سەنات توراعاسىنىڭ ورىنباسارى قايرات يششانوۆ پەن سەناتور سارسەنباي ەڭسەگەنوۆ وبلىستان شالعاي جاتقان قىزىلقوعا اۋدانىندا بولدى.

سەنات توراعاسىنىڭ ورىنباسارى قايرات يششانوۆ پەن سەناتور سارسەنباي ەڭسەگەنوۆ وبلىستان شالعاي جاتقان قىزىلقوعا اۋدانىندا بولدى.

اۋدان جۇرتشىلىعىمەن جۇزدەسۋدە قىزىلقوعا اۋدانىنىڭ اكىمى ماقسوت مۇقانوۆ اۋداننىڭ الەۋمەتتىك-ەكونوميكالىق دامۋى تۋرالى بايان ەتتى. ءمالىم بولعانداي، اۋداندا 9 ايدا 60 ملرد 973 ملن تەڭگەنىڭ ونەركاسىپتىك ءونىمى ءوندىرىلىپ، اۋدان مۇنايشىلارى 492,6 مىڭ مۇناي مەن 12,6 ملن تەكشە مەتر گاز العان. 
ءتورت تۇلىك مالىمەن حالقىنىڭ تۇرمى­سى جاقسارىپ كەلە جاتقان اۋداندا شاعىن جانە ورتا بيزنەستە ىلگەرى قادامدار جاسالىپ، اۋدان تۇرعىندارى كاسىپ اشىپ، ءناسىبىن كورە باستاعان. ءىرى قارا مال باسى ءوسىرىپ وتىرعان اۋداندا اۋىلشارۋاشىلىعى سالاسىندا ەت پەن ءسۇت ونىمدەرىن ءوندىرۋ دە ەسەلەپ ءوسىپ كەلەدى. بۇدان باسقا، اۋىزسۋ، گاز جانە وزگە دە الەۋمەتتىك ماڭىزى بار سالالارداعى جەتىستىكتەردى سارالاپ جەتكىزگەن اۋدان اكىمى م.مۇقانوۆ اۋداندا شەشىمىن كۇتىپ تۇرعان ماسەلەلەردى دە سەناتورلار الدىندا بايان ەتتى. 
سەنات توراعاسىنىڭ ورىنباسارى قايرات يششانوۆ اۋدان جۇرتشىلىعىمەن جۇزدەسۋدە سوڭعى ون جىلدا ەل ەكونوميكاسى 16 ەسە ءوسىپ، ەلىمىزدىڭ الەۋمەتتىك الەۋەتى جاقسارىپ كەلە جاتقانىن ايتتى. 
ونىڭ ايتۋىنشا، ەلباسىمىزدىڭ سىندارلى ساياساتى باعىتىندا جۇزەگە اسىپ جاتقان مەمباعدارلاما مەن زاڭدىلىقتار حالىقتىڭ مۇددەسى ءۇشىن ورىندالۋىمەن ماڭىزدى. 
اتىراۋ ايماعىنان سايلانعان سەنات دەپۋتاتتارى حالىقتىڭ الدىندا بەرگەن ۋادەلەرىنە ساي، وبلىستىڭ پروبلەما­لا­رىن وڭتايلى شەشۋدە قول جەتكەن جەتىستىك­تە­رىن ايتتى. ايتالىق، كەلەر جىلى رەسپۋب­ليكالىق بيۋدجەتتەن قىزىلقوعا اۋدا­نىنداعى بۇگىندە اياقتالعان ساعىز - ميا­لى تاس جولىنان جالعاساتىن قاراباۋ - يندەر تاس جولىنا 2,2 ملرد تەڭگە قاراجات بولىنەتىن بولدى. سايىپ كەلگەندە، بۇل اۋدان حالقى ءۇشىن عانا ەمەس، جالپى وب­لىستىڭ ءار تۇرعىنى قۋانارلىق جاعداي. 
سەنات توراعاسىنىڭ ورىنباسارى 
قاي­رات يششانوۆتىڭ ايتۋىنشا، بۇدان باسقا، اۋدانعا رەسپۋبليكالىق بيۋدجەت ەسەبى­نەن اۋدانداعى توپتىق سۋ قۇبىر­لارى قۇ­رىلىسىنا، بىرنەشە الەۋمەتتىك نى­سانعا كۇردەلى جوندەۋ جۇرگىزۋگە قوماقتى قارا­­جات قارالعان. سەناتورلار اۋدانداعى 62 شاقىرىمدىق «كەزاۋىز - قاراباۋ» كانالىن كورىپ، ونداعى جاسالعان جۇ­مىستاردى تولىق اياقتاۋ ءۇشىن قوسىمشا قاراجات قاراستىرى­لاتىنىن ايتتى. 
اۋداندا وتكەن جۇزدەسۋدە قر پارلا­مەنتى سەناتىنىڭ ەكونوميكالىق دامۋ جانە كاسىپكەرلىك كوميتەتىنىڭ حاتشى­سى سارسەنباي ەڭسەگەنوۆ پارلامەنت قابىرعاسىندا قىزىلقوعا اۋدانىنا قاتىستى كوتەرىلگەن ماسەلەلەرگە 
توق­تالىپ ءوتتى. الدىمەن تايسوي­عان پو­ليگونى اۋماعىن ەلگە قايتارۋ ءجو­نىن­دەگى رەسەي ەلىمەن اراداعى كەلىسسوزدەر تۋ­را­سىندا ايتقان سەناتور س.ەڭسەگەنوۆ 
بۇل وزەكتى پروبلەما ۇكىمەتتىڭ نازا­رىن­دا تۇرعان باستى ماسەلە ەكەنىن ايتتى. 
سەناتورلارمەن كەزدەسۋدە اۋدان تۇرعىندارى ونداعان جىلدار بويى 
ارمان ەتكەن گاز كەلىپ، ءىرى قارا مال باسىن كوبەيتىپ، مۇنايىن ءوندىرىپ، سۋى مەن جارىعى بار اۋدان تۇرعىندارى ءۇشىن تايسويعان پوليگونى حالىق يگىلىگىنە بەرىلسە، قىزىلقوعا اۋدانىنىڭ بۇگىن­گى الەۋمەتتىك جاعدايى الدەقالاي دامۋدى باستان وتكەرەرىن ايتىپ، وسى ماسەلەنى شەشۋدى اماناتتادى. 

تۇرسىن قاليموۆا

اتىراۋ وبلىسى

"ايقىن" گازەتى