جۇما, 29 ناۋرىز 2024
جاڭالىقتار 3883 0 پىكىر 4 اقپان, 2013 ساعات 05:46

ءمۇسىلىم امزە: «ونەر باسەكەلەستىككە عانا داميدى»

سۋرەتتە: ديريجەر ءمۇسىلىم امزە

مۇقان تولەباەۆتىڭ تۋعانىنا  - 100 جىل

 

ونەر - حالىقتىڭ وزەگىن جارىپ شىققان ۋىز مايەگى.  مادەنيەت ارقىلى ۇلتتىڭ بەينەسىن ايقىندار بولسا، قازاق ونەرى - الەمدىك وركەنيەتتە وزىندىك سۇرلەۋ سالىپ، ورنەگىن ايشىقتاعانى انىق. سول قازاق ونەرىنىڭ قايماعى بۇزىلماعان،  شىرايى كەتپەگەن ءوڭىرى - جەتىسۋ جەرى. وسىنداي شۇرايلى جەردەن مۇقان تولەباەۆ سياقتى ۇلى كومپوزيتور  شىقتى. بيىل قازاقتىڭ ءبىر تۋار كومپوزيتورى مۇقان تولەباەۆتىڭ 100 جىلدىعىنا بايلانىستى ءسۇيىنباي اتىنداعى وبلىستىق فيلارمونياسىنىڭ مۇقان تولەباەۆ اتىنداعى ۇلت اسپاپتار وركەسترى ەلىمىزدىڭ جەر-جەرىنەن تانىمال ديريجەرلەردى شاقىرىپ، بىرگە كونتسەرت بەرۋدى جوسپارلاعان ەكەن. بۇل شارا جىل بويى جالعاسادى. مىنە، سول باستامانىڭ العاشقى شىمىلدىعىن تالدىقورعان تورىندە حالىقارالىق جانە رەسپۋبليكالىق بايقاۋلاردىڭ لاۋرەاتى، ن. تىلەنديەۆ اتىنداعى اكادەميالىق فولكلورلىق-ەتنوگرافيالىق «وتىرار سازى» وركەسترىنىڭ ديريجەرى ءمۇسىلىم امزە «سىرلى ساز» اتتى كونتسەرتتىك كەشىمەن اشتى. ءى. جانسۇگىروۆ اتىنداعى مادەنيەت سارايىندا وتكەن شاراعا وڭىردەگى وركەستردىڭ شىمىر ءۇنىن، سىيقىرىن جۇرەگىمەن سەزىنەتىن، ۇلتتىق ونەردى ۇلىق تۇتاتىن تىڭدارمان تەگىس جينالدى.

 

سۋرەتتە: ديريجەر ءمۇسىلىم امزە

مۇقان تولەباەۆتىڭ تۋعانىنا  - 100 جىل

 

ونەر - حالىقتىڭ وزەگىن جارىپ شىققان ۋىز مايەگى.  مادەنيەت ارقىلى ۇلتتىڭ بەينەسىن ايقىندار بولسا، قازاق ونەرى - الەمدىك وركەنيەتتە وزىندىك سۇرلەۋ سالىپ، ورنەگىن ايشىقتاعانى انىق. سول قازاق ونەرىنىڭ قايماعى بۇزىلماعان،  شىرايى كەتپەگەن ءوڭىرى - جەتىسۋ جەرى. وسىنداي شۇرايلى جەردەن مۇقان تولەباەۆ سياقتى ۇلى كومپوزيتور  شىقتى. بيىل قازاقتىڭ ءبىر تۋار كومپوزيتورى مۇقان تولەباەۆتىڭ 100 جىلدىعىنا بايلانىستى ءسۇيىنباي اتىنداعى وبلىستىق فيلارمونياسىنىڭ مۇقان تولەباەۆ اتىنداعى ۇلت اسپاپتار وركەسترى ەلىمىزدىڭ جەر-جەرىنەن تانىمال ديريجەرلەردى شاقىرىپ، بىرگە كونتسەرت بەرۋدى جوسپارلاعان ەكەن. بۇل شارا جىل بويى جالعاسادى. مىنە، سول باستامانىڭ العاشقى شىمىلدىعىن تالدىقورعان تورىندە حالىقارالىق جانە رەسپۋبليكالىق بايقاۋلاردىڭ لاۋرەاتى، ن. تىلەنديەۆ اتىنداعى اكادەميالىق فولكلورلىق-ەتنوگرافيالىق «وتىرار سازى» وركەسترىنىڭ ديريجەرى ءمۇسىلىم امزە «سىرلى ساز» اتتى كونتسەرتتىك كەشىمەن اشتى. ءى. جانسۇگىروۆ اتىنداعى مادەنيەت سارايىندا وتكەن شاراعا وڭىردەگى وركەستردىڭ شىمىر ءۇنىن، سىيقىرىن جۇرەگىمەن سەزىنەتىن، ۇلتتىق ونەردى ۇلىق تۇتاتىن تىڭدارمان تەگىس جينالدى.

