بۇگىن ماجىلىستە قاڭتار وقيعالارى تۋرالى ارنايى تىڭداۋ ءوتىپ جاتىر. جيىندا ءبىر جىل بويى جۇرگىزىلگەن تەرگەۋدىڭ قورىتىندىسى جاريالاندى. باس پروكۋراتۋرا قانداي تەزيستەردى ۇسىندى، شولىپ شىعايىق.

مەملەكەتتىك توڭكەرىس ارەكەتى بولدى

«مەملەكەت توڭكەرىسى بويىنشا، بۇل وتە كۇردەلى دە وڭاي ەمەس سۇراق. مۇنىڭ ءبارىن تەرگەۋ كەزىندە ابدەن زەردەلەدىك. ارينە، مەملەكەت توڭكەرىسىن جاساۋعا وقتالۋ بولدى. ونى تەرگەۋ تولىعىمەن كورسەتتى. قازىرگى كەزدە بۇكىل قۇجاتتاردىڭ ءبارىن تەكسەرىپ، قاراستىرىپ جاتىرمىز»، - دەدى اسىلوۆ.

ەلدىڭ جوعارعى باسشىلىعىن اۋىستىرۋ وپەراتسياسى ءبىر جىل بۇرىن مۇقيات جوسپارلانعان

«توڭكەرىسكە وقتالۋ الدىن الا دايىندالىپ، جوسپارلانعان. باياندامامدا ايتىپ كەتكەندەي، ءبىر جىل بۇرىن دايىندالۋ كەزەڭدەرى بولعان. اتاپ ايتقاندا، بۇلاردىڭ ىشىندە ۇيىمداسقان قىلمىستىق توپتاردىڭ مۇشەلەرى دە بولعان. ءدىني ەكسترەميستەر دە بولدى، بۇرىن سوتتى بولعان ادامدار دا، «دۆك» جاقتاۋشىلارى دا بولعان. ولاردىڭ ارەكەتتەرىنەن 8 قالادا 71 عيمارات ورتەنىپ، بۇزىلعان. ول قىلمىستىڭ ءبارى ۇيىمداستىرۋشىلاردىڭ سەبەپكەرلىگىمەن بولىپ وتىر»، - دەدى ول.

«ديكي ارمان» ۇقك كۋراتورىنىڭ ۇيلەستىرۋىمەن ارەكەت ەتكەن

ول تارتىپسىزدىكتەر ۇيىمداستىرىپ، جينالعانداردى باقىلاۋعا الىپ، بيلىككە بىرىڭعاي ۋلتيماتۋم تالاپتار قويۋ ءۇشىن «حالىق كەڭەسىن» قۇرۋى كەرەك بولدى. بۇل ءىسىن جۇزەگە اسىرۋ ءۇشىن الماتى قالاسى ءماسليحاتىنىڭ ەكس-دەپۋتاتى بەلسەنە كومەكتەسكەن، سونداي-اق ۇيىمداسقان تۇردە «قازاقستان» قوناقۇيىنە كەلگەن قاراقشىلاردى قارۋلاندىرعان قىلمىستىق توپتىڭ بەلسەندى مۇشەسى ماحاتوۆ بولدى»، - دەدى باس پروكۋرور ءماجىلىستىڭ جالپى وتىرىسىندا.

سول كەزدەگى قورعانىس ءمينيسترى مۇرات بەكتەنوۆ قاراماعىنداعىلارعا زاڭسىز بۇيرىق بەرگەن

«ول زاڭسىز بۇيرىق بەردى جانە ەلدە ءتارتىپ ورناتۋ بويىنشا شارا قولدانبادى»، - دەدى باس پروكۋرور.

قۇقىق قورعاۋ ورگانىنىڭ وكىلدەرى قارۋدى تارتىپسىزدىك كۇش قولدانۋ فازاسىنا وتكەن كەزدە  قولدانعان، بۇدان سوڭ «قالالاردى قارۋلى سودىرلاردان تازارتقان كەزدە» پايدالانىلعان. سونداي-اق قارۋ قولدانۋ توقاەۆتىڭ ەسكەرتۋسىز وق اتۋعا بۇيرىق بەرگەنىنە دەيىن باستالعان.

«ياعني، شابۋىلداۋشىلارعا وق پرەزيدەنتتىڭ بەلگىلى مالىمدەمەسىنە دەيىن اتىلعان. بۇل بويىنشا تالقىلاۋلاردىڭ بارلىعى ادەيى قوعام پىكىرىن قالىپتاستىرۋ جاعىنا قاراي ويىسىپ بارادى. ءىس جۇزىندە كۇشتىك قۇرىلىمدارعا قىلمىسكەرلەرگە وق اتۋ ءۇشىن ارنايى بۇيرىق كەرەك جوق. بۇل بويىنشا زاڭ نورمالارى بار»،- دەدى بەرىك اسىلوۆ.

ۇيىمداستىرۋشىلار اراسىندا جوعارى دارەجەلى شەنەۋنىكتەر دە، ۇقت مۇشەلەرى دە بولعان

قاڭتارداعى تارتىپسىزدىك كەزىندە ۇقك قىزمەتكەرلەرى كارىم ءماسىموۆتىڭ نۇسقاۋىمەن عيماراتتارىن قاراۋسىز قالدىرعان

ونىڭ تاپسىرماسى بويىنشا الماتى قالاسى مەن قىزىلوردا وبلىسى بويىنشا ۇقك عيماراتتارىن تاستاپ شىققان. سونداي-اق، باسشىلىقتىڭ پارمەنىمەن الماتى جانە جامبىل وبلىستارىنىڭ ىشكى ىستەر دەپارتامەنتتەرىنىڭ عيماراتتارى قاراۋسىز قالدىرىلعان.

ايجان تەمىرحان

Abai.kz