سەنبى, 8 مامىر 2021
جاڭالىقتار 2152 0 پىكىر 29 ءساۋىر, 2013 ساعات 07:32

فازىلبەك ءابساتتارۇلى: «بۇل ءبىزدىڭ قوعامنىڭ، ۇلتتىڭ ماسەلەسى»

- فازىلبەك، اباي.كز سايتىندا جاريالانعان حاتىڭدى بەي-جاي قابىلداۋ مۇمكىن بولمادى. جاقىندا عانا ەلباسىمىز استانا قالالىق اكىمدىگىنىڭ جۇمىستارىنا ءبىراز سىن ايتتى. بۇل جايتتىڭ ءسىزدىڭ ماسەلەڭىزگە دە قاتىسى بار بولار؟

- الدىمەن اباي.كز سايتىنىڭ بەدەلىنە توقتالا كەتكەندى ءجون كورىپ وتىرمىن. سەبەبى، حاتىمدى الدىمەن اباي.كز جاريالاپ، ءبىراز قوعامدىق پىكىر تۋدىرىپ، جوعارى جاققا قوزعاۋ سالعانىنا كۋا بولدىم. پرەزيدەنتتىڭ اينالاسىنداعى قىزمەتكەرلەر مەن ىقپالدى توپتار اباي.كز سايتىن باقىلاپ وتىراتىنىنا كوز جەتكىزدىم. مەملەكەتتىك مەكەمەلەردىڭ شەكتەن شىققان ادىلەتسىزدىگى مەن سوراقىلىقتارىن دالەلدەيتىن قۇجاتتاردى ەلباسىنىڭ نازارىنا جەتكىزۋشى قۇزىرەتتى ورگاندارعا حات جازعان سوڭ، ەلباسىنىڭ استاناداعى تۇرعىن ءۇي ماسەلەسىنە ارالاسۋىنا تىكەلەي تۇرتكى بولماسا دا سەبەپكەر بولدى دەپ ويلايمىن. سەبەبى مەنىڭ باسىمداعى جاعداي شاعىن توپتىڭ عانا ەمەس، ۇشىن ۇستاپ تارتقىلاي بەرسەڭىز، بىرقانشا مەملەكەتتىك مەكەمەلەر مەن كوممەرتسيالىق ۇيىمداردىڭ قاپتاعان بىلىقتارىن اشىپ، ءدۇيىم ءبىر ەلدىڭ ماسەلەسىنە اينالاتىنى بەلگىلى. بۇل جەردە قۇقىن قورعاۋدى بىلمەيتىن، ءتۇرلى الداۋ مەن ارباۋدىڭ قۇربانى بولعانى قانشاما ادامداردىڭ كوز-جاسى مەن ماڭداي تەرى جاتىر.

- فازىلبەك، اباي.كز سايتىندا جاريالانعان حاتىڭدى بەي-جاي قابىلداۋ مۇمكىن بولمادى. جاقىندا عانا ەلباسىمىز استانا قالالىق اكىمدىگىنىڭ جۇمىستارىنا ءبىراز سىن ايتتى. بۇل جايتتىڭ ءسىزدىڭ ماسەلەڭىزگە دە قاتىسى بار بولار؟