 

ورىس كومپوزيتورى م. گلينكا: «مۋزىكا حالىقتان شىعادى، ال ءبىز، كومپوزيتورلار ونى تەك وڭدەيمىز»، - دەگەن ەكەن. وسى ءسوزدىڭ جانى بار، ديريجەر ءمۇسىلىم امزە - مۇقان تولەباەۆ، نۇرعيسا تىلەنديەۆ سالعان ۇلى جولدان ءنار العان ديريجەر. ونىڭ وسى بىلىكتىلىگى كەش بارىسىندا مۇقان تولەباەۆ اتىنداعى وركەستر ونەرپازدارىنىڭ شەبەرلىگىمەن ۇشتاسىپ، ۇلى ونەردىڭ وشپەس ءۇنىن جۇرەكتەرگە سەۋىپ كەتتى. دەنى حالىق مۋزىكاسىمەن استاس، ءتۇپ-تامىرىنان ءنار الىپ، بىتە قايناسقان دۇنيەلەر. مۇنى كەش بارىسىندا انىق ۇعىندىق.

 

تارتىمدى كەشتە  بىرقاتار دۇنيەلەر تىڭدارمان نازارىنا ۇسىنىلدى. قۇرمانعازىنىڭ «سارانجاپ» كۇيىمەن باستالعان باعدارلاما بارىسىندا جاڭادان جازىلعان ءبورى يسانىڭ «مەرەكەلىك كۇيى» مەن «جەلتوقسانى»، كەنجەبەك كۇمىسبەكوۆتىڭ «ءبيشى قايىڭ»، «امانات»، قايىرعازى تولەننىڭ «كونە قالا

 

بىتىعاي»، ەرمۇرات ۇسەنوۆتىڭ «شىڭىراۋ قۇس»، احمەت الپەكۇلىنىڭ «ۋۆەرتيۋرا» تۋىندىلارى وركەسترمەن ءبىرىنشى رەت ورىندالدى. سونىمەن قاتار، مۇقان تولەباەۆتىڭ «توي»، سۇگىردىڭ كۇيى «ىڭعايتوك»، ەدىل قۇسايىنوۆتىڭ «التىن وردا»، دايرابايدىڭ كۇيى «دايراباي»، ءاشىمتايدىڭ كۇيى «قوڭىرقاز» ن. تىلەنديەۆتىڭ كۇيى «اقساق قۇلان» (دومبىرادا تالعات ورازاەۆ) جانە «ماحامبەت» پوەماسى، نيكولايديدىڭ «كونتسەرتتىك كۇيى» ورىستىڭ حالىق ءانى «كاك ۋ بابۋشكي كوزەل» (باياندا تالعات پولاتوۆ) شىعارمالارى دا تىڭداۋشىسىن تاپتى. سونداي-اق، وركەستردىڭ سۇيەمەلدەۋىندە قر مادەنيەت قايراتكەرى ەربولات شالدىبەكوۆ حالىق ءانى «ءحالاۋلىم-اي» جانە «دەي سالدىم-ايدى» شىرقاسا، رەسپۋبليكالىق بايقاۋلاردىڭ لاۋرەاتى قۇرالاي شاياحمەتوۆا حالىق ءانى «گاككۋدى» ناقىشىنا كەلتىرەورىندادى. قاي قىرىنان كەلسەك تە، كەش تاماشا ءوتتى.

