سۋرەتتە - قر-نىڭ ەلتاڭباسى بەينەلەنگەن كۇلسالعىش. ۇستىمىزدەگى جىلدىڭ كوكتەم ايلارىنىڭ بىرىندە پاۆلوداردا ساۋداعا تۇسكەن تاۋار. ماجىلىسمەندەر ءۇشىن بۇل ماسەلە ەمەس ەكەنىن ەسكەرتەمىز!

مامىراجاي زامان. جۇرتتىڭ كويلەگى كوك، قارنى توق. «جۇمىسسىزدىق تەك اتىمەن جوق. تەك جاتىپ ىشەر جالقاۋلار عانا بار» («اق جول» پارتياسىنىڭ دەپۋتاتى تالعات ەرعاليەۆتىڭ ءسوزى). قوعامدىق-ساياسي ءھام ەكونوميكالىق ماسەلە 2030-عا دەيىن شەشىلگەن. قاپ، ءماجىلىستىڭ مىنبەرىنەن ايتار ماسەلەدە قالمادى-اۋ، ەلدەن ۇيات بولدى. ااا، ايتپاقشى، كۇلسالعىش بار ەكەن عوي.

مىنە، ماجىلىستەگى ماسەلە: «قر پارلامەنتى ماجىلىسىندەگى «نۇر وتان» حدپ فراكتسياسىنىڭ باسشىلىعى «اق جول» پارتياسىنىڭ ليدەرى ازات پەرۋاشەۆقا كۇلسالعىش تۇرىندەگى «سىيلىقتى» تابىستاۋعا تالپىنىس جاساۋ ارقىلى ءوز ويلارىن بىلدىرگەن شىلىمعا قارسى بەلسەندىلەردى «اق جول» پارتياسىنىڭ دەپۋتاتتارىنا قارسى باعىتتالعان ادەپسىز ءىس-ارەكەتتەرى ءۇشىن ايىپتادى».

تومەندە ماجىلىستەگى ماسەلەنىڭ مايىن تامىزىپ وتىرىپ جەتكىزگەن قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتىنىڭ تاراتقان اقپاراتى.

قابىل الىڭىزدار!

«Abai.kz»

سۋرەتتە - قر-نىڭ ەلتاڭباسى بەينەلەنگەن كۇلسالعىش. ۇستىمىزدەگى جىلدىڭ كوكتەم ايلارىنىڭ بىرىندە پاۆلوداردا ساۋداعا تۇسكەن تاۋار. ماجىلىسمەندەر ءۇشىن بۇل ماسەلە ەمەس ەكەنىن ەسكەرتەمىز!

مامىراجاي زامان. جۇرتتىڭ كويلەگى كوك، قارنى توق. «جۇمىسسىزدىق تەك اتىمەن جوق. تەك جاتىپ ىشەر جالقاۋلار عانا بار» («اق جول» پارتياسىنىڭ دەپۋتاتى تالعات ەرعاليەۆتىڭ ءسوزى). قوعامدىق-ساياسي ءھام ەكونوميكالىق ماسەلە 2030-عا دەيىن شەشىلگەن. قاپ، ءماجىلىستىڭ مىنبەرىنەن ايتار ماسەلەدە قالمادى-اۋ، ەلدەن ۇيات بولدى. ااا، ايتپاقشى، كۇلسالعىش بار ەكەن عوي.

مىنە، ماجىلىستەگى ماسەلە: «قر پارلامەنتى ماجىلىسىندەگى «نۇر وتان» حدپ فراكتسياسىنىڭ باسشىلىعى «اق جول» پارتياسىنىڭ ليدەرى ازات پەرۋاشەۆقا كۇلسالعىش تۇرىندەگى «سىيلىقتى» تابىستاۋعا تالپىنىس جاساۋ ارقىلى ءوز ويلارىن بىلدىرگەن شىلىمعا قارسى بەلسەندىلەردى «اق جول» پارتياسىنىڭ دەپۋتاتتارىنا قارسى باعىتتالعان ادەپسىز ءىس-ارەكەتتەرى ءۇشىن ايىپتادى».

تومەندە ماجىلىستەگى ماسەلەنىڭ مايىن تامىزىپ وتىرىپ جەتكىزگەن قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتىنىڭ تاراتقان اقپاراتى.

قابىل الىڭىزدار!

