«ەر توستىك جانە ايداھار» - تۇڭعىش ۇلتتىق تولىقمەتراجدى انيماتسيالىق فيلم
21 مامىردا وسى جىلدىڭ كوپتەن كۇتكەن جوباسى - شاكەن ايمانوۆ اتىنداعى «قازاقفيلم» اق جارىققا شىعارعان، رەجيسسەرلەر جاكەن دانەنوۆ پەن رۋستام تۇراليەۆ جاساعان، قازاق مۋلتيپليكاتسياسى تاريحىنداعى تۇڭعىش ۇلتتىق تولىقمەتراجدى «ەر توستىك جانە ايداھار» اتتى انيماتسيالىق ءفيلمى ەلىمىزدىڭ بارلىق كينوتەاترلارىنان كورسەتىلە باستايدى. اتالعان انيماتسيالىق تۋىندىنىڭ تاعى دا ءبىر ەرەكشەلىگى - وتاندىق تۋىندى كينوتەاترلاردا 3D فورماتىندا كورسەتىلەدى.
قازاق انيماتسيالىق كينو تاريحىنداعى تۇڭعىش تولىقمەتراجدى انيماتسيالىق فيلمگە حالىق ەرتەگىسى - «ەر توستىك» ارقاۋ بولعان. «ەر توستىك» قازاق انيماتسيا تاريحىنداعى تۇڭعىش تولىقمەتراجدى فيلم عانا ەمەس، ول، سونىمەن قاتار، الەمدەگى سوڭعى انيماتسيالىق 2D جانە 3D ۇلگىدەگى تەحنولوگيالار قولدانىلعان جوبا بولۋىمەن دە قۇندى.
وسىعان دەيىن شەتەلدىك انيماتسيالىق فيلمدەرمەن تاربيەلەنىپ كەلگەن جاس ۇرپاق اتالمىش فيلم ارقىلى قازاق ەرتەگىلەرىنىڭ كونە كەيىپكەرلەرىمەن قاۋىشىپ، حالقىمىزدىڭ رۋحاني الەمىنەن ءنار الا باستايتىنىنا ءۇمىت زور.
21 مامىردا وسى جىلدىڭ كوپتەن كۇتكەن جوباسى - شاكەن ايمانوۆ اتىنداعى «قازاقفيلم» اق جارىققا شىعارعان، رەجيسسەرلەر جاكەن دانەنوۆ پەن رۋستام تۇراليەۆ جاساعان، قازاق مۋلتيپليكاتسياسى تاريحىنداعى تۇڭعىش ۇلتتىق تولىقمەتراجدى «ەر توستىك جانە ايداھار» اتتى انيماتسيالىق ءفيلمى ەلىمىزدىڭ بارلىق كينوتەاترلارىنان كورسەتىلە باستايدى. اتالعان انيماتسيالىق تۋىندىنىڭ تاعى دا ءبىر ەرەكشەلىگى - وتاندىق تۋىندى كينوتەاترلاردا 3D فورماتىندا كورسەتىلەدى.
قازاق انيماتسيالىق كينو تاريحىنداعى تۇڭعىش تولىقمەتراجدى انيماتسيالىق فيلمگە حالىق ەرتەگىسى - «ەر توستىك» ارقاۋ بولعان. «ەر توستىك» قازاق انيماتسيا تاريحىنداعى تۇڭعىش تولىقمەتراجدى فيلم عانا ەمەس، ول، سونىمەن قاتار، الەمدەگى سوڭعى انيماتسيالىق 2D جانە 3D ۇلگىدەگى تەحنولوگيالار قولدانىلعان جوبا بولۋىمەن دە قۇندى.
وسىعان دەيىن شەتەلدىك انيماتسيالىق فيلمدەرمەن تاربيەلەنىپ كەلگەن جاس ۇرپاق اتالمىش فيلم ارقىلى قازاق ەرتەگىلەرىنىڭ كونە كەيىپكەرلەرىمەن قاۋىشىپ، حالقىمىزدىڭ رۋحاني الەمىنەن ءنار الا باستايتىنىنا ءۇمىت زور.