 

راسىندا وركەسترمەن ورىندالعان ءاربىر تۋىندىعا نار سىڭىرەتىن، جان كىرگىزەتىن ديريجەردىڭ ەڭبەگى بولىپ تابىلادى. ياعني، ءبىر كۇيدى ءار ديريجەر ءار ءتۇرلى جەتكىزۋى مۇمكىن. ويتكەنى، ديريجەردىڭ شەبەرلىگى - نوتاعا قاراي اسپاپتى ويناتا ءبىلۋ مەن اسپاپتىڭ ۇنىنە ساي ورىندالاتىن شىعارمانىڭ جالپى قۇرىلىمىن قۇرۋمەن پارىقتالادى. وسى تۇرعىدان كەلگەندە، جاس ديريجەر ءمۇسىلىمنىڭ اۋەننىڭ مۋزىكالىق-پوەتيكالىق قۇرىلىمنىڭ كۇردەلى فورماسىن تاڭداپ الىپ، ونى شىعارمانىڭ دامۋ بارىسى، قالىپتاسۋى، شارىقتاۋى جانە شارىقتاۋ شىڭىنا (كۋلميناتسياسى) ۇيلەسىمدى قولدانا بىلۋىمەن ەرەكشەلەندى. كوپداۋىستى، تولىققاندى دىبىس ۇندەستىكتەرى فاكتۋرا مەن مۋزىكالىق شىعارمانىڭ وركەسترلىك مازمۇنىن اشا ءتۇستى. وسىلاردىڭ بارلىعى شىعارماعا ماقتانىش، جىگەر، رۋحتىق تەبىرەنىس پەن ۇلتتىق رەڭ بەردى.

 

ءمۇسىلىم امزە: «سەگىز قىرلى، ءبىر سىرلى» ديريجەر، ءۇش جوعارى وقۋ ورنىن تامامداعان بىلىكتى مۋزىكا مامانى، جاستايىنان مۋزىكاعا اۋەستەنىپ، سول اۋەسىن كەيىنگى ۇمتىلىسىمەن ۇشتاستىرىپ، قازاق مۋزىكا الەمىن وزىندىك تالعاممەن، شەبەرلىكپەن، سۇيىسپەنشىلىكپەن جوعارى بيىككە كوتەرگەن ونەرپاز. سوندىقتان تالدىقورعان تورىندە ونىڭ ديريجەرلىك قىرى تولىعىمەن اشىلدى. قاي قىرىنان كەلسەك تە، كومپوزيتور دا، ءانشى دە، حالىق-اسپاپتار وركەسترىنىڭ ونەرپازدارى دا بار ونەرىن ورتاعا سالدى. ارينە، ءتورت قۇبىلاسى تەڭ تۇسكەن ونەر تۋىندىسى بار جەردە شابىتتىڭ بيىك بەلەسكە شىعاتىنىن اڭعاردىق. كەش سوڭىندا كوپشىلىك ونەر ادامدارىنىڭ باعىن اشىپ، تالانتىن ۇشتاۋعا قاشان دا دايىن تۇراتىن، اتالمىش كەشتى ۇيىمداستىرۋعا مۇرىندىق بولعان وبلىستىق فيلارمونيا باسشىلىعىنا العىسىن ءبىلدىرىپ تارقادى.

 

تىڭدارماندى بىلىكتىلىگى، شەبەرلىگى، جان-جاقتى بىلىمدىلىگىمەن ءتانتى ەتكەن  ديريجەردى ورايى كەلگەندە اڭگىمەگە تارتتىق.

- ءمۇسىلىم، اڭگىمەنى تالدىقورعانعا كەلۋ ماقساتىڭنان تاراتساق؟

- ونەردىڭ سان قىرىن تەرەڭ مەڭگەرگەن، قازاق وپەراسىن الەمدىك دەڭگەيگە كوتەرگەن، ايتا بەرسەك، نۇرعيسا تىلەنديەۆ اتامىزدىڭ ءوزى قۇرمەتتەگەن، ۇستاز تۇتقان  مۇقان اتامىزدىڭ مەرەيتويىنا وراي كوپشىلىككە كونتسەرت بەرۋ ەكىنىڭ ءبىرىنىڭ ماڭدايىنا جازىلا بەرمەيتىن باق دەپ ەسەپتەيمىن. كونتسەرتتىڭ نەگىزگى ماقساتى كەش بارىسىندا ايتىلدى. دەسە دە، وسىنداي مۇمكىندىككە جول اشقان ءسۇيىنباي اتىنداعى وبلىستىق فيلارمونيا باسشىلىعىنا العىسىمدى بىلدىرە كەتكەنىم دۇرىس شىعار. ويتكەنى، سازگەردىڭ باعىن تەك وسىنداي ساليقالى قادامدار اشادى. الايدا، بۇگىنگى كونتسەرتتىڭ ورنى بولەك. سەبەبى، مۇنداعى كورەرمەننىڭ دەنى مۇقان اتامىزدىڭ ارۋاعىن سىيلاپ كەلەدى. سوندىقتان كورەرمەنگە ۇسىناتىن تۋىندىلارىمىز سوعان ساي بولعانى ءجون. وسى ماقسات اياسىندا ءبىراز دايىندالدىق. رەپەرتۋارىمدى كەزىندە تىڭدارمانىن تاپقان، الايدا، كەيىنگى كەزدە ساحنادا كوپ وينالماعان  شىعارمالار مەن جاڭادان جازىلعان تۋىندىلارمەن تولىقتىردىم. كورگەنىڭىزدەي، توككەن تەرىمىز وتەلگەن سياقتى. كوپشىلىك جاقسى قارسى الدى. شىمىلدىق اشىلعاننان باستاپ، كونتسەرت اياقتالعانشا دۋىلداعان شاپالاق ۇنىنەن زال تىنشىعان جوق. مۇنداي كوڭىل-كۇيگە مۇقان اتامىزدىڭ اتىنداعى وركەستردىڭ دە شىعارماشىلىق دەڭگەيىنىڭ جوعارىلىعى سەپ بولدى.

