سىبايلاس جەمقورلىققا قىزمەت اگەنتتىگى جەمقورلىق ءۇشىن سوتتى بولعان شەنەۋنىكتەردىڭ مەملەكەتتىك ءتىزىلىمىن جاساپ، ونى جالپىعا جاريالاۋدى جوسپارلاپ وتىرعانىن حابارلادى. بۇل سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا قوعامدىق كەڭەس وتىرىسىندا ايتىلدى.

تاراعان حابارلاماعا سۇيەنسەك، تىزىلىمدە سىبايلاس جەمقورلىق ءۇشىن سوتتالعان ازاماتتاردىڭ مالىمەتتەرى تۇگەلدەي جازىلادى ەكەن. ءتىزىلىم جۇمىس بەرۋشىلەرگە الەۋەتتى ۇمىتكەردىڭ تازالىعى مەن ادالدىعىن تەكسەرۋگە مۇمكىندىك بەرەدى.

ەگەر جوسپار جۇزەگە اسىپ، جەمقورلاردىڭ ءتىزىمى جالپىعا ورتاق پورتالدا جاريالاناتىنداي كۇن تۋسا، ءبىزدىڭ دە از-كەم ۇلەسىمىز بولسىن دەگەن نيەتپەن، كوزى قاراقتى وقىرمانداردىڭ نازارىنا جىل باسىنان بەرى شەندى-شەكپەندىلەردەن باستاپ پوليتسيا قىزمەتكەرلەرى، كاسىپكەرلەر، ت.ب. ءتىزىمىن ۇسىنىپ كورەلىك. (ەسكەرتۋ! مالىمەتتەر «قر سىبايلاس جەمقورلىققا قارسى ءىس-قيمىل اگەنتتىگىنىڭ» رەسمي سايتىنان الىندى).

بيىل كىمدەر جەمقورلىقپەن سوتتالدى؟

* قاڭتار ايىندا كوكشەتاۋ قالالىق سوتىنىڭ ۇكىمىمەن اقمولا وبلىسى قۇرىلىس باسقارماسى باسشىسىنىڭ ورىنباسارى م. قانسەيىتوۆ كىنالى دەپ تانىلىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان شەكتەلىپ، 8 جىلعا باس بوستاندىعىنان ايىرىلدى. سول ۇكىممەن «ساراپشى ارسەنال» جشس قۇرىلتايشىسى ب. شايمەردەنوۆ پەن «كوكشەستروي تەحنادزور» جشس تەحنيكالىق قاداعالاۋ ينجەنەرى و. رەنن كىنالى دەپ تانىلىپ، سايكەسىنشە 7,5  جانە 7 جىلعا سوتتالدى. ولارعا مەملەكەتتىك قىزمەتتە 5 جىل مەرزىمگە قىزمەت اتقارۋ قۇقىعىنان ايىرۋ تۇرىندەگى جازا قولدانىلدى. اتى اتالعان ازاماتتار ششۋچينسك قالاسىندا ءجۇز پاتەرلىك تۇرعىن ءۇي سالۋعا بولىنگەن 50,5 ميلليون تەڭگە كولەمىندە قۇرىلىس مونتاجداۋ جۇمىستارى ناقتى ورىندالماعانى ءۇشىن بيۋدجەت قاراجاتىن ۇرلاعانى دالەلدەندى.

* اقپان ايىندا تسەلينوگراد اۋداندىق سوتىنىڭ ۇكىمىمەن اقمولا وبلىسى پوليتسيا دەپارتامەنتى پاترۋلدىك پوليتسيا روتاسىنىڭ كومانديرى پوليتسيا پودپولكوۆنيگى تالعات ەردەنوۆ پەن پاترۋلدىك پوليتسيا روتاسىنىڭ اعا ينجەنەرى پوليتسيا كاپيتانى ماحسات جامانباەۆ ورتاشا قاۋىپسىزدىك تۇزەۋ مەكەمەسىندە جازاسىن وتەۋگە 7 جىلعا باس بوستاندىعىنان ايىرىلدى.تەرگەۋ بارىسىندا ەردەنوۆ پەن جامانباەۆتىڭ الدىن الا ءسوز بايلاسۋ ارقىلى ججم-گە سەنىپ تاپسىرىلعان تالونداردى جالپى سوماسى 100 ميلليون تەڭگەدەن استام جىمقىرۋ جولىمەن ۇرلاعانى دالەلدەندى. سوتتالعاندار مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويى ايىرىلدى.

