الماتى. 4 جەلتوقسان. قازتاگ - ءمادينا ءالىمحانوۆا.

شەكاراشى ۆلاديسلاۆ چەلاحتىڭ ادۆوكاتى سەرىك سارسەنوۆ سارسەنبىدەن باستاپ سوت وتىرىستارىنا قاتىسا باستايدى.

«مەندە گيپەرتونيالىق كريز بولدى. قازىر ءوزىمدى بۇرىنعىدان گورى جاقسى سەزىنۋدەمىن. ەرتەڭ كۇرەسكە قايتا كىرىسەمىن، ەرتەڭ مەن دايىندالىپ بارامىن. بۇگىن كەشكە تالدىقورعانعا جول جۇرەمىن»، - دەپ حابارلادى س.سارسەنوۆ سەيسەنبى كۇنى قازتاگ اگەنتتىگىنە.

س.سارسەنوۆتىڭ ايتۋىنشا، سوتتا ءىس بويىنشا ايعاقتاردى زەرتتەۋ اياقتالعانى تۋرالى جاريالانىسىمەن، ۆ.چەلاح قۇپيا جاسالعان بەينەجازبالارداعى ءوزىنىڭ سوزدەرىن تۇسىندىرەدى.

«سۋديا ايعاقتاردى زەرتتەۋ تۋرالى جاريالاعاننان كەيىن چەلاح جاۋاپ بەرىپ، تەلەديداردان كورسەتىپ جاتقان، كامەراداعى قۇپيا تۇسىرىلىمدەر، پسيحياترلارعا ايتقاندارى بويىنشا تۇسىنىكتەمە بەرەدى. بۇعان قوسا، ول جەردە بوتەن ادامداردىڭ مايىتتەرىن كورگەنىن دە ايتادى»، - دەدى ادۆوكات.

سونداي-اق، س.سارسەنوۆ باس پروكۋرورعا سۋديا ەربول احمەتجانوۆقا قارسى قىلمىستىق ءىس قوزعاۋ تۋرالى ارىز جولداعانىن ايتتى.

«بۇگىن استانادا مەنىڭ باس پروكۋروردىڭ اتىنا جازعان سۋدياعا قارسى ءۇش باپ - سالعىرتتىق، بيلىگىن اسىرا پايدالانۋ جانە ادۆوكاتتىق قىزمەتكە كەدەرگى كەلتىرۋ بويىنشا قىلمىستىق ءىس  قوزعاۋ تۋرالى مەنىڭ ارىزىمدى تاپسىرۋعا ءتيىس. مەن ونىڭ ارەكەتتەرىنەن وسى قىلمىستاردىڭ بەلگىلەرىن كورىپ وتىرمىن»، - دەدى ول.

الماتى. 4 جەلتوقسان. قازتاگ - ءمادينا ءالىمحانوۆا.

شەكاراشى ۆلاديسلاۆ چەلاحتىڭ ادۆوكاتى سەرىك سارسەنوۆ سارسەنبىدەن باستاپ سوت وتىرىستارىنا قاتىسا باستايدى.

«مەندە گيپەرتونيالىق كريز بولدى. قازىر ءوزىمدى بۇرىنعىدان گورى جاقسى سەزىنۋدەمىن. ەرتەڭ كۇرەسكە قايتا كىرىسەمىن، ەرتەڭ مەن دايىندالىپ بارامىن. بۇگىن كەشكە تالدىقورعانعا جول جۇرەمىن»، - دەپ حابارلادى س.سارسەنوۆ سەيسەنبى كۇنى قازتاگ اگەنتتىگىنە.

س.سارسەنوۆتىڭ ايتۋىنشا، سوتتا ءىس بويىنشا ايعاقتاردى زەرتتەۋ اياقتالعانى تۋرالى جاريالانىسىمەن، ۆ.چەلاح قۇپيا جاسالعان بەينەجازبالارداعى ءوزىنىڭ سوزدەرىن تۇسىندىرەدى.