- دۇرىس، «وتىزىندا وردا بۇزادى» دەپ جاتامىز، وسى رەتتە جەكە شىعارماشىلىعىڭىز تۋرالى دا بىلە كەتسەك?

- قازىرشە وردا بۇزدىم دەۋ ەرتە شىعار. بىراق، ءبىراز ەڭبەك ەتتىم دەپ ايتا الامىن. باسىندا ونەرگە دومبىراشى بولىپ كەلدىم، كەيىن وركەستر فاكۋلتەتىندە كونتراباس ماماندىعىن مەڭگەردىم، وپەرادا، بالەتتە وركەسترلىك ءبىلىمىمدى سىننان وتكىزدىم، «جىگىتكە جەتى ونەر دە از» دەگەندەي، تاعى دا ديريجەر ماماندىعىن مەڭگەرۋگە جول ءتۇستى. قازىردە قۇرمانعازى اتىنداعى قازاق ۇلتتىق كونسەرۆاتورياسىندا وپەرا-سيمفونيا ديريجەرى ماماندىعى بويىنشا ماگيسترانتپىن. قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ يەگەرى، پروفەسسور بازارعالي جامانباەۆ اعامىزدىڭ جەتەكشىلىگىمەن عىلىمعا دەن قويۋدامىن. ونەر جولىندا اباي اتىنداعى مەملەكەتتىك اكادەميالىق وپەرا جانە بالەت تەاترىندا ديريجەر بولدىم، ا. جۇبانوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان مۋزىكا مەكتەپ-ينتەرناتىندا، ن. تىلەنديەۆ اتىنداعى اكادەميالىق فولكلورلىق-ەتنوگرافيالىق «وتىرار سازى» وركەسترىندە ديريجەرمىن. ۆ. پاپياننىڭ جەتەكشىلىگىمەن ءيزرايلدىڭ اشدود سيمفونيالىق وركەسترىندە، گنەسيندەر اتىنداعى رەسەي مۋزىكا اكادەمياسىندا تاجىريبەدەن ءوتتىم. قىسقاسى، ءوزىمنىڭ شىعارماشىلىق بىلىكتىلىگىمدى شىڭدايتىن قوماقتى تاجىريبە جينادىم دەپ ايتا الامىن.

البەتتە، وتىزداعى جىگىتتىڭ وسىنداي ورەگە جەتۋىنىڭ وزىندە ۇلكەن تالپىنىس جاتقانى انىق. دەسە دە، تانىم تۇرعىسىنان كەلگەندە ناقتى نەگە قول جەتكىزدىڭىز?

- ەلىمىزدەگى جانە شەتەلدەردەگى ونەر ۇجىمدارىندا جيعان تاجىريبەم مەن كوكەيگە تۇيگەنىمە سۇيەنىپ ايتسام، حالقىمىزدىڭ باي دا مازمۇندى مۋزىكا مۇراسى ەشبىر ۇلتتىڭ جاۋھارىنان كەندە ەمەس ەكەندىگىنە كوز جەتكىزدىم. بىراق، ءبىز سونىڭ باعاسىن اسىرىپ،  قادىر -قاسيەتىن باعالاۋدىڭ  جولىنا تۇسە الماي كەلەمىز. ايتالىق، مۇقان تولەباەۆتىڭ «ءبىرجان - سارا» وپەراسى شەتەلدىك وپەرا جاۋھارلارى قاتارىندا تۇراتىنىن  ماقتانىشپەن ايتا الامىز. ال نۇرعيسا تىلدەنديەۆ اتامىزدىڭ «وتىرار سازى» وركەسترى كۇللى دۇنيەنى تامساندىرعانى دا كەشە عانا. وسى جايلاردى وي ەلەگەنىنەن وتكىزە كەلىپ، قازىرگى ۇلتتىق مۋزىكاسىنىڭ قايماعىن بۇزباي حالىققا ناسيحاتتاۋدى وزىمە ماقسات ەتىپ،وسى جولدا ىزدەنىپ، تالپىنىپ كەلەمىن. قازاق مۋزىكاسىن تەك مەرەكەلىك شارانىڭ عانا كوركىن اشاتىن ونەر رەتىندە قاراماي، ۇلتتىق ساز ونەردىڭ ساف تۋىندىسى رەتىندە تانىتۋ ءۇشىن الدىما ۇلكەن ماقسات قويدىم.

