الماتىدا عالىمدار ءۇيى الدىنداعى الاڭدا اسەت ابىشەۆ، ايدارا سىزدىقوۆا جانە قاناتحان امىرەنوۆ ۇستالدى.

ال استانادا ەكى ادام – ۆەنەرا جاڭاباەۆا مەن تاعى ءبىر ايەل ۇستالدى. ميتينگ وتەدى دەپ جوسپارلانعان جەڭىس داڭعىلىن رەسپۋبليكا كۇنى تەمىر قورشاۋمەن قورشاپ، ارنايى جاساق كەلىپ كۇزەتىپ تۇردى.

اكتسيا وتەدى دەگەن جەرگە باقىلاۋشى رەتىندە كەلگەن ادام قۇقىعى بويىنشا بيۋرونىڭ استاناداعى بولىمشەسىنىڭ باسشىسى ارتۋر الحاستوۆتىڭ سوزىنشە، مۇمكىندىگى شەكتەۋلى بەلسەندى ەرمەك بەكەشوۆ "جەدەل جاردەم كولىگىندە وتىرعان، ونى كولىكتەن تۇسىرمەگەن".

ميتينگ وتكىزەتىنى تۋرالى استانا اكىمدىگىنە حابارلاعان بەلسەندىلەردىڭ كوبى ساياباققا كەلمەگەنى بايقالدى. سونىڭ ءبىرى، مارافونشى مارات جىلانباەۆپەن حابارلاسۋ مۇمكىن بولمادى. بۇعان دەيىن ميتينگ وتەتىنىن حابارلاعان استانا بەلسەندىسى ءاسيا باقاەۆا كەشەدەن بەرى ءۇيىن بەلگىسىز ادامدار تورۋىلداپ جۇرگەنىن حابارلادى. قامالۋدان قاۋىپتەنگەن بەلسەندى ۇيىنەن شىعا الماي وتىرعانىن ايتتى.

بۇعان دەيىن استانا جانە الماتى بەلسەندىلەرى 25 قازاندا استاناداعى جەڭىس داڭعىلىنىڭ بويىنداعى قارجى مينيسترلىگىنىڭ الدىندا جانە الماتىداعى شوقان ءۋاليحانوۆ ەسكەرتكىشىنىڭ قارسى بەتىندە تۇسكى 12-14 ارالىعىندا ميتينگى وتەتىنىن حابارلاعان.

تىركەلمەگەن "العا، قازاقستان" پارتياسىنىڭ بەلسەندىلەرى مەرزىمىنەن بۇرىن وتەتىن سايلاۋدى توقتاتۋدى جانە جاڭا ساياسي پارتيالاردى تىركەۋدى تالاپ ەتىپ ميتينگ وتكىزەتىنى جايلى مالىمدەگەن. ەكى قالا اكىمدىگى دە رۇقسات بەرمەگەن.

Abai.kz