«Abai.kz»

قر پارلامەنتى ماجىلىسىندەگى «نۇر وتان» حدپ فراكتسياسىنىڭ باسشىلىعى شىلىمعا قارسى بەلسەندىلەردى «اق جول» پارتياسىنىڭ دەپۋتاتتارىنا قارسى باعىتتالعان ادەپسىز ءىس-ارەكەتتەرى ءۇشىن ايىپتادى

2012 جىلعى 23 قاراشا، قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتى

«اق جول» پارتياسىنىڭ ليدەرى ازات پەرۋاشەۆقا كۇلسالعىش تۇرىندەگى «سىيلىقتى» تابىستاۋعا تالپىنىس جاساۋ ارقىلى ءوز ويلارىن بىلدىرگەن شىلىمعا قارسى بەلسەندىلەردى «اق جول» پارتياسىنىڭ دەپۋتاتتارىنا قارسى باعىتتالعان ادەپسىز ءىس-ارەكەتتەرى ءۇشىن ايىپتادى.

ازات پەرۋاشەۆتىڭ بۇل تارتۋدى قابىلداماعاندىعى جانە شىلىمعا قارسى بەلسەندىلەرگە كۇلسالعىشتى وزدەرىنە قالدىرۋدى ۇسىنعاندىعى بەلگىلى، سەبەبى ول ءوزى شىلىم شەكپەيدى جانە مۇنداي زاتتى قاجەت ەتپەيدى.

وسى جىلدىڭ 23 قاراشاسى كۇنى وسىعان وراي زاكون.كز ينتەرنەت-سايتىنا بەرگەن سۇحباتىندا «نۇر وتان» حدپ فراكتسياسى توراعاسىنىڭ ورىنباسارى ەرگەن دوشاەۆ: «كواليتسيانىكى بۇل جەردە دۇرىس ەمەس دەپ سانايمىن. ... كۇلسالعىش پايدالانىلعان پيار-اكتسيا بۇل جەردە ادەپسىز بولىپ تابىلادى»، - دەپ اتاپ ءوتتى.

ودان ءبىر كۇن بۇرىن ازات پەرۋاشەۆ: «مەنىڭ ينتەرفاكسقا بەرگەن كەشەگى سۇحباتىم (21 قاراشادا، شىلىمعا قارسى بەلسەندىلەردىڭ ورىنسىز شابۋىلدارىنا سەبەپ بولعان - قدپ بق) اكتسيزدىڭ كۇرت ءوسۋىنىڭ جاقتاستارى ءۇشىن وتە جاعىمسىز بولعان سىڭايلى... وندا كەلتىرىلگەن دالەلدەردىڭ ولاردىڭ ۇسىنىستارىنىڭ ساۋاتسىزدىعىن جانە ەكونوميكالىق تۇرعىدا قاۋقارسىزدىعىن ايقىن كورسەتكەندىگى سونداي، بۇل ولاردىڭ دارمەنسىز اشۋىن كەلتىردى»، - دەپ اتاپ وتكەن بولاتىن.

«اق جول» قدپ فراكتسياسى دەپۋتاتتارىنىڭ اعىمداعى جىلدىڭ 22 قاراشا كۇنگى قوسىمشا تۇسىندىرمەسىندە، «شىلىمعا قارسى بەلسەندىلەردىڭ» ورىنسىز ارەكەتتەرى ءبىرسىپىرا زاڭداردى بۇزىپ وتىر.    اتاپ ايتقاندا، «پارلامەنت جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭىنىڭ 31-بابى دەپۋتاتتىق وكىلەتتىگىن ورىنداۋعا كەدەرگى كەلتىرۋ ماقساتىندا دەپۋتاتقا كەز كەلگەن فورمادا ىقپال جاساۋعا تىكەلەي تىيىم سالادى. جوعارىدا اتاپ وتىلگەن سۇحباتتى ا.پەرۋاشەۆ سالىق زاڭناماسىنا ۇسىنىلعان تۇزەتۋلەردى تالقىلاۋ اياسىندا بەرگەن بولاتىن، ياعني ءوزىنىڭ دەپۋتاتتىق وكىلەتتىگىن ورىنداۋ ءۇشىن» دەپ كورسەتىلگەن.

قر قىلمىستىق كودەكسىنىڭ 319-بابى پارلامەنت دەپۋتاتىنىڭ، ونىڭ دەپۋتاتتىق وكىلەتتىگىن ورىنداۋى كەزىندە، كوپشىلىك الدىندا ار-نامىسىن اياققا تاپتاعاندىعى ءۇشىن قىلمىستىق جاۋاپكەرشىلىكتى قاراستىرادى.

ازات پەرۋاشەۆ «نۇر وتان» حدپ فراكتسياسى باسشىلىعىنىڭ وسى جاعدايعا قاتىستى ۇستانىمىن،  بىرىن ءبىرى قۇرمەتتەۋ جانە ءوز پوزيتسياسىن قورعاۋ قۇقىعىن مويىنداۋ نەگىزىندە، ءبىزدىڭ ەلدەگى پارلامەنتتىك پارتيالاردىڭ اراسىنداعى وركەنيەتتى ديالوگ مادەنيەتىنىڭ بىرتىندەپ قالىپتاسۋىنىڭ دالەلى دەپ سانايدى.