- قازاقتىڭ ۇلتتىق مۋزىكاسىن الەمگە تانىتۋعا نە كەدەرگى بولىپ تۇر؟

- قازىر ونەر دە باسەكەلەستىك نەگىزدە ءوربيدى. سوندىقتان ونەردەن ناپاقا ىزدەگەن ماقساتتى جۇمىستا ۇجىم مەن كونتسەرت ۇيىمداستىرۋشى تاراپ شىعىنعا ۇشىراماۋى كەرەك. ول ءۇشىن وركەستر، انسامبل رەپەرتۋارى جاڭا ءارى زامان تالابىنا ساي دۇنيەلەرمەن تولىعىپ، كورەرمەندى وزىنە باۋراي الۋى كەرەك. ءبىزدىڭ وتاندىق وركەسترلەردىڭ قازىرگى دەڭگەيى تومەن ەمەس. ءتىپتى، رەپەرتۋارى، ونەرپازدارى، مۋزىكا اسپابى، كوستيۋمى تۇرعىسىنان كەلەر بولساق، بابالارىمىزدىڭ باي دا مازمۇندى مۇرالاردى قالدىرعانىنا ءتانتى بولماسقا  شاراڭ جوق. وكىنىشتىسى، جارنامالىق تۇرعىدان جەتىسپەي جاتقان جەرىمىز كوپ اق. قازىر ينتەرنەت زامانى. شەتەل ۇجىمدارىنىڭ بارىندە جەكە سايت بار. ولار كەز كەلگەن ۋاقىتتا ءبىر-بىرىمەن شىعارماشىلىق بايلانىس ورناتىپ، وزىنە كەرەكتى دۇنيەنى ىزدەپ تابا الادى. ءبىزدىڭ ەل بۇل جاعىنان كەنجە قالعان.  سازگەرلەرمەن دە بايلانىس وسى شامالاس. شىعارماشىلىق بايلانىس بولماعان جەردە ونەر وركەندەمەيدى. ەگەر وسى مۇمكىندىككە قول جەتكىزسەك،  ۇلتتىق ونەردىڭ باعى جانىپ، باسقا ەلدەردىڭ ساحناسىندا ساليقالى ونەر كورسەتە الار ەدىك.

- «كونتسەرتتى كورەرمەن تارازىلايدى» دەگەن تۇسىنىك بار...

- البەتتە، كورەرمەن كونتسەرتكە جۇرەك قالاۋىمەن كەلەدى. سوندىقتان كومپوزيتور، ديريجەر، ونەرپازدىڭ جادىندا كورەرمەننىڭ تالعامى تۇرعانى ءجون. تەك كەش وتسە، مىندەتىم بىتسە دەيتىن ۇعىم ورىن السا، ول مۋزىكانتتىڭ دا، ۇجىمنىڭ دا سورى، كورەرمەننىڭ دە سەنىمىنەن ايىرىلادى. جاسىراتىنى جوق، ارامىزدا ءوزى ءۇشىن ونەر كورسەتەتىن ارزان كونتسەرتتەر جەتەرلىك. ال، شەتەلدەردە مۇنداي جاعداي از ۇشىرايدى. كونتسەرت بەرگەن ءاربىر ۇجىم مىندەتتى تۇردە ءبىرىنشى كونتسەرتىن ەكىنشى شىعارماشىلىق ىزدەنىسىنە ارقاۋ ەتىپ، ەلدىڭ ىقىلاسىن باۋراۋعا ۇمتىلاتىنىن بايقادىم.

