سوعىستى زەرتتەۋ ينستيتۋتىنىڭ (ISW) ساراپشىلارى كەزەكتى بايانداماسىندا ۋكراينا كۇشتەرى 9 مامىردا باحمۋت ماڭىندا قارسى شابۋىلداردى ءساتتى باستاعانىن جانە از دا بولسا ىلگەرىلەۋگە قول جەتكىزگەنىن جازدى.

سونداي-اق ۋكرايندىق اقپارات كوزدەرى باحمۋت ماڭىندا 3-ءشى ارميا كورپۋسىنىڭ 72-ءشى موتواتقىشتار بريگاداسىنىڭ ەكى روتاسىن جويىپ، اۋدانداعى ءۇش شاقىرىمدىق مايدان سىزىعىمەن 2,6 شاقىرىم العا جىلجىعانىن حابارلادى.

ساراپشىلاردىڭ پىكىرىنشە، رەسەي فەدەراتسياسىنىڭ 72-ءشى جەكە موتواتقىشتار بريگاداسىنىڭ ءوزى – رەسەيلىك اسكەريلەر ۇنەمى كەزدەسەتىن كوپتەگەن ماسەلەنىڭ كورىنىسى. ورىنبور وبلىسىندا نەگىزىنەن ەرىكتى باتالونداردان تۇراتىن 3-ارميا كورپۋسىنىڭ قۇرامىندا جاساقتالعان.

2022 جىلدىڭ قىركۇيەگىندە حاركوۆ وبلىسىندا 3-ءشى ارميا كورپۋسىنىڭ ورنالاستىرىلعانى جانە ۋكراين اسكەرى قارسى شابۋىلداپ، كورپۋستىڭ قۇرامداس بولىكتەرى، ونىڭ ىشىندە، 72-ءشى موتواتقىشتار بريگاداسى جويىلعانى حابارلاندى.

ۋكراينالىق باق بريگادانىڭ ءتىرى قالعان ساربازدارى 2022 جىلدىڭ قازان ايىندا ۋكراينانىڭ قارسى شابۋىلى كەزىندە قايتادان شىعىنعا ۇشىراعان نيكولاي وبلىسىنا اۋىستىرىلعان بولۋى مۇمكىن دەپ بولجايدى.

ISW دنەپردىڭ وڭ جاعالاۋىنان رەسەيلىك اسكەرلەر شىعارىلعاننان كەيىن 72-ءشى بريگادانىڭ قاي جەردە ورنالاستىرىلعانىن ناقتى ايتا المايدى. دەگەنمەن بريگادانىڭ باحمۋت ايماعىنا جاقىن ورنالاسقان بولىمدەرى بۇرىنعى الەۋەتىنەن ايىرىلۋى دا عاجاپ ەمەس.

رەسەي اسكەري قولباسشىلىعىنىڭ ەكى رەت قاتارىنان جەڭىلىسكە ۇشىراعان قۇرامانى ۆاگنەر پمك-نىڭ السىرەگەن بولىمشەلەرىمەن بىرگە باحمۋت اۋدانىنا ورنالاستىرۋى ۋكراين كۇشتەرىنە شەكتەۋلى قارسى شابۋىلدارعا مۇمكىندىك بەرۋى مۇمكىن.

«كۇشى السىرەگەن اسكەردى باحمۋت وسىنە شىعارۋ پروبلەمالارى باسقارۋ مەن باسقارۋداعى ساتسىزدىكتەرمەن بىرگە، وسى ايماقتاعى رەسەيلىك اسكەرلەرگە سەنىمدى قورعانىس وپەراتسيالارىن جۇرگىزۋگە كەدەرگى كەلتىرەدى»، – دەپ قورىتىندىلادى ساراپشىلار.

Abai.kz