جۇما, 28 اقپان 2020
جاڭالىقتار 1625 0 پىكىر 26 قىركۇيەك, 2013 ساعات 08:59

«ماعجان» قايتا ورالدى

قازاق باسىلىمدارىنىڭ قاتارى «ماعجان» ادەبي-كوركەم قوعامدىق-ساياسي جۋرنالىمەن تولىقتى. سولتۇستىك قازاقستان وبلىسىنىڭ اكىمى سامات ەسكەندىروۆتىڭ تىكەلەي قولداۋىمەن جارىق كورگەن جۋرنالدىڭ تۇساۋكەسەرى ەلورداداعى ۇلتتىق كىتاپحانادا ءوتتى. شاراعا قازاقستان رەسپۋبليكاسى پارلامەنتىنىڭ دەپۋتاتتارى، قوعام، ونەر  قايراتكەرلەرى، استانالىق زيالى قاۋىم  وكىلدەرى مەن ستۋدەنت-جاستار قاتىستى. جيىندى كىرىسپە سوزبەن اشقان بەلگىلى ونەر جاناشىرى، اقىن، سازگەر بايانعالي ءالىمجانوۆ بيىل ۇلى اقىننىڭ تۋعانىنا 120 جىل تولۋىنا بايلانىستى  رەسپۋبليكا، وبلىس دەڭگەيىندە كوپتەگەن ءىس-شارالاردى4 بولىپ وتكەنىن ايتتى. ولاردىڭ قاتارىندا «ماعجان كوكتەمى» ءىى رەسپۋبليكالىق ونەر فەستيۆالىن، ول تۋرالى تۇسىرىلگەن كوركەم-دەرەكتى ءفيلمدى، عىلىمي-تاجىريبەلىك كونفەرەنتسيالاردى اتادى. سوسىن ءسوز كەزەگىن قازاقستان رەسپۋبليكاسى پارلامەنتى سەناتىنىڭ دەپۋتاتى قۋانىش ايتاحانوۆقا بەردى. ءوزى دە رۋحانيات دەسە ىشكەن اسىن جەرگە قوياتىن سەناتور: «تاۋەلسىزدىك العاننان كەيىن ءبىز تاريحىمىزداعى اقتاڭداقتاردى اقتارىپ، بۇرىن بەلگىسىز بولىپ كەلگەن تۇلعالارىمىزدى،  حاندارىمىزدى، كوسەمدەرىمىز بەن شەشەندەرىمىزدى، نەبىر ءدۇلدىل اقىن-جازۋشىلارىمىزدى تاۋىپ، تانىپ جاتىرمىز. سولاردىڭ ءبىرى دە بىرەگەيى ماعجان جۇماباەۆ. ءبىزدىڭ ۇرپاق قازاقتىڭ ۇلى اقىنى،  ۇلت تاعدىرىنىڭ جىرشىسى ماعجان جۇماباەۆتى، ارينە، بىلگەن جوق.