- وسى تۇرعىدان كەلگەندە بۇگىنگى كونتسەرت سول ويدان شىعادى دەپ ايتا الاسىز با؟

- ارينە، بۇل كونتسەرتتىڭ ماقساتى بولەك. بىراق، مەن وسى جولى تىڭدارمانعا ۇمىت بولا باستاعان كونە اۋەندەردى جەتكىزۋدى ماقسات ەتتىم. سونىمەن قاتار، وركەستردىڭ سۇيەمەلدەۋىمەن بىرقاتار جاڭا تۋىندىلار ورىندالدى. بۇل تىڭداۋشىعا بەلگىلى دەڭگەيدە اسەر ەتەدى دەپ ايتا الامىن. ال كەلەسى كونتسەرت بەرەتىن ديريجەرلەر ءوز ءونىمىن باسقاشا قىرىمەن، وزگەشە جاڭالىقپەن ۇسىناتىن بولسا، ولار دا تىڭدارماننىڭ العىسىنا بولەنەتىنى ايدان انىق.

- ديريجەرلىكتىڭ قىزىعى مەن قيىندىعى نەدە؟

- راسىندا، كوپشىلىك بۇل ماماندىقتىڭ تىلسىم قۇپياسىن تولىق ءتۇسىنىپ  بىلە بەرمەيدى،ءبىلۋى دە شارت ەمەس. جۇرت الدىنا شىققان ديريجەردىڭ ماقسات مىندەتى  -تاياقتى ارلى-بەرلى سەرمەۋ ەمەس، ونەردىڭ بارلىق سالاسىنان حابارى بار بىلىكتى دە ءبىلىمدى بولىپ، ونەرپازداردى ءبىر يدەياعا جۇمىلدىرىپ، ءيىرىپ اكەتىپ، تىڭداۋشىنى وزگەشە كۇيگە بولەپ، رۋحىن كوتەرۋ بولسا كەرەك. ونىڭ قىزىعى دا قيىندىعى دا سول.

-ءوزىڭىز بىرنەشە ورىندا جۇمىس ىستەيسىز، الداعى ۋاقىتتا ەلىمىزدىڭ بىرقاتار وڭىرىندە كونتسەرت بەرۋدى جوسپارلاپ وتىرسىز. سونىڭ بارىنە قالاي ۋاقىت تاباسىز?

- بۇل - مەنىڭ ماماندىعىم، تاڭداعان جولىم، الىسقا جەتكىزەتىن باعىتىم. ارينە، ارمان تاۋسىلمايدى. العا جۇرگەن سايىن قيىندىق پەن كەلەڭسىزدىكتەر كوبەيە تۇسەدى. بىراق، قايتار جول جوق. ەڭ باستىسى، تىڭدارمانىمنىڭ تالعامىنان شىقسام بولعانى.

-اڭگىمەڭىزگە راحمەت.

 

ءتۇيىن

البەتتە، مۇقان تولەباەۆ ءوز ويى، ءوز ءۇنى بار دارىن يەسى رەتىندە جارق ەتتى. اسىرەسە، كومپوزيتوردىڭ ۇلى وتان سوعىسى جىلدارى جازعان ءان-رومانستارى مۋزىكا ونەرىنە دەگەن تالعامىن، سۋرەتكەرلىك شەبەرلىگىن تانىتاتىن ءبىر بەلگى. ول تۋعان حالقىنىڭ ۇلان-عايىر ءان-كۇي شىعارماشىلىعىنان، حالىقتىڭ مۋزىكالىق ۋنيۆەرسيتەتىنىڭ بولىمدەرىن تولىق مەڭگەرىپ بارىپ، كاسىپتىك مۋزىكا جولىنا ءتۇستى. سوندىقتان دا ونىڭ شىعارماشىلىق تۋىندىلارى رۋحاني قازىناعا قوسىلىپ جاتقان ۇلكەن ۇلەس دەپ قارايمىز. مۇقان تولەباەۆ ۇزدىكسىز وقۋ، ىزدەنۋ، ەرىنبەي ەڭبەك ەتۋدىڭ ارقاسىندا مۋزىكا ونەرىنىڭ ەڭ بيىك شىڭى - وپەرا جازىپ، سوڭىندا وشپەس ءىز قالدىردى. سوندىقتان بۇگىنگى ۇرپاق ونىڭ دارىنىن، ۇلىلىعىن قالاي باعالاپ، قادىرلەسە، دارىپتەپ، ناسيحاتتاسا ارتىقتىق ەتپەيدى.

سۇحباتتاسقان - قاجەت انداس

ABAI.KZ

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576