- الدىمەن اباي.كز سايتىنىڭ بەدەلىنە توقتالا كەتكەندى ءجون كورىپ وتىرمىن. سەبەبى، حاتىمدى الدىمەن اباي.كز جاريالاپ، ءبىراز قوعامدىق پىكىر تۋدىرىپ، جوعارى جاققا قوزعاۋ سالعانىنا كۋا بولدىم. پرەزيدەنتتىڭ اينالاسىنداعى قىزمەتكەرلەر مەن ىقپالدى توپتار اباي.كز سايتىن باقىلاپ وتىراتىنىنا كوز جەتكىزدىم. مەملەكەتتىك مەكەمەلەردىڭ شەكتەن شىققان ادىلەتسىزدىگى مەن سوراقىلىقتارىن دالەلدەيتىن قۇجاتتاردى ەلباسىنىڭ نازارىنا جەتكىزۋشى قۇزىرەتتى ورگاندارعا حات جازعان سوڭ، ەلباسىنىڭ استاناداعى تۇرعىن ءۇي ماسەلەسىنە ارالاسۋىنا تىكەلەي تۇرتكى بولماسا دا سەبەپكەر بولدى دەپ ويلايمىن. سەبەبى مەنىڭ باسىمداعى جاعداي شاعىن توپتىڭ عانا ەمەس، ۇشىن ۇستاپ تارتقىلاي بەرسەڭىز، بىرقانشا مەملەكەتتىك مەكەمەلەر مەن كوممەرتسيالىق ۇيىمداردىڭ قاپتاعان بىلىقتارىن اشىپ، ءدۇيىم ءبىر ەلدىڭ ماسەلەسىنە اينالاتىنى بەلگىلى. بۇل جەردە قۇقىن قورعاۋدى بىلمەيتىن، ءتۇرلى الداۋ مەن ارباۋدىڭ قۇربانى بولعانى قانشاما ادامداردىڭ كوز-جاسى مەن ماڭداي تەرى جاتىر.

- اق ادال اقشاعا ساتىپ العان باسپانا داۋلى بولىپ جاتقاندىعى جانە ول داۋعا استانالىق مەكەمەلەردىڭ بەلسەنە كىرىسكەنىن ەستىپ، جاعامىزدى ۇستادىق. باسىڭداعى جايدى باستان-اياق بايانداپ بەرسەڭىز.

- ءبىر سوزبەن ايتقاندا، قولما-قول اقشاعا ساتىپ العان پاتەرىمدى استانا اكىمدىگىنە قاراستى مەملەكەتتىك مەكەمەلەر تارتىپ الىپ جاتىر. ال تارقاتىپ ايتار بولسام، 07.09.2009 كۇنى «استانا ستروينۆەست» كورپوراتسياسى» جشس (بۇدان ءارى اسي كورپوراتسياسى) مەن «WS-T» جشس-نان № 8/07 شارتىنا سايكەس ءبىر بولمەلى پاتەر ساتىپ العان ەدىم. الايدا اسي كورپوراتسياسى 17.11.2009 كۇنى № 9/6-نس شارتىنا سايكەس استانا قۇرىلىس باسقارماسىنا استىرتىن ساتىپ جىبەرىپتى. بۇدان مەنىڭ ەش حابارىم جوق. كەيىننەن اسي كورپوراتسياسى مەنىمەن جاساسقان شارتتى بۇزۋ ءۇشىن سوتقا جۇگىندى. ناتيجەسىندە استانا قالالىق سوتىنىڭ بارلىق ينستانتسيالارى كەلىسىم شارتىمدى تولىق كۇشىندە قالدىرىپ، قارسى جاقتىڭ تالاپ ارىزىن تولىعىمەن قاناعاتتاندىرماي تاستادى. سوتتىڭ بارلىق شەشىمدەرى شىعىپ بولعاننان كەيىن، زاڭدى پاتەرىمدى بەرۋدىڭ ورنىنا الگىلەر سوتتىڭ شەشىمدەرىنە قارسى ارەكەتتەرىن باستادى.

اتاپ ايتقاندا، 01.11.2011 كۇنگى سوتتىڭ سوڭعى شەشىمى - كاسساتسيالىق سوت القاسىنىڭ قاۋلىسىنا قاراماستان جانە حابارى بولا وتىرىپ،اتالعان پاتەردى «قالالىق جىلجىمايتىن مۇلىك» مكك-ءنىڭ بالانسىنا بەرۋ ءۇشىن14.02.2012 كۇنى «استانا قالاسىنىڭ قارجى باسقارماسى» مم-ءنىڭ № 83 بۇيرىعى شىققان. 16.03.2012 كۇنى الىس-بەرىس اكتىسى ارقىلى اتالعان پاتەر «قالالىق جىلجىمايتىن مۇلىك» مكك-نە بەرىلىپ، 18.09.2012 كۇنى بۇل مەكەمەمەنىڭپاتەرىمدى استانا قالاسىنىڭ ادىلەت دەپارتامەنتىنە تىركەگەن. 19.03.2013 كۇنى ماعان«قالالىق جىلجىمايتىن مۇلىك» مكك-نەن پاتەردى بوساتۋ تۋرالى حابارلاما كەلدى. سوتتىڭ قاۋلىلارىن، زاڭدى پاتەرىمنىڭ ءتيىستى بارلىق قۇجاتتارىن تىركەپ، حابارلاماعا نارازىلىق جولدادىم.