* سول ايدا سارىارقا اۋدانىنىڭ №2 مامانداندىرىلعان اۋدانارالىق سوتىنىڭ ۇكىمىمەن م. ءابجان كورىنەۋ جالعان اقپارات تاراتقانى جانە بوپسالاعانى ءۇشىن كىنالى دەپ تانىلدى. 2022 جىلدىڭ 3 شىلدەسىندە م. ءابجان 50 ميلليون تەڭگە العان كەزدە ۇستالدى. سوت سوتتالۋشىنىڭ قىلمىستىق ءىس-ارەكەتىن قاۋىپتى قايتالانۋى دەپ تانىدى. ەستەرىڭىزگە سالا كەتەيىك، بۇعان دەيىن ءابجان ەكى رەت سوتتالعان بولاتىن. سونىمەن قاتار، الاياقتىق بويىنشا سوتتىلىق جويىلعان جوق.

* ناۋرىز ايىندا تاراز قالاسىنىڭ №2 سوتىنىڭ ۇكىمىمەن جامبىل وبلىسى تاراز قالالىق سوتىنىڭ توراعاسى ا. مادەماروۆ جەمقورلىق قىلمىس جاساعانى ءۇشىن كىنالى دەپ تانىلىپ، 3 جىلعا باس بوستاندىعىنان ايىرىلدى. سونداي-اق، ا.مادەماروۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى. سوتتالۋشى ساتىپ الۋ-ساتۋ مامىلەسىن جانە مەنشىك قۇقىعىن جارامدى دەپ تانۋ تۋرالى ازاماتتىق ءىس بويىنشا وڭ شەشىمگە جاردەمدەسكەنى ءۇشىن ازاماتتان الداۋ جولىمەن 1 ميلليون تەڭگە مولشەرىندە اقشالاي قاراجات العان.

* استانا قالاسى بايقوڭىر اۋدانىنىڭ № 2 سوتىندا «استانا-زەلەنستروي» جشس باس ديرەكتورى ا.ءناۋرىزالى «تابيعات-سەرۆيس نس» جشس ديرەكتورىنىڭ ورىنباسارى س.كارلوۆادان جاسىل ەكپەلەردى كۇتىپ ۇستاۋ بويىنشا ارتىقشىلىق بەرگەنى جانە ورىندالعان جۇمىستار اكتىلەرىنە كەدەرگىسىز قول قويعانى ءۇشىن 9 ميلليون تەڭگە الۋ فاكتىسى بويىنشا ءىستى قاراۋ اياقتالدى. 3-ناۋرىزداعى سوت ۇكىمىمەن ءناۋرىزالى پارا العانى ءۇشىن كىنالى دەپ تانىلدى جانە وعان مەملەكەتتىك مەكەمەلەردە قىزمەت اتقارۋ قۇقىعىنان ايىرا وتىرىپ، پارانىڭ جيىرما ەسەلەنگەن سوماسى – 185 ميلليون تەڭگە مولشەرىندە ايىپپۇل تۇرىندە جازا تاعايىندالدى. كارلوۆقا سوت پارانىڭ ون بەس ەسەلەنگەن سوماسى – 135 ميلليونتەڭگە كولەمىندە ايىپپۇل سالدى.

