قاڭتار وقيعاسى كەزىندە تالدىقورعانداعى نازارباەۆ ەسكەرتكىشىن قيراتتى دەپ ايىپتالعان ازامات باتىرباەۆ 4 جارىم جىلعا شارتتى تۇردە سوتتالدى.

"تەرگەۋ ماتەريالدارى مەن سوتتالۋشىنىڭ ءوز كىناسىن مويىنداعانى تۋرالى پروتسەسسۋالدىق كەلىسىم سوتقا ءتۇستى. سوت شەشىمىمەن ول شارتتى تۇردە 4 جىل 6 ايعا باس بوستاندىعىنان ايىرىلدى. وسى مەرزىمدە سوتتالۋشىعا پروباتسيالىق باقىلاۋ جاسالادى", - دەپ حابارلادى تالدىقورعان قالالىق سوتى.

جەتىسۋ وبلىسىنىڭ تۇرعىنى ازامات باتىرباەۆ تالدىقورعاندا بولعان تارتىپسىزدىكتەرگە قاتىستى دەپ تەرگەۋگە الىنعان بولاتىن.

كەيىننەن تەرگەۋ كەزىندە ونى پوليتسيانىڭ ازاپتاعانى بەلگىلى بولدى. قۇقىق قورعاۋ قىزمەتكەرلەرى ونىڭ دەنەسىنە ۇتىك باسىپ، اياۋسىز ۇرىپ-سوققان. وسىعان بايلانىستى باتىرباەۆتى ازاپتاۋ فاكتىسى بويىنشا قىلمىستىق ءىس قوزعالىپ، ناۋرىز ايىندا پوليتسيا قىزمەتكەرىنىڭ ءبىرى ۇستالدى.

Abai.kz