ءوندىرىسى: شاكەن ايمانوۆ اتىنداعى «قازاقفيلم» اق
ۇزاقتىعى: 67 مينۋت
رەجيسسەرلەرى: جاكەن دانەنوۆ، رۋستام تۇراليەۆ
ستسەناري اۆتورلارى: جاكەن دانەنوۆ، رۋستام تۇراليەۆ، ميحايل الداشيننىڭ قاتىسۋىمەن
قويۋشى سۋرەتشىلەرى: تيمۋر دايرباەۆ، جاندوس وماروۆ، جاكەن دانەنوۆ
كومپوزيتورلارى: ەدىل قۇسايىنوۆ، ۆيتالي ميحاەليس، اقتوتى رايىمقۇلوۆا
رولدەردى دىبىستاعان:
(قازاق تىلىندە) دۋلىعا اقمولدا (ەر توستىك), ديماش اكىموۆ (شويىنقۇلاق), كۇنسۇلۋ شاياحمەتوۆا (بەكتورى), مەرەي اجىبەكوۆ (قوساياق), ليديا قادەن (مىستان), نۇكەتاي مىشباەۆا (اجار), قادىربەك دەمەسىنوۆ (ەرنازار), اقكەنجە ءالىمجان (كەنجەكەي), قايرات دومباەۆ (باپى), باۋىرجان قاپتاعاي (اقىن), ەلدار وتارباەۆ (تاسباقا), بەيبىت ءمۇسلىموۆ (تاۋسوعار), ازامات قاناپياەۆ (جەلاياق), ەرجان ءتۇسىپوۆ (كولجۇتار); ..
(ورىس تىلىندە) يليا شيلكين (ەر توستىك), رومان پروحوروۆ (شويىنقۇلاق), ليا نەلسكايا (مىستان), نينا جمەرەنەتسكايا (اجار), يگور ليچادەەۆ (ەرنازار), اناستاسيا تەمكينا (كەنجەكەي), وكسانا بويچەنكو (بەكتورى), مەرەي ادجيبەكوۆ (قوساياق), اناتولي كرەجەنچۋكوۆ (باپى), سەرگەي نيكونەنكو (اقىن), ەۆگەني جۋمانوۆ (تاسباقا), يليا سادىكوۆ (تاۋسوعار), فيليپپ ۆولوشين (جەلاياق), سەرگەي نيكونەنكو (كولجۇتار), دينارا ەگەۋباەۆا (كىتاپ)
18 ناۋرىزدا الماتى قالاسىندا «ارمان» كينوتەاترىندا «ەر توستىك جانە ايداھار» اتتى انيماتسيالىق ءفيلمىنىڭ ءباسپاسوز وكىلدەرىنە ارنالعان كورسەتىلىمى جانە ءباسپاسوز ءماسليحاتى ءوتتى.
قاتىسقاندار:
ەرمەك امانشاەۆ - شاكەن ايمانوۆ اتىنداعى «قازاقفيلم» اق پرەزيدەنتى
جاكەن دانەنوۆ - رەجيسسەر، ستسەناري اۆتورى
رۋستام تۋراليەۆ - رەجيسسەر، ستسەناري اۆتورى، اتقارۋشى پروديۋسەر
ليديا كادەن - اكتريسا
قادىربەك دەمەسىنوۆ - اكتەر
كءۇنسۇلۋ شاياحمەتوۆا - اكتريسا
اقكەنجە ءالءىمجان - اكتريسا
- بۇل - ءبىز ءۇشىن باعا جەتپەس تاجىريبيە. تولىقمەتراجدى انيماتسيالىق فيلمدەردى ءتۇسىرۋ ەندى قولىمىزدان كەلەتىنىنە قۋانىشتىمىز. فيلم وتاندىق انيماتسيا تاريحىنان لايىقتى ءوز ورنىن الاتىنىنا كۇمانىم جوق، - دەدى ءفيلمنىڭ رەجيسسەرى جاكەن دانەنوۆ.
