ۋكراينالىق ساياساتكەر، جوعارعى رادا دەپۋتاتى الەكسەي گونچارەنكو ەۋروپارلامەنتتە ءسوز سويلەپ، قازاقستان حالقىنا ۇندەۋ جولدادى.

گونچارەنكو ءوز سوزىندە قازاقستاندا رەسەي پروپوگانداسى قارقىن الاپ بارا جاتقانىن ايتتى.

«قازاقستان – قازىردىڭ وزىندە رەسەيدىڭ گيبريدتىك شابۋىلىن باستان وتكەرىپ جاتىر. ءبىز مۇنى بۇگىن اشىق ايتۋىمىز كەرەك. رەسەي مەنىڭ مەملەكەتىمە قارسى ءدال وسىلاي گيبريدتىك، اقپاراتتىق شابۋىل جاساعان ەدى. مەن مۇنى رەسەي بيلىگىنىڭ بىزگە جاساعانىن قازاقستاندا بولدىرماۋ ءۇشىن ايتىپ وتىرمىن.

قازىردىڭ وزىندە كۇن سايىن رەسەيلىك پروپوگاندا قازاقستاندى، سونىڭ ىشىندە سولتۇستىك قازاقستاندى رەسەيدىڭ ءبىر بولشەگى ەتىپ كورسەتۋدە. رەسەيلىك پروپوگاندا رەسەي بيلىگىنە كۇن سايىن قازاقستانداعى ورىس تىلدىلەردىڭ دە قۇقىعىن قورعاۋ كەرەكتىگىن ايتىپ سويلەۋدە»، - دەيدى.

الەكسەي گونچارەنكو قازاقستاندى مەڭزەي وتىرىپ، تاعى ءبىر ەل رەسەي اگرەسسياسىنان جاپا شەككەنىن قالامايتىنىن ايتتى. ول ءوز سوزىندە قازاقستاندى «ەۋروپالىق مەملەكەت» دەپ اتادى.

«مەن قازاقستانىنڭ بولاشاعىنا سەنەمىن. مەن قازاقستاننىڭ كەلەشەكتە قاسىنداعى اگرەسسوردىڭ جەمتىگى بولماي، ەۋروپالىق كەڭەستىڭ مۇشەسى بولعانىن قولدايمىن. قازاقستان ءبىزدىڭ قاتارىمىزدا بولۋى كەرەك. العا قازاقستان!»، - دەدى گونچارەنكو.

Abai.kz