ارتىنشا بىردەن استانا قالاسى سارىارقا اۋداندىق سوتىنا جۇگىندىم. تالاپ ارىزىم: جوعارىدا اتالعان مەملەكەتتىك مەكەمەلەردىڭ الدىڭعى سوتتىڭ شەشىمىنەن كەيىنگى جاساعان اكت، بۇيرىق، شارتتارىنىڭ ءبارىنىڭ زاڭسىز ەكەندىگىن جانە زاڭسىز دەپ تانۋ تۋرالى ەدى. تالاپ-ارىزدىڭ كوشىرمەسىن جولداپ، ماسەلەنى سوت ارقىلى شەشەمىز دەپ حات جولداعانىما قاراماستان، تاعى دا 05.04.2013 كۇنى «قالالىق جىلجىمايتىن مۇلىك» مكك حابارلاما جولداپ، بۇل پاتەردىڭ ج.ي.قۇساينوۆا دەگەن ازاماتشاعا پاتەردى بەرىپ جىبەرگەندەرىن حابارلادى. اقىلعا ەش سيمايتىنى، اتالعان مەملەكەتتىك مەكەمەلەردىڭ بارلىعىنىڭ سوتتىڭ شەشىمىنەن حابارى بولا وتىرىپ، ورىنداعىسى، مويىنسۇنعىسى كەلمەيتىنى.

پاتەردى زاڭدى تۇردە ساتىپ الساق، ونى اكىمشىلىك تارتىپ الا بەرەتىن بولسا، سوتتىڭ شەشىمىنە ەشقايسىسى پىسقىرمايتىن بولسا، وندا ءبىز قانداي مەملەكەتتە ءومىر ءسۇرىپ جاتىرمىز؟!. ەلباسىمىز ن.نازارباەۆ «ءوز كۇنىڭدى ءوزىڭ كور» دەيدى، ال ءوز كۇنىمىزدى ءوزىمىز كورەيىن دەسەك، اكىمشىلىك كۇن كورسەتپەيدى. سوندا قالاي؟ ەندى قايدا بارىپ، قالاي ءومىر ءسۇرۋىمىز كەرەك؟ جاس وتباسى ەكەنىمىزدى، جۇبايىمىز ەكەۋىمىز مەملەكەتتىڭ مۇددەسى ءۇشىن  شەتەلدە دايىندالعان جاس مامان سەكىلدى مۇمكىندىكتەرىمىزدى، وتباسىمىزدىڭ ەشقايسىسىندا جىلجىمايتىن مۇلكىمىزدىڭ جوقتىعىن ەسكەرمەي-اق، مۇسىركەمەي-اق زاڭدى ساتىپ العان پاتەرىمىزگە تيمەي، مازامىزدى الماسا ەكەن!. اقشامنىڭ جوق كەزىندە-اق ايتىپ جۇرەتىنمىن، مەملەكەتىمىزگە ماسىل بولماي، سالماق سالماي ءوزىم-اق باسپانا ساتىپ الامىن دەپ، ەندىگى كورگەنىمىز وسى بولىپ وتىر.

