قر عىلىم جانە جوعارى ءبىلىم ءمينيسترى ساياسات نۇربەك 2023 جىلعى ازيا-تىنىق مۇحيتى ايماعىنداعى جوعارى ءبىلىم بەرۋ ماسەلەلەرى جونىندەگى QS سامميتىنە قاتىستى. بيىلعى ءىس-شارا 7-9 قاراشا ارالىعىندا مالايزيانىڭ كۋالا-لۋمپۋر قالاسىندا وتەدى.

ساياسات نۇربەك «ازيا-تىنىق مۇحيتى وڭىرىندەگى قاجەتتى نىسانالى باعدارلاردى: ۋنيۆەرسيتەتتەر مەن ەڭبەك نارىعىنىڭ بولاشاعىن انىقتاۋ» ءىس-شاراسىنىڭ پلەنارلىق وتىرىسىنداعى سويلەگەن سوزىندە بۇگىنگى تاڭدا QS الەمدىك رەيتينگىندە قازاقستاننىڭ 21 جوعارى وقۋ ورنى ۇسىنىلعانىن، بۇل 2020 جىلمەن سالىستىرعاندا ەكى ەسە وسكەنىن اتاپ ءوتتى.

«قازىر ءبىز تيىمدىلىكتىڭ نەگىزگى كورسەتكىشتەرىن تۇجىرىمداۋدى مۇقيات زەرتتەپ جاتىرمىز. قازىرگى ۋاقىتتا جوعارى ءبىلىم بەرۋ ساياساتى QS ادىستەمەلەرىندەگى سوڭعى وزگەرىستەرگە سايكەس. ءبىز ۋنيۆەرسيتەتتەرىمىزدىڭ رەيتينگتەردە جوعارى كوتەرىلۋىنە سەرپىن بەرۋ ءۇشىن جەتى جىلدىق ستراتەگيالىق جوسپار قابىلدادىق»، - دەپ اتاپ ءوتتى مينيستر.

ايتا كەتەيىك، سوڭعى 20 جىلدا QS Asia Pacific Professional Leaders in Education (QS APPLE) كونفەرەنتسياسى مەملەكەتتىك بيلىك ورگاندارى باسشىلارىنىڭ، بەدەلدى جوعارى وقۋ ورىندارىنىڭ رەكتورلارىنىڭ، بەدەلدى عالىمداردىڭ، ءبىلىم جانە عىلىم سالاسىنداعى ساراپشىلاردىڭ جانە حالىقارالىق كورپوراتسيالار باسشىلارىنىڭ كەزدەسۋ ورنىنا اينالدى.

سونداي-اق، بۇگىن QS Asia University Rankings 2024 ايماقتىق رەيتينگى جاريالانعانىن اتاپ وتكەن ءجون. دەرەكتەرگە سايكەس قازاقستاندىق جوعارى وقۋ ورىندارىنىڭ سانى رەكوردتىق – 34-كە دەيىن ءوستى، بۇل وتكەن جىلدىڭ سايكەس كورسەتكىشىمەن سالىستىرعاندا ەكى ەسە كوپ (+6,25%). سونىمەن قاتار، رەيتينگتىڭ گەوگرافياسى كەڭەيدى، ەندى وعان قازاقستاننىڭ 17 قالاسىنان جوعارى وقۋ ورىندارى قاتىسادى، بۇل دا رەكورد بولىپ تابىلادى: وتكەن جىلعى رەيتينگتە ەلىمىزدىڭ 16 قالاسىنان جوعارى وقۋ ورىندارى ۇسىنىلدى.

جاڭا رەيتينگتە ءال-فارابي اتىنداعى قازاق ۇلتتىق ۋنيۆەرسيتەتى 29 ورىنعا كوتەرىلەدى (+15 پوزيتسيا) جانە ازيانىڭ ۇزدىك 30 جوعارى وقۋ ورىندارىنىڭ قاتارىنا كىرەدى، ل. ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى دە جاڭا ازيا رەيتينگىنىڭ توپ-100 كىرەدى جانە وتكەن جىلعى ناتيجەنى 24 پوزيتسياعا جاقسارتا وتىرىپ، 71-ءشى ورىندى الدى.

سونىمەن قاتار، بيىلعى جىلى ازيا – QS Asia University Rankings ۇزدىك ۋنيۆەرسيتەتتەرىنىڭ رەيتينگىنە العاش رەت 3 جاڭا قازاقستاندىق جوو كىردى: قاراعاندى يندۋستريالدى ۋنيۆەرسيتەتى (601-650 دياپازونىنداعى پوزيتسيا), يننوۆاتسيالىق ەۋرازيا ۋنيۆەرسيتەتى (801+ دياپازونىنداعى پوزيتسيا) جانە حالىقارالىق اقپاراتتىق تەحنولوگيالار ۋنيۆەرسيتەتى (801+ دياپازونىنداعى پوزيتسيا).

Abai.kz