كەشە قىتاي توراعاسى شي جيپيڭ ماسكەۋگە ساپارلاپ باردى. رەسەي باسشىسى ەكەۋى ەسىكتى اشىپ قويىپ تا، جاۋىپ قويىپ تا سويلەسىپ، كەلىسسوزدەر وتكىزىپ جاتىر، دەپ جازادى Mezgil.kz.

وسىعان دەيىن قىتاي ۋكراينا مەن رەسەيگە بەيبىت كەلىسىم جوباسىن ۇسىنعان ەدى. قىتاي ەكىاراعا اراعايىندىق جاساۋعا نيەت تانىتتى.

بۇگىن رەسەي پرەزيدەنتى پۋتين: «قىتاي ۇسىنعان بەيبىت كەلىسىم جوباسىن باسشىلىققا الىپ، ۋكراينا داعدارىسىن شەشۋگە دايىنبىز»، - دەدى.

وسىنىڭ ءوزى ايماقتاعى رەسەي ىقپالىنىڭ قانشالىقتى السىرەگەنىن كورسەتسە كەرەك.

باتىستىق ساراپشىلار: «وا-دا رەسەيدىڭ بۇرىنعى الەۋەتى السىرەدى. ورنىن قىتاي باسىپ جاتىر»، - دەيدى.

ماسكەۋدە جۇرگەن شي توراعانىڭ ءار باسقان ءىزىن اڭدىپ وتىرعان جۇرت كوپ. قىتاي توراعاسى وسىعان دەيىن پرەزيدەنت زەلەنسكيمەن دە جولىقپاق نيەتتە ەكەنىن ايتقان. ال بۇگىن پۋتينگە: «جىل سوڭىنا دەيىن بەيجىڭگە كەلىڭىز»، - دەدى.

ءوز كەزەگىندە ۆلاديمير پۋتين: «ءبىز ازيا، افريكا جانە لاتىن امەريكا ەلدەرىمەن ساۋدانى يۋانمەن جاساۋدى قولدايمىز»، - دەدى. وسىنى ايتقانىنان-اق، رەسەي پرەزيدەنتىنىڭ تىعىرىققا تىرەلگەنىن ءھام رەسەيگە قارسى ەكونوميكالىق سانكتسيالاردىڭ اسەر ەتە باستاعانىن باعامداي بەرىڭىز. «سانكتسيا دەگەنىڭىز تۇك تە اسەر ەتپەيدى»، - دەپ بەتباقتىرماعان كرەملدىڭ جاعدايى بەلگىلى بولدى.

Abai.kz