ەل پرەزدەنتى قاسىم-جومارت توقاەۆتىڭ قارۋلى كۇشتەردى كەشەندى جانە جۇيەلى جەتىلدىرۋدى قامتاماسىز ەتۋ جونىندەگى تاپسىرمالارىن ىسكە اسىرۋ ماقساتىندا كوپتەگەن پارمەندى ىستەر قولعا الىنا باستادى.

سونىڭ ءبىرى يدەولوگيالىق، تاربيە جانە اقپاراتتىق جۇمىستى جەتىلدىرۋ، اسكەري قىزمەتشىلەر مەن ولاردىڭ وتباسى مۇشەلەرىنە پسيحولوگيالىق كومەك كورسەتۋدىڭ وزەكتى ادىستەرىن ەنگىزۋ بولىپ تابىلادى. قر قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ نۇسقاۋى بويىنشا قارۋلى كۇشتەردە تاربيەلىك قۇرىلىمداردىڭ قىزمەتىن قايتا فورماتتاۋ كەڭ كولەمدە جۇرگىزىلۋدە. وسى ماقساتتا قازاق قوعامنىڭ ارمياعا دەگەن سەنىمىن ارتتىرۋعا، ونىڭ بەدەلىن كوتەرۋگە ىقپال ەتەتىن شارالار جەر-جەردە وتكىزىلە باستادى. وسى ورايدا اشىقتىق، حاباردارلىق جانە ازاماتتىق قوعاممەن جولعا قويىلعان ديالوگ ەرەكشە ءرول اتقاراتىنىن ەسكەرۋگە ءتيىسپىز.

باس شتاب باستىعىنىڭ ورىنباسارى – تاربيە جانە يدەولوگيالىق جۇمىس دەپارتامەنتىنىڭ باستىعى گەنەرال-مايور سەرىك بورامباەۆتىڭ جانە قورعانىس ءمينيسترىنىڭ يدەولوگيا، اقپارات جانە كوممۋنيكاتسيا جونىندەگى كەڭەسشىسى الىشەر سۇلەيمەنوۆتەر قاشاندا يگى ىستەردىڭ باسى-قاسىنان تابىلۋدا.

كەڭىنەن قولعا الىنعان وقۋ-ادىستەمەلىك جيىندارعا باس قولباسشىلاردىڭ، قولباسشىلاردىڭ، ءبولىم كومانديرلەرىنىڭ، قورعانىس ىستەرى جونىندەگى دەپارتامەنتتەر باستىقتارىنىڭ ورىنباسارلارى، يدەولوگيالىق جۇمىس جانە مەملەكەتتىك-قۇقىقتىق دايارلىق جونىندەگى وفيتسەرلەر، پسيحولوگتار مەن گارنيزونداردىڭ ءباسپاسوز حاتشىلارى قاتىستىرىلۋدا.

مىنە وسى ماقساتتاعى وقۋ-ادىستەمەلىك جيىندار جونىندە تاربيە جانە يدەولوگيالىق جۇمىس دەپارتامەنتىنىڭ باستىعى گەنەرال-مايور سەرىك بورامباەۆ وفيتسەرلەردى اسكەري ورتاداعى ورنى تولماس شىعىندى ازايتۋعا باعىتتالعان «ءومىردى ساقتا» ۆەدومستۆوارالىق باعدارلاماسىنىڭ جوباسىن ىسكە اسىرۋعا قاتىستى:

– تاربيە جۇمىسى اسكەردىڭ مورالدىق رۋحى، جاۋىنگەرلىك دايىندىعى، جاۋىنگەرلىك قابىلەتى مەن ۇيلەسىمدىلىگى دەرلىك تارتىپپەن تىعىز بايلانىستى. ءبىز بارلىق اقپاراتتىق-الدىن الۋ جۇمىستارىن ماڭىزدى يدەولوگيالىق جانە عىلىمي-پراكتيكالىق نەگىز رەتىندە ۇيلەستىرۋىمىز كەرەك، – دەپ باق وكىلدەرىنە ءمالىم ەتتى.

