قازاقستان باس پروكۋراتۋراسى "21 ادامدى قاڭتار وقيعاسىن ۇيىمداستىردى" دەپ تانىعان. پروكۋراتۋرا كۇدىكتىلەردىڭ ءىسىن "ادامداردى ۇيىمداستىرۋ", "قارۋ ۇرلاۋ" سىندى ايىپتار بويىنشا سارالاعان. بۇل تۋرالى باس پروكۋراتۋرا ارنايى پروكۋرورلار قىزمەتىنىڭ باستىعى ريزابەك وجاروۆ ازاتتىققا بەرگەن سۇحباتىندا مالىمدەدى.

بىراق پروكۋراتۋرا وكىلى "21 ۇيىمداستىرۋشىنىڭ" كىمدەر ەكەنىن اشىپ ايتپادى.

"قاڭتار وقيعاسى ۇيىمداستىرىلعان، ارتىندا تۇرعان كۇشتەر بولدى. قانداي كۇشتەر بولعانىن ءالى انىقتايمىز. تەرگەۋ جۇمىستارى جالعاسىپ جاتىر" دەدى وجاروۆ ازاتتىققا.

پروكۋراتۋرا وكىلى اسكەري قىزمەتكەرلەرگە "ادام ءولتىرۋ" بابى بويىنشا قىلمىستىق ءىس قوزعالماعانىن، اسكەريلەر ۇستىنەن "قىزمەتىن اسىرا پايدالانۋ" بابى بويىنشا قوزعالعان ىستەر عانا بارىن ايتادى.

ازاتتىق ءتىلشىسى وجاروۆتان "پرەزيدەنت توقاەۆ قاڭتاردا شەتەلدەن بانديتتەر كەلدى دەگەن، ولار قاي ەلدەن كەلگەنى انىقتالدى ما؟" دەگەن ساۋالىنا "قازىرگى ۋاقىتتا ونداي اقپارات جوق" دەپ جاۋاپ بەردى.

Abai.kz