- ساتقان پاتەردى قايتىپ الۋعا قارسى جاق قانداي دايەك كەلتىرىپ وتىر؟ ول ەكى جاقتىڭ كەلىسىمىمەن بولماسا سوت شەشىمىمەن عانا جۇزەگە اسپاي ما؟

- ەگەر دايەكتەرى بولسا، ايتسا دۇرىس بولار ەدى. ءوزىم دە ەشتەڭەنى تۇسىنبەي وتىرمىن، ولار دا ءبىر دايەك ايتا الماي وتىر. العاشىندا ەكى دايەك ايتقان: مەنەن كەيىن ساتىپ العاندىقتارىن، ماسەلەنى سوتپەن شەشىپ الىڭىز دەپ حات جولدادى. كەيىننەن سوتتىڭ شەشىمىن اپارىپ بەردىم. ودان كەيىن كەلىسىم شارتىمدا كورسەتىلگەن مەكەنجاي مەن قازىرگى مەكەنجايدىڭ ەكى باسقا ەكەنىن، «شارتىڭىزدا كورسەتىلگەن مەكەنجاي ءالى سالىنباعان» دەدى. ارتىنشا ءىزىن سۋىتپاي بىردەن، استانا قالاسىنىڭ ساۋلەت جانە قالا قۇرىلىسى باسقارماسىنا سۇراۋ سالىپ، شارتىمدا كورسەتىلگەن مەكەنجاي مەن قازىرگى مەكەنجايدىڭ ءبىر ەكەنىن دالەلدەپ جازعان انىقتاماسىن اپارىپ بەردىم. ودان كەيىن ولاردان مۇلدە ءۇن شىقپادى.قىسقاسى بارلىق قۋلىق-سۇمدىقتارىنىڭ بىت-شىتى شىقتى.

- «اسي» كورپوراتسياسىتۋرالى نە ايتارەدىڭ؟ بۇل كومپانيانى الگىندەي زاڭسىزدىقتارعا ارالاسۋعا قانداي نارسە تۇرتكى بولىپ وتىر سوندا؟ بۇدان سوندا ۇيىمداسقان شارۋانىڭ ءيىسى شىعىپ تۇر عوي...

- ارينە6 بۇل كورپوراتسيا تۋرالى قاۋلاعان قاۋەسەتتىڭ بارى راس. الماتى قالاسىندا دا ءبىراز حالىقتىڭ كوز-جاسىن اعىسىپ، ماڭداي تەر ەڭبەكتەرىن قاعىپ كەتكەندىكتەرى تۋرالى اقپارات جەتكىلىكتى. كىم ەكەنىن ايتپاسام دا بىلەتىن بولارسىزدار، بۇل كومپانيانىڭ «بىرەۋگە» ەرىپ جۇرگەنىن. ارعى جاعى تۇسىنىكتى شىعار. قازىر بارلىق قىلمىستارىن تىزبەكتەپ ايتپاي وتىرعان سەبەبىم، ءالى دە بولسا سوتتان ءۇمىتىمدى ۇزبەي وتىرمىن. وسىنداي ساتتە، ياعني مەنەن ىلىك ىزدەپ وتىرعان كەزدە قازىرشە وسىاراسىن اشىق قالدىرا تۇرعاندى ءجون كورىپ وتىرمىن. نەگىزگى ماقساتىم، بارلىعىن زاڭ الدىندا جاۋاپقا تارتىپ، جازالارىن بەرۋ. قوعامداعى مۇنداي شەكتەن شىققان ادىلەتسىزدىكتەردى جويۋ. بۇل ماسەلە مەنىڭ قاراقان باسىممەن شەكتەلمەيدى، بۇل - ءبىزدىڭ قوعامنىڭ، ۇلتتىڭ ماسەلەسى. وسىعان بەل شەشىپ كىرىسىپ وتىرمىن.

- بىزگە جەتكەن الىپ-قاشپا اقپاراتتار بويىنشا، استانا قالاسىندا سۋبمەردىگەر بولعان شاعىن سەرىكتەستىكتەردىڭ تالايى قۇرىلىسقا تيەسىلى اقشالارىن الا الماي جۇرگەن كورىنەدى. استانادا قۇرىلىسپەن اينالىسقان بىرنەشە بيزنەسمەن تۇرمەدەن ءبىر-اق شىعىپتى.

