سوزاق پەن سارىاعاش اۋداندارىندا بولعان اپاتقا 15 كۇن بولدى. وڭتۇستىكتىڭ حالقى تاعى ءبىر قيىن جاعدايدى باسىنان وتكىزىپ وتىر. وسى ايماقتا 27 وعلانىمىزدان ايرىلعانىمىزعا كوپ بولعان جوق. تىكۇشاقتىڭ قۇلاۋى، ۇلتىمىزعا ۇلكەن قاسىرەت اكەلدى. قابىرعامىزدى قايىستىردى. قالىڭ قازاق قارا جامىلدى. ۇلت بولىپ قايعىردىق. ەل بولىپ جىلادىق. ءبىر - ءبىرىمىزدى جۇباتتىق. ءبىر - بىرىمىزگە رۋحاني قولداۋ كورسەتتىك. ماتەريالدىق كومەك مەملەكەتتىك «ماسشتابتا» جاسالدى. ءاربىر ەل ازاماتى سىرت قالمادى. ەلدىگىمىزدى كورسەتتىك.

ەندى مىنە، ەكى اۋدانداعى الاپات. ايدىڭ - كۇننىڭ امانىندا وڭتۇستىك حالقىن ابىگەرگە سالىپ قويدى. ايتەۋىر، اعايىن - تۋىس تەگىس امان. ادام شىعىنى جوق. قۋانامىز. شۇكىرشىلىك ەتەمىز. «ءار قازاق مەنىڭ جالعىزىم». ءۇي قۇلاسا دا، ۇلتتىڭ ەڭسەسى قۇلامادى. مال جوعالسا دا، قازاق جانىن جوعالتپادى. ەڭ باستىسى وسى. قالعان شىعىندار قالپىنا كەلتىرىلەدى. دۇرىس تۇسىنەيىك. ەشكىم اپاتتى سۇراپ، توپان سۋدى تىلەپ العان جوق. اپات ايتىپ كەلمەدى. تابيعي كاتاكاليزم قيراتقان. الدەبىرەۋلەر «الدىن الۋعا بولار ەدى»- دەدى. اتقارۋشى بيلىككە تاس اتقاندار دا بولدى. تاياقتىڭ ءبىر ۇشى اكىمگە دە ءتيدى. سىن ايتۋشىلار ايماق باسشىسىنان باستايدى. «جىلدا قايتالاناتىن جاعداي» - دەيدى جۇرت. دەجاۆيۋ. قايتالاندى بۇل وقيعا. «بىلتىرعى ورداباسىدان دۇرىس ساباق المادىق» - دەپ نازدانادى كەيبىرەۋلەر.

سوزاق پەن سارىاعاش اۋداندارىندا بولعان اپاتقا 15 كۇن بولدى. وڭتۇستىكتىڭ حالقى تاعى ءبىر قيىن جاعدايدى باسىنان وتكىزىپ وتىر. وسى ايماقتا 27 وعلانىمىزدان ايرىلعانىمىزعا كوپ بولعان جوق. تىكۇشاقتىڭ قۇلاۋى، ۇلتىمىزعا ۇلكەن قاسىرەت اكەلدى. قابىرعامىزدى قايىستىردى. قالىڭ قازاق قارا جامىلدى. ۇلت بولىپ قايعىردىق. ەل بولىپ جىلادىق. ءبىر - ءبىرىمىزدى جۇباتتىق. ءبىر - بىرىمىزگە رۋحاني قولداۋ كورسەتتىك. ماتەريالدىق كومەك مەملەكەتتىك «ماسشتابتا» جاسالدى. ءاربىر ەل ازاماتى سىرت قالمادى. ەلدىگىمىزدى كورسەتتىك.

ەندى مىنە، ەكى اۋدانداعى الاپات. ايدىڭ - كۇننىڭ امانىندا وڭتۇستىك حالقىن ابىگەرگە سالىپ قويدى. ايتەۋىر، اعايىن - تۋىس تەگىس امان. ادام شىعىنى جوق. قۋانامىز. شۇكىرشىلىك ەتەمىز. «ءار قازاق مەنىڭ جالعىزىم». ءۇي قۇلاسا دا، ۇلتتىڭ ەڭسەسى قۇلامادى. مال جوعالسا دا، قازاق جانىن جوعالتپادى. ەڭ باستىسى وسى. قالعان شىعىندار قالپىنا كەلتىرىلەدى. دۇرىس تۇسىنەيىك. ەشكىم اپاتتى سۇراپ، توپان سۋدى تىلەپ العان جوق. اپات ايتىپ كەلمەدى. تابيعي كاتاكاليزم قيراتقان. الدەبىرەۋلەر «الدىن الۋعا بولار ەدى»- دەدى. اتقارۋشى بيلىككە تاس اتقاندار دا بولدى. تاياقتىڭ ءبىر ۇشى اكىمگە دە ءتيدى. سىن ايتۋشىلار ايماق باسشىسىنان باستايدى. «جىلدا قايتالاناتىن جاعداي» - دەيدى جۇرت. دەجاۆيۋ. قايتالاندى بۇل وقيعا. «بىلتىرعى ورداباسىدان دۇرىس ساباق المادىق» - دەپ نازدانادى كەيبىرەۋلەر.