«سۋديا ايعاقتاردى زەرتتەۋ تۋرالى جاريالاعاننان كەيىن چەلاح جاۋاپ بەرىپ، تەلەديداردان كورسەتىپ جاتقان، كامەراداعى قۇپيا تۇسىرىلىمدەر، پسيحياترلارعا ايتقاندارى بويىنشا تۇسىنىكتەمە بەرەدى. بۇعان قوسا، ول جەردە بوتەن ادامداردىڭ مايىتتەرىن كورگەنىن دە ايتادى»، - دەدى ادۆوكات.

سونداي-اق، س.سارسەنوۆ باس پروكۋرورعا سۋديا ەربول احمەتجانوۆقا قارسى قىلمىستىق ءىس قوزعاۋ تۋرالى ارىز جولداعانىن ايتتى.

«بۇگىن استانادا مەنىڭ باس پروكۋروردىڭ اتىنا جازعان سۋدياعا قارسى ءۇش باپ - سالعىرتتىق، بيلىگىن اسىرا پايدالانۋ جانە ادۆوكاتتىق قىزمەتكە كەدەرگى كەلتىرۋ بويىنشا قىلمىستىق ءىس  قوزعاۋ تۋرالى مەنىڭ ارىزىمدى تاپسىرۋعا ءتيىس. مەن ونىڭ ارەكەتتەرىنەن وسى قىلمىستاردىڭ بەلگىلەرىن كورىپ وتىرمىن»، - دەدى ول.

بۇرىن حابارلانعانداي، 30 قاراشادا ۆ.چەلاحتىڭ ءىسى بويىنشا سوت وتىرىسى شەكاراشىنىڭ ادۆوكاتتارى سەرىك سارسەنوۆ پەن سەرىك ەستياروۆتاردىڭ دەنساۋلىق جاعدايلارىنا بايلانىستى قاتىسپاۋى سەبەپتى 4 جەلتوقسانعا اۋىستىرىلعان بولاتىن.

ەسكە سالا كەتەيىك، 30 مامىردا «ارقانكەرگەن» شەكارا بەكەتىنىڭ ورتەنگەن عيماراتى تابىلعان. سول جەردەن 13 ادامنىڭ ورتەنگەن مايىتتەرى تابىلدى. كەيىن تاعى ءبىر شەكاراشىنىڭ جانسىز دەنەسى تابىلدى. بۇدان باسقا، شەكارا بەكەتىنە جاقىن جەردەن قورىقشىنىڭ دەنەسى تابىلدى.

ءتىرى قالعان شەكاراشى ۆلاديسلاۆ چەلاح قىزمەتتەستەرىن ولتىرگەنىن مويىندادى. وعان قر قك 96 ب. 2 ب. «ا» تارماعى بويىنشا ايىپ تاعىلدى. تەرگەۋ بولجامىنا سايكەس، قىلمىس جاساۋعا ىشكى قاقتىعىستار يتەرمەلەگەن.

1 قازاندا ۆ.چەلاحقا قىلمىستىق كودەكستىڭ سەگىز بابى بويىنشا ايىپ تاعىلدى: 2 جانە ودان كوپ كىسىنى ءولتىرۋ، «قۇپيا» گريفى بار قۇجاتتاردى ۇرلاۋ، جىمقىرۋ، قارۋ-جاراقتى ۇرلاۋ جانە زاڭسىز ساقتاۋ، اسكەري مۇلىكتى ءبۇلدىرۋ، تۇرعىن ءۇيدىڭ قولسۇعىلماۋشىلىعىن بۇزۋ جانە دەزەرتيرلىك.

2 قازاندا قازاقستاننىڭ باس پروكۋراتۋراسى شەكاراشى ۆ. چەلاحتىڭ ءىسى بويىنشا تەرگەۋدىڭ اياقتالعانىن حابارلادى.

ۆ.چەلاح پەن ونىڭ ادۆوكاتتارى ءىس ماتەريالدارىمەن 26 قازاندا تانىسىپ ءبىتتى. باس اسكەري پروكۋراتۋرا حابارلاعانداي، 2012 جىلدىڭ 31 قازانىندا قىلمىستىق ءىس سوت قاراۋىنا جولداندى.