سەيسەنبى, 16 شىلدە 2024
ساڭلاق 3619 3 پىكىر 25 تامىز, 2023 ساعات 14:13

رەسەيلىك فۋتبول فۋنكتسيونەرلەرىنە قارسىمىز!

سۋرەت: الەۋمەتتىك جەلىدەن...

قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆقا

ۇندەۋ!

قۇرمەتتى ادىلەت نازاربايۇلى!

فۋتبولدان ۇلتتىق قۇرامامىزدىڭ جەتىستىگىنە قۋانىشتىمىز! حالىقارالىق ارەناداعى جارقىراعان جەڭىستەر ەلىمىزدەگى بارشا فۋتبول سۇيەر قاۋىمعا ءۇمىت ۇيالاتتى. ءبىز سىزگە جانە ءسىزدىڭ كومانداڭىزعا ءبىزدىڭ ۇلتتىق قۇرامانى جەڭىسكە جەتەلەگەن دۇرىس كادرلىق شەشىمدەرىڭىز ءۇشىن العىس ايتامىز!

دەگەنمەن وتاندىق سپورتتاعى رەسەيلىك فۋنكتسيونەرلەرگە قاتىستى سوڭعى كەلەڭسىزدىكتەر ءبىزدى قىنجىلتۋدا. فۋتبول جاناشىرلارى مەن فۋتبولشىلاردىڭ وزدەرى دە رەسەيدەن فۋتبول فۋنكتسيونەرلەرىنىڭ كەلۋىنە قارسى!

بۇل تۋرالى بىرنەشە رەت جازعانبىز، وكىنىشكە وراي، سىزدەن جاۋاپ الا المادىق. بۇل جولى فۋتبول جانكۇيەرلەرى اتىنان ءوتىنىشىمدى نازاردان تىس قالدىرماي، قاجەتتى شارا قولداناسىز دەپ سەنەمىن.

ازاماتتىق قوعامنىڭ نازارىن روحۋس شوح ەسىمدى فۋتبول فۋنكتسيونەرىنە اۋدارعىم كەلەدى. وتاندىق فۋتبولدا مۇنداي تۇلعانىڭ بولۋى ءبىزدى اشۋلاندىرادى. بىزگە بەلگىلى بولعانداي، ونىڭ اتى ءوزىنىڭ رەسەيىندە دە جاقسى اتالمايدى. «روستوۆ»، «روتور» جانە «ۋرال» فۋتبول كلۋبتارىنىڭ باسشىلىعىندا جۇرگەن روحۋس شوحتىڭ ەسىمى بىرقاتار جەمقورلىق داۋلارىندا اتالدى.

بۇل ادام 90-جىلدارى ەۋروكۋبوكتاردا ويناعان «روتور» فۋتبول كلۋبىنىڭ «قابىرىن قازۋشى» رەتىندە كەڭ تانىمال. روحۋس شوحتىڭ "قىزمەتىنىڭ" ارقاسىندا "روتور" اۋەسقويلار ليگاسىنا ءتۇسىپ، بانكروتتىقتىڭ از-اق الدىندا قالدى. 2015 جىلى قوعامنىڭ قىسىمىمەن كلۋب باسشىسى قىزمەتىنەن كەتۋگە ءماجبۇر بولدى.

قازاقستاندا روحۋس شوح پفلك پرەزيدەنتى قىزمەتىن اتقاردى. وسى قىزمەتتە جۇرگەندە ول قازاق فۋتبولىنا جاڭا رەسەيلىك بۋكمەكەرلىك كەڭسەنى كىرگىزبەكشى بولدى. ءسويتىپ پرەمەر-ليگانىڭ 14 كلۋبىن «قوراعا» كىرگىزە جازدادى. وسى سەبەپتى ول پفلك باسشىلىعىنان بوساتىلدى، بىراق سوعان قاراماستان قازاقستان فۋتبول فەدەراتسياسىنىڭ ۆيتسە-پرەزيدەنتى لاۋازىمى بەرىلدى.

پوزيتسياسىنان ايىرىلعانىنا قاراماستان، روحۋس ءبىزدىڭ فۋتبولداعى ىقپالىن ساقتاپ قالدى جانە قازىر وليگارح تيمۋر تۋرلوۆتىڭ اقشاسىنا Freedom QJ League جوباسىن اشتى. جوبا جاقسى PR-عا يە. بىراق، بۇل فۋتبول ورتالىقتارىنىڭ جاسوسپىرىمدەر اراسىنداعى چەمپيوناتىنىڭ كوشىرمەسى سەكىلدى جالعان جوبا ەكەنى بەلگىلى بولدى.

جوعارىدا ايتىلعاندارعا بايلانىستى، روحۋس شوحتى قازاقستان فۋتبول فەدەراتسياسىنداعى بارلىق لاۋازىمىنان ايىرۋدى جانە ونىڭ پفلك پرەزيدەنتى بولعان كەزدەگى قارجىلىق تازالىعىن تەكسەرۋدى تالاپ ەتەمىز. كۇماندى ىستەردە اتى شىققان رەسەيلىك فۋنكتسيونەرلەردىڭ بىزگە نە قاجەتى بار؟ اسىرەسە رەسەيگە قارسى بۇرىن-سوڭدى بولماعان سانكتسيالار سالىنىپ جاتقان كەزدە.

سالىق تولەۋشىلەر مەن قازاقستان ازاماتتارىنىڭ اقشاسى رەسەيلىك فۋنكتسيونەرلەردىڭ قالتاسىنا كەتكەنىن قالامايمىز.

ءبىز قازاقستاننىڭ جاناشىر جانكۇيەرلەرى، پاتريوتتارى رەتىندە ەلىمىزدىڭ فۋتبولداعى جەڭىستەرى رەسەيدەن كەلگەن بىلىكسىز فۋنكتسيونەرلەردىڭ كەسىرىنەن ۇزىلمەسىن دەپ تىلەيمىز.

قۇرمەتپەن، قازاقستان فۋتبولىنىڭ پاتريوتتارى اتىنان

وڭعار قابدەن

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1225
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1932
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1970