1 قىركۇيەكتە قازاقستان پرەزيدەنتى قاسىم-جومارت توقاەۆ قازاقستان حالقىنا جولداۋ جاسادى. بۇل جولعى جولداۋدىڭ اتى «ادىلەتتى قازاقستاننىڭ ەكونوميكالىق باعدارى» دەپ اتالدى. ءماجىلىس پەن سەناتتىڭ بىرلەسكەن وتىرىسىندا جاساعان جولداۋدا قازاقستانىڭ ىشكى ءھام سىرتقى ساياساتىنا قاتىستى بىرقاتار ماسەلەلەر كوتەرىلدى. جولداۋدا ناقتى نە ايتىلعانىن Abai.kz اقپاراتتىق پورتالىندا جازدىق.

(سۋرەت: اقوردانىكى)

وسىدان كەيىن پرەزيدەنت بىرقاتار كادرلىق وزگەرىستەر جاساۋدى باستاپ كەتتى. وتكەن جۇمادان بەرى جاڭا 5 مينيسترلىك قۇرىلىپ، ۇكىمەت قۇرامى وزگەرتىلىپ جاتىر. كەي مينيسترلەر ۇكىمەت قۇرامىندا قالسا، كەيبىرەۋلەرى قىزمەتتەرىمەن قوش ايتىسۋدا.

سونىمەن، اقوردا جاقتاعى اۋىس-تۇيىستەردىڭ اۋانى قانداي؟ قاراڭىز:

پرەزيدەنت اكىمشىلىگى:

اۋەلى پرەزيدەنت اكىمشىلىگىنىڭ قۇرىلىمى قايتا قۇرىلدى. جاڭارتىلعان قۇرىلىمعا كەلەسى لاۋازىم يەلەرى كىردى:

پرەزيدەنت اكىمشىلىگىنىڭ باسشىسى;

قاۋىپسىزدىك كەڭەسىنىڭ حاتشىسى;

پرەزيدەنت كەڭسەسىنىڭ باستىعى;

پرەزيدەنتتىڭ كومەكشىلەرى;

پرەزيدەنتتىڭ كەڭەسشىلەرى;

پرەزيدەنت اكىمشىلىگىنىڭ بولىمدەرى.

جارلىققا سايكەس:

– ىشكى ساياسات جانە كوممۋنيكاتسيالار ماسەلەلەرى بويىنشا;

– ەكونوميكالىق ماسەلەلەر بويىنشا;

– حالىقارالىق ماسەلەلەر بويىنشا;

– قۇقىقتىق ماسەلەلەر بويىنشا;

– عىلىم جانە يننوۆاتسيا ماسەلەلەرى بويىنشا پرەزيدەنتتىڭ كومەكشىلەرى لاۋازىمدارى ەنگىزىلەدى.

مەملەكەت باسشىسىنىڭ جارلىعىمەن:

رۋسلان سۇلتانۇلى جەلدىباي – قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەر جانە كوممۋنيكاتسيالار جونىندەگى كومەكشىسى;

ەرجان حوزەۇلى قازىحان – قازاقستان رەسپۋبليكاسى پرەزيدەنتىنىڭ حالىقارالىق ماسەلەلەر جونىندەگى كومەكشىسى;

ەرجان نۇرلانۇلى جيەنباەۆ – قازاقستان رەسپۋبليكاسى پرەزيدەنتىنىڭ قۇقىقتىق ماسەلەلەر جونىندەگى كومەكشىسى لاۋازىمىنا تاعايىندالدى.

قانات بوزىمباەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى.

قاۋىپسىزدىك كەڭەسى:

(سۋرەت: اقوردانىكى)

مەملەكەت باسشىسىنىڭ جارلىعىمەن عيزات داۋرەنبەكۇلى نۇرداۋلەتوۆ قازاقستان رەسپۋبليكاسى قاۋىپسىزدىك كەڭەسىنىڭ حاتشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

ۇكىمەتتەگى جاڭا مينيسترلىكتەر:

مەملەكەت باسشىسىنىڭ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» جارلىعىمەن:

▪️قازاقستان رەسپۋبليكاسىنىڭ سۋ رەسۋرستارى جانە يرريگاتسيا مينيسترلىگى;
▪️قازاقستان رەسپۋبليكاسىنىڭ كولىك مينيسترلىگى;
▪️قازاقستان رەسپۋبليكاسىنىڭ تۋريزم جانە سپورت مينيسترلىگى;
▪️قازاقستان رەسپۋبليكاسىنىڭ مادەنيەت جانە اقپارات مينيسترلىگى;
▪️قازاقستان رەسپۋبليكاسىنىڭ ونەركاسىپ جانە قۇرىلىس مينيسترلىگى قۇرىلدى.

مارات كارىمجانۇلى قاراباەۆ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى لاۋازىمىنان بوساتىلدى;

دارحان قۋاندىقۇلى قىدىرالى قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى لاۋازىمىنان بوساتىلدى;

اسحات رازدىقۇلى ورالوۆ قازاقستان رەسپۋبليكاسىنىڭ مادەنيەت جانە سپورت ءمينيسترى لاۋازىمىنان بوساتىلدى;

ءزۇلفيا بولاتقىزى سۇلەيمەنوۆا قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى لاۋازىمىنان بوساتىلدى.

سەرىك ماقاشۇلى جۇمانعارين قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى.

مارات مۇراتۇلى احمەتجانوۆ قازاقستان رەسپۋبليكاسىنىڭ ىشكى ىستەر ءمينيسترى لاۋازىمىنان بوساتىلدى.

ەرجان ساپاربەكۇلى سادەنوۆ قازاقستان رەسپۋبليكاسىنىڭ ىشكى ىستەر ءمينيسترى لاۋازىمىنا تاعايىندالدى.

تامارا دۇيسەنوۆا قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

مارات قاراباەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالدى.

ايدا بالاەۆا قازاقستان رەسپۋبليكاسىنىڭ مادەنيەت جانە اقپارات ءمينيسترى لاۋازىمىنا تاعايىندالدى.

ارمان شاققاليەۆ قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى لاۋازىمىنا تاعايىندالدى.

سۆەتلانا جاقىپوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

ەرمەك مارجىقپاەۆ قازاقستان رەسپۋبليكاسىنىڭ تۋريزم جانە سپورت ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

ايداربەك ساپاروۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

ەربول قاراشوكەەۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى لاۋازىمىنان بوساتىلدى.

نۇرجان نۇرجىگىتوۆ قازاقستان رەسپۋبليكاسىنىڭ سۋ رەسۋرستارى جانە يرريگاتسيا ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

قانات شارلاپاەۆ قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى لاۋازىمىنا تاعايىندالدى.

ۇلتتىق بانك:

عالىمجان ءپىرماتوۆ قازاقستان رەسپۋبليكاسى ۇلتتىق بانكىنىڭ توراعاسى لاۋازىمىنان بوساتىلدى. ونىڭ ورنىنا تيمۋر سۇلەيمەنوۆ قر ۇلتتىق بانكىنىڭ توراعاسى بولىپ سايلاندى.

ءتۇيىن: ازىرگە ساراپشىلار «وتستاۆكاعا كەتەدى» دەپ بولجاعان ءاليحان سمايىلوۆ قىزمەتىن ساقتاپ قالىپ وتىر. ۇكىمەتتەگى اۋىس-ءتۇيىس ءالى جالعاسۋدا. سول سەبەپتى ماتەريالدى تولىقتىرىلىپ وتىرامىز.

Abai.kz