- مۇنداي قۇرىلىس كومپانيالارىنان كوز سۇرىنەدى. باسقاسىن قايدام، ءوزىم كورگەن تانىس بىرنەشە سۋبمەردىگەر كومپانيالاردىڭ تاپسىرىستى تولىق ورىنداپ، قىزمەت اقىسىن الا الماي قالعاندارىن كورىپ جاعامدى ۇستادىم. بۇنىڭ قىزىق جەرى، سۋبمەردىگەرلەر تاپسىرىستى ورىنداپ شىقسا دا، سوتتا سونى دالەلدەي الماي قارجىلارىنان قاعىلۋى. ولارعا كومەك كورسەتكىم كەلگەن، بىراق ۇلكەن ءبىر الداۋدىڭ قۇرىعىنا ءتۇسىپ، قۇجاتتارىندا ءبىر-ەكى كەمشىلىكتەرى بولىپتى. سوندىقتان ولار سوتتا جەڭىلدى. مەندە وسىنداي ۇلكەن ءبىر الداۋدىڭ قۇربانى بولا جازداپ، بىراق اللا جازىپ، جوسپارلارىنىڭ تاس-تالقانىن شىعارعان ەدىم. ياعني الدىڭعى سوت كەزىندە ماعان دا وڭايعا تۇسكەن جوق. العاشقى ينستانتسيا - اۋداندىق سوتتىڭ ءوزى ءىسىمدى 1 جىل قاراعان بولاتىن. قانشا جىلعى كۇرەستەن كەيىن بارىپ، ادىلەتتىككە زورعا قول جەتكىزدىم. بۇل جولى دا سوتتا جەڭىپ، ءتيىستى جازالارىن بەرەتىنىمە سەنىمدىمىن.

- قالىپتاسقان جاعدايدىڭ ۋشىققانى سونداي، قارسى جاق مەملەكەتتىڭ زاڭناماسىن قالاي بولسا، سولاي بۇزىپ وتىرعانىنا قاراعاندا، ولار نە مەملەكەتتى مەنسىنبەيتىندەر، نەمەسە ناعىز جاۋاپسىزداردىڭ بىرىككەن توبى سەكىلدى. قازىرگى جاعدايدا جوعارعى ينستانتسياعا شىقتىڭىز با؟ ولاردىڭ ارەكەتى قانداي؟

- مەملەكەتتىڭ قارجىسىن تالان-تاراج ەتكەنى ءۇشىن الدىمەن قارجى پوليتسياسىنا حات جازدىم. 1 ايدان استى ءالى جاۋاپجوق. ءتيىستى زاڭنامالارعا سايكەس 1 ايعا دەيىن جاۋاپ بەرۋى كەرەك ەدى. ورىنداۋشىسىنا العاشقى حابارلاسقانىمدا «ءوزىم حابارلاسامىن» دەپ جولاتپاعان-تىن. ەندى ءبىرازدان بەرى جاپ-جاس جىگىت اۋرۋحانادا جاتىر ەكەن. باسقا دا ءبىراز مەملەكەتتىك ورگاندارعا حات جازدىم. بارلىعى ارەكەتىمنىڭ زاڭدى ەكەنىن، بىراق سوت ارقىلى شەشىپ الۋىم تۋرالى جاۋاپ جولدادى. سودان سوڭ، سوتتىڭ شەشىمىنەن كەيىنگى مەملەكەتتىك مەكەمەلەردىڭ ارەكەتتەرىنىڭ زاڭسىز ەكەنىندىگىن دالەلدەپ سوتقا قايتا شاعىمداندىم، قاراۋسىز قالدىردى. قالاي بولعاندا دا سوتتىڭ سىلتاۋلارىن جويىپ، ءىستى قاراتقىزىپ، ءادىل شەشىم شىعارتۋ ءۇشىن كۇرەسۋدەمىن. 3 جىلدان بەرى ادىلەتسىزدىكپەن كۇرەسىپ كەلە جاتىرمىن. ەندى شىدامنىڭ دا شەگى تاياپ كەلەدى...