قازاق فولكلور كەيىپكەرلەرىن 3D فورماتىنا سالىپ، انيماتسيالىق تۋىندىنى دۇنيەگە اكەلگەن توپ - ەلىمىزدىڭ ەڭ ۇزدىك كومپيۋتەرلىك گرافيكا ماماندارى مەن انيماتورلارى. ءفيلمدى تۇسىرۋدە "motion capture" زاماناۋي تەحنولوگياسى (اكتەرلەردىڭ قيمىل-ارەكەتىن انيماتسياعا اينالدىرۋ) قولدانىلعان. ءفيلمدى جاساۋعا ءۇش جىلداي ۋاقىت كەتتى. شەتەلدىڭ ءىرى مۋلتيپليكاتسيالىق فيلمدەر شىعاراتىن ستۋديالارى ەسەبىمەن سالىستىرعاندا، بۇل مەرزىم از ۋاقىت بولىپ ەسەپتەلەدى ەكەن. سونىمەن قاتار، كەيىپكەرلەردى دىبىستاۋ جۇمىسىنا قازاقستاندىق اكتەرلەر دە بار كۇشىن سالدى. ولاردىڭ قاتارىندا: ليديا قادەن، ديماش اكىموۆ، قادىربەك دەمەسىنوۆ، كۇنسۇلۋ شاياحمەتوۆا، اقكەنجە ءالىمجان، يليا شيلكين، ليا نەلسكايا، نينا جمەرەنەتسكايا، ەۆگەني جۋمانوۆ، فيليپپ ۆولوشين جانە تاعى دا باسقالارى.
- «ەر توستىك جانە ايداحار» انيماتسيالىق ءفيلمىن ۇلكەن ەكرانداردان كورۋ كەرەك، ويتكەنى فيلمدەگى انيماتسيا مەن ونىڭ دىبىسى ارنايى كينوتەاترلار ءۇشىن جاسالعان. قازاقستاندىقتاردى وسى اۋقىمدى ءمۋلتفيلمدى كورۋگە شاقىرامىن. وتاندىق مۋلتيپليكاتسيانى قولداڭىزدار! بار كۇشىمىزدى سالدىق، كوڭىلدەرىڭىزدەن شىعامىز دەپ ويلايمىن»، - دەدى ءفيلمنىڭ رەجيسسەرى رۋستام تۇراليەۆ.
«ەر توستىك جانە ايداھار» اتتى تۇڭعىش وتاندىق انيماتسيالىق فيلم 3D جانرىندا 21 نارۋرىزدان باستاپ ەلىمىزدىڭ بارلىق كينوتەاترلارىنان كورسەتىلەدى.
انىقتاما: ش. ايمانوۆ اتىنداعى «قازاقفيلم» اق - كوركەم، دەرەكتى، انيماتسيالىق كينو ءوندىرىسى مەن وندىرىستەن كەيىنگى كەزەڭدە تۇرعان ونىمدەرمەن (ونىڭ ىشىندە مونتاجداۋ، دىبىستاۋ، ت.ب.) اينالىساتىن قازاقستانداعى نەگىزگى كينوكومپانيا. ش.ايمانوۆ اتىنداعى «قازاقفيلم» كينوستۋدياسىنىڭ تاريحى 1934 جىلدان باستاۋ الادى، ءدال وسى جىلى الماتى كينوحرونيكا ستۋدياسى قۇرىلدى، ال 1941 جىلى الماتى كوركەم فيلمدەر ستۋدياسى دەپ وزگەرتىلىپ، كينوستۋديانىڭ وندىرىستىك نەگىزى بارىنشا نىعايا ءتۇستى. 1941 جىلى 15 قاراشادا الماتى كينوستۋدياسى قازاقستانعا ەۆاكۋاتسيالانعان «موسفيلم» جانە «لەنفيلم» كينوستۋديالارىمەن بىرلەسىپ، بىرلەسكەن ورتالىق كينوستۋديا بولىپ قايتا قۇرىلىپ، الماتىدا 1944 جىلعى دەيىن جۇمىس ىستەدى. سوعىس جىلدارى كەزەڭىندە وتاندىق كوركەم فيلمدەردىڭ 80 پايىزىن اتالمىش ورتالىق كينوستۋديا شىعاردى. 1960 جىلى «قازاقفيلم» اتاۋىنا يە بولدى. 1984 جىلى كينوستۋدياعا ۇلتتىق كينەماتوگرفيانىڭ كورنەكتى قايراتكەرى شاكەن ايمانوۆتىڭ ەسىمى بەرىلدى.
قۇرمەتپەن،
ش.ايمانوۆ اتىنداعى «قازاقفيلم» اق ءباسپاسوز قىزمەتى
