قاتال زاڭ، تەمىر ءتارتىپ، ءادىل سوت بولماعان جەردە قىلمىستىڭ ءبارى قايتالانا بەرەدى.

سارىاعاشتاعى ەلدى دۇرلىكتىرگەن، بەس جاسار پەرىشتە قىزدى كەسكىلەپ، قورلاپ ولتىرگەن قانىشەر بۇرىن كىسى ولتىرگەنى ءۇشىن 10 جىلعا سوتتالعان كانىگى قىلمىسكەر ەكەن… ول وسىدان ءبىر-ەكى اي بۇرىن كورشىسىن بالتالاپ، اۋىر جاراقاتتاعانى ءۇشىن 3 جىلعا شارتتى سوتتالعان بولسا، قالاي اۋىل ارالاپ، اراق ءىشىپ تالتاڭداپ، بەس جاسار قىزدى ايۋاندىقپەن ازاپتاپ ءولتىرىپ، جانتۇرشىگەرلىك قىلمىس جاساۋعا دەيىن بارىپ ءجۇر؟!.

تۇركىستان وبلىسىندا پوليتسيا، سوت جۇمىس ىستەي مە ءوزى؟!.

الماتى قالاسىنداعى 7 جاسار وگەي قىزىن ازاپتاپ ۇرىپ ولتىرگەن جالماۋىزدىڭ ەركىنسۋىندە دە پوليتسيانىڭ كىناسى بار. ويتكەنى، وگەي شەشەنىڭ قاتىگەزدىگى تۋرالى كورشىلەرىنىڭ شاعىمدارىنا سەلقوس قاراپ، دەر كەزىندە شارا قولدانباعان. ارينە، بۇل جەردە وزىنەن ون بەس جاس ۇلكەن “قوعامدىق بەلسەندى” ايەلگە ۇيلەنىپ، قىزىن قورعاي الماعان سورلى اكە دە كىنالى…

نەگىزى، ەشقانداي ساۋدالاسۋسىز، بۇلتاقسىز اسا اۋىر قىلمىستارعا ءولىم جازاسىن قايتا قالپىنا كەلتىرۋ كەرەك!

قازىبەك يسانىڭ جازباسى

Abai.kz