* ناۋرىز ايىندا الماتى جىلۋ جەلىلەرىنىڭ باس ديرەكتورى مەن باسقا دا باسشىلارى الماتى قالاسى مەدەۋ اۋدانىنىڭ №2 سوتىنىڭ ۇكىمىمەن پارا العانى ءۇشىن سوتتالدى: – «الماتى جىلۋ جەلىلەرى» جشس (بۇدان ءارى - اجج) باس ديرەكتورى ك. بەيسەنبينوۆكە 560 ملن. تەڭگە سوماسىنداعى ايىپپۇلعا; – اجج باس ينجەنەرى د. قازىمبەتوۆ 560 ملن. تەڭگە سوماسىنداعى ايىپپۇلعا; – اجج كۇردەلى قۇرىلىس باسقارماسىنىڭ باستىعى س. دجينگيلباەۆ 560 ملن. تەڭگە كولەمىندەگى ايىپپۇلعا; – پارا بەرگەنى ءۇشىن «سپەتسكوممۋنستروي» جشس ديرەكتورى ب.رازيمبەكوۆ 400 ملن. تەڭگە ايىپپۇل تۇرىندە جازا تاعايىنداۋمەن سوتتالدى. اتالعان ادامدار مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى. سوتتالعاندار ءۇشىن ايىپپۇلدىڭ جالپى سوماسى 2 ملرد. 80 ملن. تەڭگەنىقۇرادى، بۇل 350 ورىندىق مەكتەپ نەمەسە 320 ورىندىق بالاباقشا قۇرىلىسىنىڭ بيۋدجەتىنە تەڭ. اجج لاۋازىمدى تۇلعالارى الماتى قالاسىندا جىلۋ جەلىلەرىن قايتا قۇرۋ تۋرالى شارتتار بويىنشا ورىندالعان جۇمىستار اكتىلەرىنە كەدەرگىسىز قول قويعانى جانە اقشا قاراجاتىن اۋدارعانى ءۇشىن ب. رازيمبەكوۆتەن 16 ملن. تەڭگە سوماسىندا پارا الدى دەپ كۇدىكتەندى.

* ناۋرىز ايىنىڭ جيىرماسى كۇنى الماتى قالاسى مەدەۋ اۋدانىنىڭ № 2 سوتىنىڭ ۇكىمىمەن پارا العانى ءۇشىن (قك 366-بابى) الماتى قالاسى ەكولوگيا جانە قورشاعان ورتا باسقارما باسشىسى ورىنباسارىنىڭ م.ۋ.ا. م. جەكسەمباەۆقا 96 ملن. تەڭگەسوماسىندا ايىپپۇل تۇرىندە جازا تاعايىندالدى (پارانىڭ 30 ەسەلەنگەن مولشەرى). پارا بەرگەنى ءۇشىن (قك 367-بابى) «ەكوسەرۆيس-س» جشس باسشىسى ع. بەركىنباەۆ پەن «كومپانيا سترويتەكس» جشس باسشىسى ا. ماپاەۆقا سايكەسىنشە 73 ملن. استام جانە 64 ملن. تەڭگە سوماسىندا ايىپپۇل سالۋعا ۇكىم شىعارىلدى. پاراقورلىققا دەلدال بولعانى ءۇشىن (قك 368-بابى) «Eco Almaty» جشس مەنەدجەرى ب. راحىم 32 ملن. تەڭگە مولشەرىندە ايىپپۇلعا سوتتالدى. سوتتالعاندار ءۇشىن ايىپپۇلدىڭ جالپى ەسەبى 265 ملن. تەڭگەدەن استام سومانى قۇرادى. اتالعان ادامدار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرىلدى. سوتتىلىقتىڭ سەبەبى: ەكولوگيا جانە قورشاعان ورتا باسقارماسىنىڭ لاۋازىمدى تۇلعاسى م. جەكسەمباەۆ «رەننەسانس پليۋس» جشس وكىلى ع. بەركىنباەۆتان قاتتى-تۇرمىستىق قالدىقتاردى جيناۋ جانە سۇرىپتاۋ ءۇشىن الماتى قالاسىنىڭ تۇرعىن ءۇي كەشەندەرىنىڭ اۋماعىندا جەر ۋچاسكەلەرىن بەرگەنى ءۇشىن 5 ملن. تەڭگە شاماسىندا اقشالاي قاراجات العان. م. جەكسەمباەۆ «كومپانيا سترويتەكس» جشس ديرەكتورى ا. ماپاەۆتان الماتى قالاسى ەكولوگيا جانە قورشاعان ورتا باسقارماسىنىڭ اكىمشىلىك عيماراتىنىڭ جسق ازىرلەۋگە بۇرىن جاسالعان مەملەكەتتىك ساتىپ الۋ تۋرالى شارت بويىنشا جالپى قامقورلىعى ءۇشىن دەلدال ب. راحىم ارقىلى 3 ملن. تەڭگەدەن استام اقشالاي پارا الدى.