ءوز كەزەگىندە قورعانىس ءمينيسترىنىڭ يدەولوگيا، اقپارات جانە كوممۋنيكاتسيا جونىندەگى كەڭەسشىسى الىشەر سۇلەيمەنوۆ قىزمەتتى ۇيىمداستىرۋداعى جاڭا تاسىلدەرگە بايلانىستى

– باستى ماقساتىمىز – جاۋىنگەرلىك دايىندىق دەڭگەيىن ارتتىرۋ. اسكەري قىزمەتشىنىڭ يدەولوگيالىق، مورالدىق-پسيحولوگيالىق جانە اقپاراتتىق دايىندىعى اسكەري قىزمەتشى كەلبەتىنىڭ اجىراماس قۇرامداس بولىگى ىسپەتتەس. قازىرگى زامانعى كاسىبي ارميا ءبىزدىڭ شەكارا تۇتاستىعىنىڭ كەپىلى رەتىندە اسكەري ءىستىڭ بارلىق سالالارىندا جاڭا ادىستەردى قولدانۋعا مىندەتتى. بۇگىنگى جيىن – العا قويىلعان تاپسىرمالاردى ىسكە اسىرۋعا جاسالعان كەزەكتى قادام، – دەپ جۋرناليستەرگە ءوز ويىن ورتاعا سالدى.

وسىنداي شارالاردى ۇيىمداستىرۋعا ۇيىتقى بولىپ جۇرگەن قۇرلىق اسكەرلەرى اسكەري ينستيتۋتى باستىعىنىڭ ورىنباسارى پودپولكوۆنيك ەلدوس بوزعۇلوۆ تىلشىلەر قاۋىمىنا:

– بيىلعى وقۋ-ادىستەمەلىك جيىننىڭ تۇجىرىمداماسى تۇبەگەيلى قايتا قارالعانىن ايتا كەتكەن ءجون. العاش رەت ول «اشىق ميكروفون» تۇرىندە ءوتتى. ءبىز پروبلەمالىق ماسەلەلەردى ايتتىق، باسشىلىقتان تولىق جاۋاپ الدىق جانە كۇندەلىكتى قىزمەتتى جاقسارتۋ جونىندە ۇسىنىستار بەردىك، – دەپ اتاپ ءبىراز دۇنيەلەردىڭ شەت جاعاسىن ءسوز ەتتى.

بىلتىر وسى باعىتتاعى پلەنارلىق ساباقتار سوڭى جيىن سەكتسيالارىنا ۇلاستى. تاربيە جانە يدەولوگيالىق جۇمىستار جونىندەگى وفيتسەرلەر، پسيحولوگتار مەن ءباسپاسوز حاتشىلارى جۇمىستىڭ جاڭا تاسىلدەرىمەن تانىسىپ، قىزمەتتە ءىس-ارەكەتتىڭ تيىمدىلىگىن ارتتىرۋعا باعىتتالعان پراكتيكالىق باعدار الدى.

وسىنداي جيىندار بارىسىندا اسكەرلەردەگى اسكەري ءتارتىپتىڭ جاي-كۇيىنە، جارعىدان تىس قاتىناستاردىڭ تۋىنداۋ سەبەپتەرىنە ەگجەي-تەگجەيلى تالداۋ جاسالدى. مامانداردىڭ تاجىريبەلىك ۇسىنىستارى دا ايتىلدى.

بيىلعى ءساۋىر ايىنىڭ باسىندا قازاقستان قارۋلى كۇشتەرىنىڭ تاريحىندا سپورتقا قاتىستى ايتۋلى ەكى وقيعا بولدى. ەندى وسىلاردى رەت-رەتىمەن ءسوز ەتەيىك.

جاقىندا بەلارۋس استاناسى مينسكىدە تمد-عا مۇشە ەلدەردىڭ جوعارى وقۋ ورىندارى كۋرسانتتارىنىڭ VII حالىقارالىق وليمپياداسى اياسىندا اسكەر تاريحىنىڭ مىقتىلارىنا ارنالعان زياتكەرلىك سايىس بەلارۋس رەسپۋبليكاسىنىڭ اسكەري اكادەمياسىندا بولىپ ءوتتى.