- بالكىم، مەملەكەتتىڭ قاۋىپسىزدىك كەڭەسىنىڭ نازارىن اۋدارۋ كەرەك بولار، سەبەبى، بۇل جاعداي ءبىر ادامنىڭ باسىنداعى اۋقىمنان شىعىپ، مەملەكەتتىڭ ساياساتىن وڭدى-سولدى اياققا باسىپ، قارجىسىن قىمقىرۋ سەكىلدى قىلىقتار بايقالادى عوي. جانە دە ءبىر ەمەس بىرنەشە ۇيىمدار - ىشىندە مەملەكەتتىك دەپارتامەنتتەر مەن كوممەرتسيالىق قۇرىلىمداردىڭ بىرىگە قيمىلداۋىنا قاراعاندا، قىلمىستىق توپتار قالا ىسىنە قول سۇعىپ وتىرعانداي اسەر بار. جالپى باستان وتكەن جاعدايعا بايلانىستى ءبىزدىڭ ەلدەگى الەۋمەتتىك-ساياسي جاعداي تۋرالى پايىمىڭىز دا قالىپتاسقان شىعار، بۇنى قالاي باعالايسىز؟ ساتىپ العان پاتەرگە يە بولۋعا سەنىم بار ما؟ قوعامنان قانداي رەاكتسيا مەن قولداۋ كۇتەر ەدىڭىز؟

- ارينە مەندە ۇيىمداسقان قىلمىستىق توپتاردىڭ ءىزىن بايقاپ وتىرمىن. قازىرشە تەك زاڭدى جولدارمەن كۇرەسىپ، جازالاۋدى كوزدەپ وتىرمىن...

- جالپى ءبىزدىڭ قوعامىمىز قاتتى رۋحاني قۇلدىراۋعا ۇشىرادى. قاراپايىم حالىق تۋرالى ايتپاعاندا، ەلىمىزدىڭ ەڭ بەدەلدى، ماقتانىشى دەگەن ساناۋلى ازاماتتارمەن قوعامداعى ماسەلەلەر بويىنشا ءجيى جولىعامىن. العان اسەرلەرىم تەرىس قانا ەمەس، قۇسقىڭ كەلەدى، جۇرەگىڭ اينىپ كەتەدى. بۇل ءبىر كەزدەسۋدەن عانا ەمەس، بىرنەشە، كوپتەگەن كەزدەسۋلەردەن كەيىنگى اسەر. ءار كەزدەسۋلەر سايىن ەلدەگى شەكتەن شىققان ادىلەتسىزدىكتەر تۋرالى ايتسام، مىيلارىنا كىرمەيدى. ال سىناق رەتىندە، ادەيى جەكە ماسەلەسىن قوزعاسام كوزى جايناپ، مۇلدە باسقا كۇيگە ەنەدى، ال «جەرىڭىزدى نە پاتەرىڭىزدى بىرەۋ تارتىپ الايىن دەپ جاتىر ەكەن» دەسەم ءتىپتى جارىلىپ كەتە مە دەپ قورقام، كوزدەرى قانتالاپ، الاق-جۇلاق ەتىپ «نەگە، نە ءۇشىن» دەپ جاندارى شىعىپ كەتە جازدايدى. بۇل جەردە ەلدىڭ ەليتاسى، بەتكەتۇتارى، ارى-ابىرويى دەگەن ازاماتتار تۋرالى ايتىپ تۇرمىن.

ءبارىنىڭ تۇبىندە رۋحاني بايلىقتىڭ ماتەريالدىق بايلىقتىڭ جانىندا كوك تيىندىق قۇنى قالماعان قوعام قۇرۋىمىزدا جاتىر. ەندى سول ءوزىمىز قازعان ورعا ءوزىمىز تۇسە باستادىق. ەڭ وكىنىشتىسى، وسىنىڭ ءبارى اتا-بابامىز اڭساعان، ارمانداعان تاۋەلسىزدىك كەزىندە بولعانى. ۇرپاعىمىز «اتا-بابامىز وسىنداي تاۋەلسىزدىك ءۇشىن كۇرەسىپ، وسى ما ارمانداعانى» دەپ ايتادى ما دەپ قورقامىن...