* ناۋرىز ايىنىڭ 27-ءسى كۇنى استانا قالاسى «بايقوڭىر» اۋدانىنىڭ №2 سوتىندا «ەۆراسكون» ااق ء(ازىربايجان رەسپۋبليكاسى) كومپانياسىنىڭ وكىلدەرى ز. يسميەۆ، گ. گاديروۆ جانە «ايمەرەكە» جشس ديرەكتورى ا. بايكەنجە سوت ۇكىمىمەن كىنالى دەپ تانىلدى. ولار مەملەكەتتىك ساتىپ الۋ كونكۋرستارىنىڭ قورىتىندىلارىن قايتا قاراعانى ءۇشىن استانا قالاسى بويىنشا ىشكى مەملەكەتتىك اۋديت دەپارتامەنتىنىڭ لاۋازىمدى تۇلعالارىنا پارا بەردى دەگەن كۇدىككە ىلىنگەن. ولارعا 6 جىلعا باس بوستاندىعىنان ايىرۋ جازاسى تاعايىندالدى. سونىمەن قاتار، پارا بەرۋگە يتەرمەلەگەنى ءۇشىن ب. كەرەيتباەۆ پەن گ. شوكەنوۆ كىنالى دەپ تانىلىپ، 7 جىل مەرزىمگە باس بوستاندىعىنان ايىرىلدى. اتالعان ادامداردىڭ ءبارى مەملەكەتتىك مەكەمەلەردە قىزمەت اتقارۋ قۇقىعىنان ايىرىلعان.

* 2-مامىردا بۋراباي اۋداندىق سوتىنىڭ ۇكىمىمەن كازينونىڭ زاڭگەرى ەلەۋلى مولشەردە پارا بەرگەنى ءۇشىن سوتتالىپ جيىرما ەسە مولشەردە ايىپپۇل سالىندى. ايىپپۇل سوماسى 184,5 ملن تەڭگەنى قۇرايدى. ول پروكۋراتۋرا قىزمەتكەرىنە كازينونىڭ قارجىلىق قىزمەتىن تەكسەرۋ ناتيجەلەرىن وڭ شەشكەنى ءۇشىن 20 مىڭ اقش دوللارى كولەمىندە پارا بەرگەنى ءۇشىن كىنالى دەپ تانىلدى. زاڭگەر مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى.

* 29 مامىر اباي وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتى قر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «سەمەي ورمانى» مەملەكەتتىك ورمان تابيعي رەزەرۆاتى» رمم باسشىلىعىنا جانە باسقا دا تۇلعالارعا قاتىستى ۇكىم شىعاردى. مەملەكەتتىك مەكەمەنىڭ ءۇش باسشىسى ۇيىمداسقان قىلمىستىق توپقا قاتىسۋعا جانە كاسىپكەرلەردەن جۇيەلى نەگىزدە 700 مىڭنان 13 ملن تەڭگەگەدەيىن پارا الۋعا كىنالى دەپ تانىلدى. ولار زاڭسىز سىياقىنى لاۋازىمدى تۇلعالارعا رەزەرۆات اۋماعىندا سانيتارلىق تازالاۋ مەن اعاش كەسۋگە رۇقسات بەرگەنى، مەملەكەتتىك ساتىپ الۋ جونىندەگى شارتتارعا كەدەرگىسىز قول قويعانى، سونداي-اق جالپى قامقورلىعى ءۇشىن بەردى. رەزەرۆاتتىڭ ءۇش باسشىسى 10 جىلعا سوتتالدى، ال بەس پارا بەرۋشى پارا بەرگەنى ءۇشىن كىنالى دەپ تانىلىپ، ءبىر جارىم جىلدان ءۇش جارىم جىلعا دەيىنگى مەرزىمگە باس بوستاندىعىنان ايىرىلدى. سوتتالعان ادامدار تۇگەلدەي ءومiر بويى مەملەكەتتiك قىزمەتتە، جەرگiلiكتi ءوزiن-ءوزi باسقارۋ ورگاندارىندا، قارجى ۇيىمدارىندا جانە كۆازيمەملەكەتتiك سەكتوردا قىزمەت اتقارۋ قۇقىعىنان ايىرىلدى.

