دۇيسەنبى, 3 قازان 2022
46 - ءسوز 2770 5 پىكىر 26 شىلدە, 2022 ساعات 14:15

قانداستاردىڭ كەۋدەسىنەن كىم يتەرىپ تۇر؟

ءۇش قايناسا سورپاسى قوسىلمايتىن ورىس پەن قىتايعا شەكارامىزدى اشىپ، ولارعا ۆيزاسىز كىرۋگە رۋحسات بەرىپ، بار جاعداي جاساپ، ءوز قانداستارىمىزدى ۆيزاعا تەلمىرتىپ، قازاقستانعا كەلۋگە زارلاتىپ قويۋ مەملەكەتتىگىمزگە سىن، الەم الدىندا ۇيات ءىس قوي.

بىركەزدەگى تاعدىردىڭ تاۋقىمەتىمەن، شەتەلگە بوسىپ كەتكەن قانداستارىمىز، جىلدار وتكەن سايىن سول ەلگە ءسىڭىپ، جوق بولۋدىڭ از-اق الدىندا تۇر، اسىرەسە اۋعان، پاكىستەن، يران قازاقتارى تىلدەرىنەن ايىرىلىپ، ءتىپتى قازاقي بولمىستارىنان ايىرىلىپ قالۋدا، ولاردى تەزىرەك ەلگە اكەلىپ، اتا داستۇرىمەن، تىلىمەن قاۋىشتىرۋ بۇگىنگى ءبىزدىڭ بورىشىمىز، بۇنى مەملەكەت دەڭگەيىندە تەز قولعا الماسا شەتەلدەگى 5 ميلليون قازاقتان تاياۋ ارادا ءتىرى ايىرىلۋىمىز عاجاپ ەمەس.

سوڭعى كەزدە "ويباي اۋعانستان قازاعىنان ابايلاۋ كەرەك، ولار باسقا اعىمدا"- دەپ ادەيى وسىنداي وسەك تاراتىپ قازاقتاردىڭ ەلگە ورالۋىنا كەدەرگى جاسايتىن سىرتقى كۇشتەردىڭ اگەنتتەرى بار.

سوندا قازاقپەن ءۇش قايناسا سورپاسى قوسىلمايتىن، اتا جاۋ بولىپ كەلگەن، قازىر قازاقستانعا ەسەپسىز اعىلىپ كىرىپ جاتقان ورىس پەن قىتايدان قاۋىپ كورمەيدى ەكەن دە، ءوز سول ورىستىڭ كەسىرىنەن اتا مەكەنىنەن ايىرىلىپ، بوسىپ كەتكەن ءوز قانداسىنان قاۋىپ كورەدى ەكەن؟ سوندا مىنا قازاقستان كىمنىڭ ەلى؟
قىتاي، موڭعوليا، وزىبەكستان، رەسەيدەگى قازاقتار ءوزىنىڭ بايىرعى اتا-قونىسىندا وتىر، ول جەردە اتامزاماننان قازاقتار بولدى، جەر، سۋ اتتارىنىڭ ءبارى قازاقشا، جانە قازاقتار بىرجەرگە شوعىرلانىپ، كوپ بولىپ ءومىر ءسۇردى، سوندىقتان دا بۇل مەملەكەتتەردەگى قازاقتار ءوز ءتىلىن، بولمىسىن، ءداستۇرىن ساقتاپ كەلەدى.

ال اۋعانستان دەگەن مۇلدەم قازاققا جات، باسقا ۇلت، باسقا ءتىلدى مەملەكەت، ارينە وندا بارعان ازعانا قازاق جانە ءومىر ءسۇرۋ ءۇشىن جان-جاقتا بىتىراپ كەتكەن قازاق، جانىن ارەڭ باعىپ جۇرگەن قازاق قالاي ءتىلىن ساقتايدى؟ قالاي ءداستۇرىن ساقتايدى؟

ول ەمەس ۇياتتان بەتىڭ ورتەنەتىنى: قازاقستاندا تۋىلىپ، وسى ەلدە ەرجەتىپ، وسى ەلدە ءومىر سۇرسەدە قازاق ءتىلىن بىلمەيتىن ادامدار مەن بيلىكتەگى ماڭگۇرتتەردى كورىپ ءجۇرىپ، اۋعانستان قازاعىن سىناۋىمىز ۇيات ەمەسپە؟

اۋعانستان قازاقتارى عانا ەمەس مىنا تەحنولوگياسى دامىعان، بارلىق اقپاراتقا قول جەتىمدى ەلدە ءومىر ءسۇرىپ جاتقان، بارعانىنا 60-70 جىل عانا بولعان تۇركيا قازاقتار، 50 جىل بولعان ەۆروپا قازاقتارىنىڭ وزدەرى قازاقشانى ارەڭ سويلەپ ءجۇر، ولاردىڭ بالالارىنىڭ كوبى ءتىپتى قازاقشا بىلمەيدى.

قايتا مىنا اۋعانستاندا، جات جەر جات ەلدە، عىلىم ءبىلىم جوق، اقپارات جوقتىڭ قاسى بولعان ەلدە ءومىر سۇرسەدە، ءتىلىن كۇرمەپ بولسادا قازاقشا سويلەپ، رۋىن، جەتى اتاسىن ءبىلىپ، قازاقپىن دەپ جۇرگەن قانداستارعا راحمەت ايتايىق، باسىمىزدى يەيىك.

مىنا جاقتا جىلى جەردە، تاماققا تويىپ، جانتايىپ جاتىپ الىپ "مىنالار قازاقشا نەگە دۇرىس سويلەي المايدى؟ تۇرلەرى قازاققا ۇقسامايدى، اق-كوك؟"- دەپ وسەك ايتۋدان ۇيالۋ كەرەك، ءاي ولار ەمەس بىزدە ءتىپتى پارلامەنتتە، بيلىكتە قازاقشانى سويلەي المايتىندار وتىر عوي، سوندا ولاردى قازاق ەمەسسىڭ دەپ شىعارىپ جەبەرەيىك ەلدەن.

قۇرمەتتى باۋىرلار، اشىنعاننان شىعادى اششى داۋسىڭ دەپ، باستارىڭا تۇسپەگەسىن الباتى سويلەپ، تابالاپ، ءوزى زار جىلاپ وتىرعان قانداستاردىڭ جۇرەگىن اۋىرتاتىن سوزدەردى بايقاپ ايتىپ، بايقاپ جازايىق!
اۋعانستانداعى قانداستارىمىزدىڭ ورىس پەن قىتايدان ولىگى ارتىق. ال بىزدەگى ماڭگۇرتتەردەن ءتىرىسى ارتىق.

قىدىرالى ورازۇلى

Abai.kz

5 پىكىر