ادامي قۇندىلىقتار مەن بولمىستىڭ ورنىن حايۋاني بولمىستار مەن ينستينكتەر باستى. ياعني، ءبىر-ءبىرىن تالاپجەپ قويۋعا دايىن تۇرۋ، جىرتقىشتىق پيعىل، توبىر بولىپ ءومىر ءسۇرۋ ينستينكتى. اينالاسىنا 7-8 ادام جيناپ الىپ ءجۇرۋ، پروبلەما  بولىپ قالسا، سول اينالاسىنداعى 7-8 ادام عانا ارپالىساتىنداي توبىرلىق جۇيە بار. ال، ماسەلە قوعامدىق ورتاق پروبلەما بولسا، حالىق بولىپ، ەل بولىپ ارالاسۋ ۇعىمى اتىمەن جوق...

ادامدار تەك قانا كەرەك كەزىندە عانا ءبىر-ءبىرىن ىزدەپ، كەرەك بولعان كەزىندە عانا ارالاساتىن جاعدايعا جەتتى. ءبىزدىڭ ەلدە ادامدار ءوز قاجەتىن وتەيتىن ماتەريالدىق قاجەتتىلىك - تاماق، كيىم سياقتى، ادامدارعا دا قاجەتى ءۇشىن، قاجەتىن وتەۋ ءۇشىن قارايتىن كوزقاراس قالىپتاستى. شىن مانىندە قازىر ادامدار ءوز قاجەتىنە وراي عانا ادامداردى كەرەك ەتەدى، ايتپەسە، ول ادامنىڭ كوز الدىندا ادامدىق ءبىر قۇنى جوق. سەبەبى، قازىر ادامنىڭ ادامدىق قاسيەتتەرى، رۋحاني بايلىقتارىنىڭ قۇنى قالمادى. ادامنىڭ قۇنى اقشاسىمەن ولشەنەتىن بولدى. سوندىقتان دا ەل اراسىندا «اقشاڭ باردا ادامسىڭ، اقشاڭ جوقتا ادام ەمەسسىڭ» دەگەن ءتامسىل تاراپ، ءومىر زاڭىنا اينالعان.

سوندىقتان ەشكىمگە وكپەلەۋدىڭ رەتى جوق. مەنىڭ بەرەر باعام - وسى.

ارينە، ساتىپ العان پاتەرىمە يە بولۋعا سەنىمىم نىق.

وسى پروبلەمانىڭ تۇبىندە قاراقان باسىمنىڭ ەمەس، قوعامداعى ادىلەتسىزدىكتى جويۋعا باعىتتالعان نيەتىمدە، ارەكەتىمدە جاتىر. ەگەر دە مەن قارا باسىمنىڭ كۇيىن كۇيتتەگەن بولسام، ولاردىڭ قىلمىستارىنا كوز جۇمىپ كەلىسىمگە كەلىپ پاتەرىمنىڭ ماسەلەسىن شەشەر ەدىم.

ءورىستىلدى باق ارقىلى قوعامدىق رەزونانس تۋدىرۋعا مۇمكىندىگىم بولىپ تۇرعاندا دا ولارعا نەگىزگى ۇستانىمىمدى، ياعني قوعامداعى ادىلەتسىزدىكتىڭ شەكتەن شىققاندىعىن جانە وزگە دياسپورا وكىلدەرىنىڭ قازاقتارعا كورسەتىپ وتىرعان ادىلەتسىزدىگىن، ەزگىسىن ايتقان سوڭ جۇلقىنىپ كىرىسە باستاعان ءورىستىلدى جۋرناليستەر ساپ تىيىلدى. ولاردىڭ پيعىلى دا بەلگىلى بولدى، سانى مەن ساپاسى زور بولسا دا، ولار دەموكراتيانى جەلەۋ ەتىپ، ءوز كۇنكورىستەرىن عانا قىلىپ جۇرگەن توبىر ەكەن.

مەن تەك اللادان عانا جاردەم سۇرايمىن...

- اڭگىمەڭىزگە راحمەت. اللا قولداسىن!

سۇحباتتاسقان - ماقان بەت

Abai.kz

0 پىكىر