* 12-ماۋسىمدا شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى قر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ، ونىڭ اۋماقتىق بولىمشەلەرىنىڭ، ۆەتەريناريالىق قىزمەتتىڭ، تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ لاۋازىمدى تۇلعالارىنا جانە «قۇت بەرەكە» شارۋا قوجالىعىنىڭ باسشىسى مەن وكىلدەرىنە قاتىستى ۇكىم شىعاردى. اتالعان ادامدار ۆەتەريناريالىق رۇقساتتار مەن سەرتيفيكاتتار بەرگەنى، مالدى مەملەكەتتىك شەكارا ارقىلى كەدەرگىسىز وتكىزگەنى، قىزمەتتىك جالعاندىق جاساعانى، جالعان قۇجاتتاردى بۇرمالاعانى جانە پايدالانعانى ءۇشىن جۇيەلى نەگىزدە پارا العانى جانە بەرگەنى ءۇشىن كىنالى دەپ تانىلدى. بۇدان باسقا، شارۋا قوجالىعىنىڭ باسشىسى مەن ۆەتەريناريالىق قىزمەت قىزمەتكەرى مەملەكەت مال شارۋاشىلىعىن دامىتۋعا سۋبسيديا بولگەن كەزدە 104 ملن تەڭگە سوماسىندا بيۋدجەت قاراجاتىن جىمقىردى. سوت ۇكىمىمەن كىنالى ادامدارعا باس بوستاندىعىنان ايىرۋ تۇرىندەگى جازا 1 جىل 5 ايدان 7 جىل 6 ايعا دەيىن، سونداي-اق 2 ملن-نان 26 ملن تەڭگەگە دەيىن ايىپپۇل تاعايىندالدى. سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.

* ماۋسىم ايىندا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كولىكتىك باقىلاۋ سالاسىنداعى ۇيىمداسقان قىلمىستىق توپقا قاتىستى ۇكىم شىعاردى. سوت ۇكىمىمەن استانا قالاسى بويىنشا كولىكتىك باقىلاۋ ينسپەكتسياسى باسشىسىنىڭ م.ا. ق. قۇدايبەرگەنوۆ جانە ونىڭ سىبايلاسى ب.شۋمباسوۆا 10 جىلعا باس بوستاندىعىنان ايىرىلدى. ەكەۋى دە ۇيىمداسقان قىلمىستىق توپتى قۇرىپ، باسقارعان، دياگنوستيكالىق كارتالاردى قولدان جاساپ، تەحنيكالىق تەكسەرۋدەن ءوتۋ تۋرالى اقپاراتتىق جۇيەگە جالعان اقپارات ەنگىزدى دەپ ايىپتالدى. ۇقت-تىڭ باسقا ون ءۇش قاتىسۋشىسى 5 جىلعا باس بوستاندىعىنان ايىرىلدى، تاعى 4 ادامنىڭ 2 جىلعا بوستاندىعى شەكتەلدى. سونداي-اق، سوت ۇكىمىمەن باسقا لاۋازىمدى تۇلعالار پارا العانى ءۇشىن كىنالى دەپ تانىلدى.بارلىعى ولار 350 مىڭعا جۋىق اۆتوكولىك قۇرالىن زاڭسىز تىركەگەن.

