قىرعىزستاننىڭ مەملەكەتتىك قىزمەتشىلەرى قىرعىز ءتىلىن مەڭگەرۋگە مىندەتتەلدى.

مەملەكەتتىك جانە مۋنيتسيپالدىق قىزمەتكەرلەر، دەپۋتاتتار، اسكەري قىزمەتكەرلەر، سۋديالار، بارلىق مەنشىك نىسانىنداعى وقۋ ورىندارىنىڭ، مەملەكەتتىك جانە مۋنيتسيپالدىق دەنساۋلىق ساقتاۋ مەكەمەلەرىنىڭ باسشىلارى مەن قىزمەتكەرلەرى، پەداگوگيكالىق جانە عىلىمي قىزمەتكەرلەر جانە باسقالار ەندى زاڭ بويىنشا قىرعىز ءتىلىن ورتا دەڭگەيدە (ۆ1) مەڭگەرۋگە جانە ونى قىزمەتتىك مىندەتتەرىن ورىنداۋ كەزىندە قولدانۋعا مىندەتتى.

سونىمەن قاتار، تەلەراديوكومپانيالار كونتەنتىنىڭ جارتىسىنان كوبىن قىرعىز تىلىندە ۇسىنۋعا مىندەتتى.

سونىمەن بىرگە، ۆەب-سايتتاردا قىرعىز تىلىندەگى اقپارات باسقا تىلدەن كەم ەمەس مولشەردە شىعارىلۋى كەرەك.

قىرعىزستان كونستيتۋتسياسىنا سايكەس قىرعىز ءتىلى مەملەكەتتىك، ورىس ءتىلى رەسمي ءتىل مارتەبەسىنە يە.

ال بىزدەگى مەملەكەتتىك ءتىلدىڭ احۋالى قالاي؟ وي-پىكىرلەرىڭىزدى ورتاعا سالىڭىزدار، وقىرمان!

Abai.kz