ءبىزدىڭ سايت: «مامىر ايىنىڭ 12-ءسى كۇنى جازۋشىلار وداعىنىڭ كەزەكتى قۇرىلتايى وتەدى. قۇرىلتايدا قازىرگى قازاق ادەبيەتىنىڭ وزەكتى ماسەلەلەرى تالدانىپ، وداقتىڭ جاڭا توراعاسى سايلانباق. وسىعان بايلانىستى الەۋمەتتىك جەلىلەردە، ادەبيەتشى قاۋىم اراسىندا گۋ-گۋ اڭگىمە ءجۇرىپ جاتىر»، - دەپ وقىرمان قاۋىمدى ءبىراز جايمەن تانىس ەتكەن ەدى. 

ودان كەيىن اعامىز تانىمال جازۋشى بەيبىت قويشىباەۆتىڭ «جازۋشىلار ۇيىمىن قايتسەك داۋىرگە ساي ەتەمىز؟» اتتى ماقالاسى شىقتى. وندا اعامىز كوكەيىندەگى تۇيتكىلدى ويىن ورتاعا سالىپ، سىرىن اشتى. قۇرىلتاي قارساڭىندا تاعىدا قازاق اۋدارماسى مەن وقىرمانى جانە انا تىلىمىزدەگى كىتاپتاردىڭ نارىققا ەنۋى نازاردان تىس قالدى.

ءبىز قالامگەر ەمەسپىز، بىراق ءۇش مۇشەلدەن بەرى اۋدارما سالاسىندا جۇرگەن بىزدەر الدىمىز – 10, ارتىمىز – 5-6 عىلىمي-كوپشىلىك كىتاپتى اۋداردىق. ءوزىمىزدى اۋدارماشىمىز دەپ اتاساق تا، نە ۇيىمىمىز، نە قاۋىمداستىعىمىز جوق. كىتابىمىزدى جۇرتقا جەتۋى ءۇشىن ورىس ءتىلدى سايتتارعا ەلەكتروندى تۇردە ورنالاستىرامىز.

قازىر قازاقى كىتاپتىڭ بازارداعى ءباسى – 5000 (بەس مىڭ) تەڭگە. تارالىمى 500 مەن 2000 مىڭ ارالىعىندا. ءتىپتى ەلىمىزدەگى مەكتەپتەردىڭ 7 مىڭ، ال، قالا مەن اۋىلداعى 10 مىڭ كىتاپحاناعا تارامايدى. جانە تەندەردى ۇتىپ العاندار تاراپىنان ەڭ قىمبات ا4 فورماتىندا باسىلادى.

ارزان قاعازعا جۇقا مۇقابامەن اۋدارما كىتاپتاردى شىعارۋدى قولعا الماساق، قازاق كىتاپ وقۋدان ماقۇرىم قالادى.

قازاق كىتاپ وقۋدان ماقۇرىم قالماۋى ءۇشىن جازۋشىلار وداعى ءوز جانىنان اۋدارماشىلار القاسىن اشسا، ءبىراز دۇنيە وڭالار ەدى.

ءابىل-سەرىك الىاكبار

Abai.kz