جەكە ءوز باسىم، وبلىس اكىمىنىڭ جەدەل شەشىم قابىلداپ، ءتيىمدى ۇيىمداستىرۋشىلىق ءىس ارەكەتتەرىنە ريزا بولدىم. ەڭبەك دەمالىسىنان مەرزىمىنەن بۇرىن شىعىپ، اپات بولعان جەرلەرگە ءوزى بارىپ، جاعدايمەن تانىسىپ، حالىقپەن تىلدەسىپ، قۇلاعان ۇيلەرگە كىرىپ، ءتۇسىندىرىپ، ەشكىمدى ەسكەرۋسىز قالدىرمايتىنىن ايتىپ، زاڭدى جولمەن مەملەكەت تاراپىنان بارلىق كومەكتىڭ بولاتىنىن نىق ايتتى. ناقتى ايتتى. قۇجاتى بار قۇلاعان ءۇي مەملەكەتتىڭ كومەگىمەن تۇرعىزىلادى. قۇجاتى جوق ءۇي، قالىڭ بۇقارانىڭ قولداۋىمەن قورعا تۇسكەن قاراجاتتىڭ ەسەبىنەن ەسكەرىلەدى. مەملەكەت قوراداعى قارا مالىنان ايرىلعاندارعا دا قارايلاسادى. ءبىتتى. قىسقا دا نۇسقا. اكىمنىڭ ءوز ءسوزى. ايماق باسشىسىنىڭ اۋزىنان شىققان ءسوز اتىلعان وق دەپ ءتۇسىنىڭىز. اۋدان اكىمدەرىنە ۇرىسىپ تا، ۇعىندىرىپ تا تاپسىرما بەردى. قوعامدىق قور مەن قوعامدىق كومميسيا قۇرىلدى. قىرۋار قاراجات جيناپ، زارداپ شەككەن تۇرعىندارعا قاجەتتى كومەك تە جەتكىزىلدى. قىسقاسى، وبلىس اكىمى بۇل ماسەلەنى تولىق ءوز باقىلاۋىندا ۇستاپ، ءتيىستى شارالاردى قولعا الىپ جاتىر. ىسكەرلىگىن، مەملەكەتشىلدىگىن بايقادىق اسقار يسابەكۇلىنىڭ. «اكىم بول، حالقىڭا جاقىن بول» دەگەن قازاق. اكىم بولعان سوڭ، وسىنىڭ ءبارىن ۇيىمداستىرۋ تىكەلەي مىندەتى مىرزاحمەتوۆ مىرزانىڭ. بەس ساۋساق بىردەي ەمەس. حالىق قينالعاندا، قاسىنان تابىلمايتىن اكىمسىماقتار دا جەتەدى. PR جاساپ، جاعدايدى پايدالانىپ ساياسي ۇپاي جيناۋعا دا ۇمتىلمادى. رەسپۋبليكالىق تەلەارنالاردان جىلت-جىلت كورىنىپ. ال ول ولاي جاسامادى. كوپ سويلەمەدى. ناقتى ىسكە كىرىستى. ءسوزدىڭ ەمەس، ءىستىڭ ادامى ەكەنىن دالەلدەدى. اشىعىن ايتايىق. ماقسات، مىرزاحمەتوۆ مىرزانى ماقتاۋ - ماداقتاۋ ەمەس. اسقار اكەمگە ادۆوكات بولۋعا قۇلشىنبايمىز. كوزبەن كورگەندى ايتتىق.

2012 جىلدىڭ قورىتىندىسى بويىنشا اكىمدەر رەيتەنگىسىندە وڭتۇستىك قازاقستان وبلىسىنىڭ باسشىسى ۇزدىك ۇشتىكتىڭ قاتارىندا. حالىقشىل ەڭبەكتەرىنىڭ ارقاسىندا تانىمالدىلىعى دا، بەدەلى دە، ىقپالى دا ءوسىپ كەلەدى. ساياسي مەنەدجەر، مىقتى، ءتيىمدى باسقارۋشى رەتىندە ءوزىن مويىنداتتى. ساياسي كاليبرى، باسقارۋ ءستيلى وزگەلەردەن بولەك. مەملەكەتتىك مۇددە تۇرعىسىنان جاساپ جاتقان ىستەرىنىڭ ارقاسىندا ەل باسىنىڭ دا، حالىقتىڭ دا سەنىمىن اقتاپ ءجۇر. ءبىزدىڭ ايتار اسقار مىرزاحمەتوۆتەي مەملەكەتشىل، الاششىل ازاماتتار كوپ بولعاي!

P.S. كەشە، سوزاق جانە سارىاعاش اپاتتارىنا بايلانىستى اسقار مىرزاحمەتوۆ ارنايى جۇرتتى جينادى. جۋرناليستەر دە بار اراسىندا. «اپاتتان زارداپ شەككەن 1949 جەكە تۇرعىن ءۇي، 42 الەۋمەتتىك نىسان تولىق مەملەكەتتىڭ ەسەبىنەن قايتا قالپىنا كەلتىرىلدى» - دەدى. ءبىر اپتانىڭ ىشىندە. ەلباسىنىڭ تاپسىرماسىن ءوز ۋاقىتىندا ورىندادى. ءسويتىپ وبلىس اكىمى ەلگە بەرگەن ۋادەسىندە تۇردى. ارتىق ءسوزدىڭ قاجەتى جوق شىعار.

ازات ۇلان

Abai.kz