پروكۋراتۋرانىڭ مالىمەتىنشە، كەيىنگى ءۇش جىلدا ەلدىڭ قۇقىق قورعاۋ ورگاندارى قىلمىس جاسادى دەگەن كۇدىكپەن 3 مىڭنان استام ادامدى ىزدەستىرگەن.

قازىرگە دەيىن ونىڭ 500-ءى ۇستالعان، ونىڭ ىشىندە شەتەلدە ۇستالىپ، قازاقستانعا ەكستراديتسيالانعاندار دا بار.

– قازىر 2500 ادام ىزدەستىرىلىپ جاتىر. ونىڭ 400-ءى "الاياقتىق جاسادى", 250-ءى "ۇرلىق جاسادى" دەگەن كۇدىككە ىلىنگەن. "اۋىر جانە اسا اۋىر قىلمىس جاسادى" دەگەن كۇدىككە ىلىنگەن 250 ادام ىزدەۋ جاريالانعاننان كەيىن ۇستالدى. شەت مەملەكەتتەرمەن ىنتىماقتاستىق ناتيجەسىندە ىزدەۋدەگى 600 كۇدىكتىنىڭ جۇرگەن جەرى انىقتالدى، ولاردىڭ كوبى رەسەيدە، اقش-تا، تۇركيا، بىرىككەن اراب امىرلىكتەرىندە، قىرعىزستان، وزبەكستان جانە ۋكراينادا جاسىرىنىپ ءجۇر، – دەپ حابارلادى باس پروكۋراتۋرانىڭ ءباسپاسوز قىزمەتى.

Abai.kz