قازاقستاننىڭ ۇلتتىق قاۋىپسىزدىك كوميتەتى (ۇقك) توراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى بۇلتارتپاۋ شاراسىن وزگەرتۋگە نەگىز جوق، دەپ حابارلادى باس پروكۋروردىڭ ورىنباسارى جاندوس ومىراليەۆ.

ەستەرىڭىزگە سالا كەتەيىك، بۇرىنعى پرەزيدەنت نۇرسۇلتان نازارباەۆتىڭ تۋعان جيەنى بولعان ءابىش قاڭتار ايىنداعى وقيعالاردان كەيىن كوپ ۇزاماي ۇقك توراعاسىنىڭ ءبىرىنشى ورىنباسارى قىزمەتىنەن ايىرىلدى. قاڭتار وقيعالارىنا دەيىن ول بەيرەسمي تۇردە قازاقستان پرەزيدەنتى لاۋازىمىنا باستى ۇمىتكەرلەر قاتارىندا اتالدى. قاڭتار وقيعالارى تۋرالى ءىس بويىنشا ءابىش قاراپايىم كۋاگەر بولىپ ءوتتى.

19 قىركۇيەكتە سامات ابىشكە قاتىستى «قاڭتار وقيعالارى»كەزىندە بيلىك پەن لاۋازىمدىق وكىلەتتىكتەردى اسىرا پايدالانۋ فاكتىسى بويىنشا قىلمىستىق ءىس قوزعالعانى بەلگىلى بولدى.

Abai.kz