رەسەيلىك RT تەلەارناسى اقپارات سوعىسىنىڭ باستى سەركەسى ەكەندىگىن تاعى دا ءبىر رەت پاش ەتتى. وعان دالەل ۋكراينا-رەسەي سوعىسىنىڭ بەل ورتاسىندا ويقاستاعان كاسىپكەر، «ۆاگنەر» دەيتىن جەكە اسكەر كومپانيانى قۇرۋشى ەۆگەني پريگوجيننىڭ سۇحباتى.

سۇحبات باستان اياق «ۆاگنەر» جاك ءىس-ارەكەتتىن اقتاپ، جاعىمدى جاعىنان كورەستۋدەن تۇردى.

جۋرناليست سۇراعىنا  جاۋاپ بەرگەن شاعىندا پريگوجين مىرزا سوعىستى (رەسەي «ارنايى اسكەري وپەراتسيا» دەپ اتايدى) قۇپتامايتىندارعا قاراتا: «...جۋىق ارادا ستاليندىك رەپرەسسيا قاجەت»، - دەپ تمد جۇرتشىلىعىن ءبىر دۇرلىكتىردى.

پريگوجيننىڭ ايتپاعى سوعىستى قۇپتامايتىن رەسەي بيزنەسمەندىرىنىڭ اكەسىن كوزىنە كورسەتىپ، تۇرمەگە توعىتىپ، مال-مۇلكىن تاركىلەۋ كەرەك دەگەنگە سايادى. اۋدارماسىن بەرەر بولساق: «اتالعان جاندارعا بيزنەسمەندەر سياقتى ءتۇپ تامىرىمەن قۇرتاتىن تەتىكتەر مەن امالدار ىسكە قوسىلۋى كەرەك. ولارعا قاتىستى جۋىق ارادا ستاليندىك رەپرەسسيا قاجەت»، - دەيدى.

وسىعان قاتىستى اتىن اتاماۋدى وتىنگەن كاسىپكەرلەر مەن مەملەكەتتىك كومپانيالاردىڭ جەتەكشىلەرى وزدەرىنىڭ قۇربان بولۋدان قورقاتىندارىن «ۆloomberg» تىلشىسىنە ءمالىم ەتكەن.

سونىمەن رەسەيدى ستاليندىك رەپرەسسيا ەلەسى كەزىپ ءجۇر.

ءابىل-سەرىك الىاكبار

Abai.kz