قازاق باسىلىمدارىنىڭ قاتارى «ماعجان» ادەبي-كوركەم قوعامدىق-ساياسي جۋرنالىمەن تولىقتى. سولتۇستىك قازاقستان وبلىسىنىڭ اكىمى سامات ەسكەندىروۆتىڭ تىكەلەي قولداۋىمەن جارىق كورگەن جۋرنالدىڭ تۇساۋكەسەرى ەلورداداعى ۇلتتىق كىتاپحانادا ءوتتى. شاراعا قازاقستان رەسپۋبليكاسى پارلامەنتىنىڭ دەپۋتاتتارى، قوعام، ونەر  قايراتكەرلەرى، استانالىق زيالى قاۋىم  وكىلدەرى مەن ستۋدەنت-جاستار قاتىستى. جيىندى كىرىسپە سوزبەن اشقان بەلگىلى ونەر جاناشىرى، اقىن، سازگەر بايانعالي ءالىمجانوۆ بيىل ۇلى اقىننىڭ تۋعانىنا 120 جىل تولۋىنا بايلانىستى  رەسپۋبليكا، وبلىس دەڭگەيىندە كوپتەگەن ءىس-شارالاردى4 بولىپ وتكەنىن ايتتى. ولاردىڭ قاتارىندا «ماعجان كوكتەمى» ءىى رەسپۋبليكالىق ونەر فەستيۆالىن، ول تۋرالى تۇسىرىلگەن كوركەم-دەرەكتى ءفيلمدى، عىلىمي-تاجىريبەلىك كونفەرەنتسيالاردى اتادى. سوسىن ءسوز كەزەگىن قازاقستان رەسپۋبليكاسى پارلامەنتى سەناتىنىڭ دەپۋتاتى قۋانىش ايتاحانوۆقا بەردى. ءوزى دە رۋحانيات دەسە ىشكەن اسىن جەرگە قوياتىن سەناتور: «تاۋەلسىزدىك العاننان كەيىن ءبىز تاريحىمىزداعى اقتاڭداقتاردى اقتارىپ، بۇرىن بەلگىسىز بولىپ كەلگەن تۇلعالارىمىزدى،  حاندارىمىزدى، كوسەمدەرىمىز بەن شەشەندەرىمىزدى، نەبىر ءدۇلدىل اقىن-جازۋشىلارىمىزدى تاۋىپ، تانىپ جاتىرمىز. سولاردىڭ ءبىرى دە بىرەگەيى ماعجان جۇماباەۆ. ءبىزدىڭ ۇرپاق قازاقتىڭ ۇلى اقىنى،  ۇلت تاعدىرىنىڭ جىرشىسى ماعجان جۇماباەۆتى، ارينە، بىلگەن جوق. دەمەك، «ماعجان» جۋرنالىنىڭ جارىققا شىعۋى بۇل ەلىمىزدىڭ ادەبي-مادەني ومىرىندەگى ايتۋلى وقيعا، بۇگىنگى ۇرپاققا جاسالىپ وتىرعان ۇلكەن قامقورلىق» دەي كەلىپ،  كەشەگى ارىپتەسى، بۇگىنگى اكىم سامات ەسكەندىروۆكە ريزاشىلىعىن ءبىلدىردى. «ماعجان ءبىر ايماقتىڭ عانا ۇلى ەمەس، بۇكىل ۇلتتىڭ، كەرەك دەسەڭىز، كۇللى تۇركى الەمىنىڭ پەرزەنتى، سوندىقتان جاڭا  جۋرنال رەسپۋبليكا جۇرتشىلىعىنىڭ يگىلىگىنە اينالۋعا ءتيىس»، - دەپ تۇيىندەدى ول ءوز ءسوزىن.

قوعام قايراتكەرى، بەلگىلى اقىن كاكىمبەك سالىقوۆ قولعا العان يگىلىكتى شارا ۇزاعىنان ءسۇيىندىرسىن دەي كەلىپ، جۋرنالدىڭ كولەمىن ءالى دە قالىڭداتا ءتۇسۋ،  ەلىمىزدىڭ بارلىق ايماقتارىنا تارالۋىنا كۇش سالۋ قاجەتتىگىن باسا ايتتى. ءماجىلىس دەپۋتاتى، جازۋشى-قالامگەر الدان سمايىل، نازارباەۆ ۋنيۆەرسيتەتىنىڭ قازاق ءتىلى كافەدراسىنىڭ مەڭگەرۋشىسى، پەداگوگيكا عىلىمدارىنىڭ دوكتورى، پروفەسسور كۇلتاس قۇرمانباي جاڭا باسىلىمنىڭ ماعجان مۇراسىن زەرتتەپ، زەردەلەۋمەن بىرگە جاس تالانتتاردىڭ شىعارمالارىن جاريالاي وتىرىپ، قاناتتارىنىڭ قاتايۋىنا كومەكتەسەتىنىنە سەنىم ءبىلدىردى.  زاڭگەر بەكەت تۇرعاراەۆتىڭ ءسوزى دە اسەرلى شىقتى. ول سامات ەسكەندىروۆتىڭ رۋحانياتقا جاقىن ادام ەكەنىن، بۇرىن دا وسىنداي تىڭ جوبالارعا ۇيىتقى بولىپ جۇرگەنىن، وبلىس تىزگىنىن قولىنا الا سالىسىمەن «ماعجان كوكتەمى» فەستيۆالىن وتكىزىپ، جەرلەستەرىن قۋانىشقا بولەگەن ءوڭىر باسشىسىنىڭ ەندى، مىنە، ءتۇرلى سەبەپتەرمەن سوڭعى ءۇش-ءتورت جىلدىڭ كولەمىندە وقىرماندارىنان كوز جازىپ قالعان «ماعجان» ادەبي- كوركەم، قوعامدىق-ساياسي جۋرنالىنىڭ عۇمىرىن ۇزارتىپ، تاعى ءبىر يگى ىسكە ۇيىتقى بولىپ وتىرعانىن،   جۋرنالدىڭ وسى جولعى سانى  تاقىرىپتاردىڭ سان-الۋاندىعىمەن تارتىمدى دا مازمۇندى شىققانىن، بەلسەندى اۆتورلار قاتارىنا ەلىمىزگە بەلگىلى قالامگەرلەر مەن تۇلعالاردىڭ تارتىلۋى قۇپتارلىق ەكەنىن تىلگە تيەك ەتتى.

سونداي-اق، باس قوسