دۇيسەنبى, 15 شىلدە 2024
الاساپىران 2189 3 پىكىر 20 قىركۇيەك, 2023 ساعات 17:21

قارجى مينيسترلىگىنىڭ ءتىزىمى: اشىقتىق وسىلاي جاسالا ما؟

بيىل، ناۋرىز ايىندا، قارجى مينيسترلىگى شەتەلدەن قارجى الاتىن ۇيىمدار مەن ازاماتتاردىڭ، زاڭدى تۇلعالاردىڭ ءتىزىمىن جاريالاۋ تۋرالى زاڭعا قول قويعان.

وسى نەگىزدە سونداي ۇيىمدار مەن ازاماتتاردىڭ جەكە دەرەكتەرى مەملەكەتتىك كىرىستەر دەپارتامەنتىنىڭ سايتىندا اشىق جاريالاندى، بۇگىن.

مينيسترلىك اتالعان جايتتى مەملەكەت پەن ۇكىمەتتىك ەمەس ۇيىمدارعا دەگەن حالىقتىڭ سەنىمىن ارتتىرادى دەگەنىمەن، ساراپشىلار مۇنى ازاماتتىق قوعامعا جاسالعان قىسىم دەپ باعالاعان.

كۇنى كەشە قارجى مينيسترلىگىنە قاراستى مەملەكەتتىك كىرىستەر كوميتەتى شەتەلدەن قارجى نەمەسە قانداي دا ءبىر مۇلىك الاتىن ازاماتتار مەن ۇيىمداردىڭ ءتىزىمىن جاريالادى. ۇزىن-سونار تىزىمدە ءتۇرلى سالادا جۇمىس ىستەيتىن 240 ۇيىم مەن ازاماتتاردىڭ اتى-ءجونى جانە بسن/جسن دەرەكتەرى كورسەتىلگەن.

ماسەلەن، بۇل تىزىمدە «ءادىل ءسوز» ءسوز بوستاندىعىن قورعاۋ ۇيىمى، «ار. رۋح. حاق» قوعامدىق قورى، CAPS Unlock (بۇرىنعى – سوروس-قازاقستان قورى), ادام قۇقىقتارى مەن زاڭدىلىقتى ساقتاۋ جونىندەگى حالىقارالىق بيۋرو سەكىلدى ۇيىمدار دا، دينارا ەگەۋباەۆا، اينۇر كوسكينا سەكىلدى جۋرناليستەر دە بار.

ال «Masa.media» رەداكتسياسى بۇل تىزىمگە نە ءۇشىن ەنگەندەرىن ءتۇسىندىرۋدى سۇراپ كوميتەتكە حات جولداعانىن جازدى.

اتالمىش ءتىزىمنىڭ ءمانى – جاڭا قازاقستاننىڭ جاڭا «جاپون تىڭشىسىن» ىزدەۋ ارەكەتى مە، الدە شىن مانىندەگى اشىقتىق وسىلاي بولۋعا ءتيىس پە – كەسىمىن كوزى قاراقتى مارتەبەلى وقىرماننىڭ وزىنە قالدىردىق.

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1212
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1905
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1955