وسى VII حالىقارالىق وليمپيادادا ەلىمىزدىڭ نامىسىن قۇرامى امانجول ماحاببات، داۋلەت ءابدۋالي، دانيل كراۆچۋك، دوسجان ءامىرحان جانە ءنۇرسات بايمۇراتتاردان تۇراتىن كەڭەس وداعىنىڭ ەكى مارتە باتىرى تالعات بيگەلدينوۆ اتىنداعى اۋە قورعانىس كۇشتەرى اسكەري ينستيتۋتىنىڭ كومانداسى قورعادى.

وسى توپتى باستاپ بارعان ينستيتۋتتىڭ اعا وقىتۋشىسى باتىر ساداقوۆ:

– بايقاۋ ءتورت كەزەڭنەن تۇردى. ءبىرىنشى جانە ەكىنشى كەزەڭدە كۋرسانتتار ۇلى وتان سوعىسىنىڭ تاريحىنان، وقيعالار حرونولوگياسىنان، ستالينگراد تۇبىندەگى شايقاستان جانە باسقا دا بىلىمدەرىن كورسەتتى. ءۇشىنشى تۋر «اسكەري-تاريحي سايىس» تۇرىندە وتسە، ال تورتىنشىسىندە كاپيتانداردىڭ ءبىلىمى سىنالدى. ناتيجەسىندە كۋرسانتتار جالپى كوماندالىق ءۇشىنشى ورىن ەنشىلەدى، – دەپ جەرلەستەرىمىزدىڭ قول جەتكىزگەن جەتىستىكتەرىن جۋرناليستەر قاۋىنا ءسوز ەتتى.

سونداي-اق وسى ايدىڭ باسىندا ارمەنيا استاناسى ەرەۆاندا تاۋەلسىز مەملەكەتتەر دوستاستىعىنا قاتىسۋشى مەملەكەتتەر سپورت كوميتەتىنىڭ  كەزەكتى وتىرىسى بولىپ ءوتتى. وسى ءبىر ايتۋلى شاراعا ءبىزدىڭ ەلدەن  قورعانىس مينيسترلىگى سپورت كوميتەتىنىڭ توراعاسى - ورتالىق سپورت كلۋبىنىڭ باستىعى ولگا شيشيگينا باستاعان قازاقستاندىق دەلەگاتسيا قاتىسىپ قايتتى.

قازاقستاندىق دەلەگاتسيا تمد-عا مۇشە مەملەكەتتەر قورعانىس مينيسترلەرى كەڭەسىنىڭ  2023 جىلعا ارنالعان جۇمىس جوسپارىمەن تانىس بولدى. ءبىزدىڭ بىلگەنمىز اسكەري اراسىنداعى سپارتاكيادا شەڭبەرىندە بىرقاتار چەمپيوناتتار وتكىزىلمەكشى. اتاپ ايتساق، ءبىزدىڭ ورتالىق ازيادا قىركۇيەك ايىندا قازاقستاندا اسكەريلەندىرىلگەن كروسس، تاجىكستاندا دزيۋدودان جانە وزبەكستاندا ارميالىق قويان-قولتىق ۇرىستان چەمپيوناتتار وتكىزۋ وسى باسقوسۋ اياسىندا جوسپارلاندى.

ءبىر سوزبەن ايتقاندا يدەولوگيا مەن سپورت سالاسىنداعى قانداي ءبىر ءىس-شارا بولماسىن قازاق ارمياسىنىڭ ەل اراسىنداعى پوزيتسيالارىن نىعايتۋعا جانە حالىقارالىق ارەنادا قازاقستان قارۋلى كۇشتەرىنىڭ اسكەري-سپورتتىق قۇرامداس بولىگىن كۇشەيتۋگە ىقپال ەتەتىنى ءسوزسىز.

ءابىل-سەرىك الىاكبار

Abai.kz