشىن حالىقارالىق كەڭەسشىلەردى جۇمىسقا تارتتى، دەپ حابارلادى «سامۇرىق-قازىنا» اق باسقارما مۇشەسى - باسقارۋشى ديرەكتورى نۇرلان راحمەتوۆ.

«بۇل مىندەتتى كاسىبي تۇرعىدا شەشۋ ءۇشىن، ءبىز الەمدىك تاجىريبەسى بار حالىقارالىق كەڭەسشىلەردى جۇمىسقا تارتتىق، - دەدى استانادا وتكەن بريفينگتە ن.راحمەتوۆ. - ولار تالداۋ ناتيجەلەرىنە سۇيەنە وتىرىپ، جىل اياعىنا دەيىن جاقىن ارالىقتاعى ءۇش جىلعا بايلانىستى شىعىنداردى وڭتايلاندىرۋ بويىنشا ناقتى شارالار لەگىن ۇسىنادى جانە ءار كومپانيا ءۇشىن شىعىنداردى قىسقارتۋدىڭ ءۇش جىلدىق باعدارلاماسى بەكىتىلەتىن بولادى. وسى ورايدا كەڭەسشىلەر قىزمەتىن تولەۋ تىكەلەي ناقتى ەكونوميكالىق تيىمدىلىكتەرگە قول جەتكىزۋگە قاتىستى».

قازىرگى كەزدە، باسقارۋشى ديرەكتوردىڭ ايتۋىنشا، ەنشىلەس كومپانيالارمەن قىزۋ جۇمىس جانە پىكىر الماسۋ ءجۇرىپ جاتىر. «ويتكەنى كومپانيالاردىڭ وزدەرى قىزىعىپ، ورتاق ىسكە جۇمىلماي، باعدارلامانى جۇزەگە اسىرۋ مۇمكىن ەمەس»، - دەدى ول.

دەگەنمەن، راحمەتوۆ، تولىمدى ناتيجە بۇگىننىڭ وزىندە بايقالۋدا ەكەنىن اتاپ ءوتتى. اتاپ ايتقاندا، اعىمداعى جىلى قور توبىندا اكىمشىلىك-باسقارۋشىلىق پەرسونال سانى 2 مىڭ بىرلىككە، جالپى اكىمشىلىك شىعىندار 6,2 ملرد تەڭگەگە قىسقارعان. «قورداعى باعدارلامانى جۇزەگە اسىرۋدىڭ ءۇش جىلىندا شىعىندار جالپى العاندا 8-9 ملرد تەڭگەگە ازايادى دەپ بولجاۋدامىز»، - دەپ قوستى ول.

سونىمەن قاتار، بريفينگتە، «سامۇرىق-قازىنا» ۇاق قۇرامىنا كىرەتىن «قازمۇنايگاز» ۇلتتىق كومپانياسى» اق اكتيۆتەردى قايتا قۇرىلىمداۋ باعدارلاماسىن بەلسەندى باستاعانى ايتىلدى. ماسەلەن، بىرنەشە جىلدىڭ جۇزىندە 20 شاقتى پروفيلدىك ەمەس اكتيۆ پەن 349 پروفيلدىك ەمەس نىساندى وتكىزۋ جوسپارلانۋدا.

«ارينە، بۇل كۇردەلى ماسەلەنى شەشۋگە ءبىراز ۋاقىت قاجەت. ءبىر كۇندە پروفيلدىك ەمەس اكتيۆتەردىڭ بارلىعىنان قۇتىلۋ مۇمكىن ەمەس. سوندىقتان بىزدە بىرنەشە جىلعا ارنالعان جوسپار بار، ءتيىمسىز جانە پروفيلدەن تىس اكتيۆتەردەن ارىلۋ سوعان سايكەس جۇرگىزىلەدى»، - دەپ ءتۇسىندىردى ن.راحمەتوۆ.

«سامۇرىق-قازىنا» اق باسقارما مۇشەسى، باسقارۋشى ديرەكتورىنىڭ بولجامدى باعالاۋى بويىنشا، بۇل اكتيۆتەر مەن نىسانداردىڭ قۇنى 95 ميلليارد تەڭگەگە جۋىقتايدى.

نۇرلان راحمەتوۆتىڭ پىكىرىنشە، اتالعان سان اكتيۆتەردىڭ بالانستىق قۇنى بولىپ تابىلادى. «اۋكتسيونداعى ساتۋ نەمەسە وتكىزۋ بارىسىندا نارىق اسەرى بۇل باعانى جوعارىلاتۋعا دا، تومەندەتۋگە دە ىقپالىن تيگىزۋى ىقتيمال. بىراق، نە بولسا دا، ءبىز پروفيلدەن تىس اكتيۆتەر وتەدى جانە بۇل قادام دا ءبىزدىڭ وپەراتسيالىق كىرىسىمىزدى ارتتىرادى دەپ كوزدەۋدەمىز»، - دەدى ول.

قور وكىلى بۇگىندە الەۋمەتتىك جوبالاردى ەسەپتەمەگەندە، پروفيلدەن تىس نىسانداردى سالۋعا نەمەسە الۋعا تىيىم سالىنعانىن ەسكەرتتى. «ءبىز، بۇل جەردە، تابىسى تومەن جانە تەمىر جول قۇرىلىسى، ينفراقۇرىلىم جوبالارى، گاز قۇبىرلارىن توسەۋ ءتارىزدى ەكونوميكانى تۇتاستاي دامىتۋعا باعىتتالعان ءىرى الەۋمەتتىك سيپاتتاعى جوبالار تۋرالى ايتىپ وتىرمىز»، - دەپ ويىن تۇيىندەدى ن.راحمەتوۆ.