* ماۋسىم ايىندا تەرەكتى اۋداندىق سوتى «تەرەكتى-تازا سۋ» مەملەكەتتىك كاسىپورنىنىڭ لاۋازىمدى تۇلعالارىنا قاتىستى ۇكىم جاريااندى. سوت ۇكىمىمەن كاسىپورىن ديرەكتورى 7,5 جىلعا جانە باس بۋحگالتەر 7 جىلعا باس بوستاندىعىنان ايىرىلدى. ەكەۋى دە وزىنە جانە ۇيىم قىزمەتكەرلەرىنە جالاقىنى ارتىق اۋدارۋ، سونداي-اق جەتكىزۋشىلەرگە ناقتى ورىندالماعان جۇمىستار ءۇشىن بيۋدجەت قاراجاتىن نەگىزسىز اۋدارۋ ارقىلى 162 ميلليون تەڭگە سوماسىندا بيۋدجەت قاراجاتىن جىمقىردى دەپ ايىپتالدى. سوتتالعاندار ءومىر بويى مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ايىرىلدى.

* شىلدە ايىندا شىمكەنت قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باسشىلارى جۇيەلى جەمقورلىق قىلمىستارى ءۇشىن سوتتالدى. شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى 4-روتا كومانديرى ق.ءالىمحانوۆ پەن 8-روتا كومانديرى ن. مىرزاليەۆكە قاتىستى ۇكىم شىعاردى. ءالىمحانوۆ پەن مىرزاليەۆ 7 جىلعا باس بوستاندىعىنان ايىرىلىپ، مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى. سوتتالعانداردى شىمكەنت قالاسى سىبايلاس جەمقورلىققا قارسى قىزمەت دەپارتامەنتى جانە پوليتسيا دەپارتامەنتىنىڭ وزدىك قاۋىپسىزدىك باسقارماسى اشكەرەلەگەن بولاتىن. ولار قىزمەتتەگى جالپى قامقورلىعى ءۇشىن تۇراقتى نەگىزدە باعىنىستىلاردان 5-تەن 10 مىڭ تەڭگەگە دەيىن بىرنەشە رەت پارا الدى دەپ ايىپتالدى. بۇدان باسقا، ءالىمحانوۆ اكىمشىلىك جاۋاپكەرشىلىككە تارتپاعانى ءۇشىن ءوزىنىڭ قاراماعىنداعىلار ارقىلى شىمكەنت قالاسىنىڭ تۇرعىنىنان 130 مىڭ تەڭگە سوماسىندا زاڭسىز سىياقى العان.

* تامىز ايىندا شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى ءبىلىم باسقارماسىنىڭ ماماندارى ا. شينداۋلوۆا مەن م. مەيىربەكوۆاعا قاتىستى ۇكىم شىعاردى. اتالعان ادامدار 36 ملن تەڭگە كولەمىندە ايىپپۇل ارقالادى.ولار جەكەمەنشىك مەكتەپكە دەيىنگى مەكەمەلەردە تەكسەرىس جۇرگىزبەۋ ءۇشىن 100 مىڭنان 500 مىڭ تەڭگەگە دەيىنگى سومادا مەكتەپكە دەيىنگى مەكەمەلەردىڭ باسشىلارىنان جۇيەلى نەگىزدە پارا العانى ءۇشىن كىنالى دەپ تانىلدى.سوتتالعاندار مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويىنا ايىرىلدى.سونىمەن قاتار، دەپارتامەنت ءبىلىم بەرۋ سالاسىنداعى جەمقورلىق تاۋەكەلدەرىن سىرتقى تالداۋ بارىسىندا بيۋدجەت قاراجاتىن جىمقىرۋ سحەماسىن انىقتادى.

سونىمەن، سوتتى بولعانداردىڭ رەسمي جاريالانعان ءتىزىمى وسى-ءدۇر. ال سىبايلاس جەمقورلىق بويىنشا كۇدىككە ءىلىنىپ، قاماۋعا الىنعان ازاماتتاردىڭ سانى ءتىپتى كوپ. ولاردىڭ اراسىندا ۆيتسە-مينيسترلەر دە، وبلىس اكىمدەرىنىڭ ورىنباسارلارى دا، زاڭگەرلەر دە بار.

Abai.kz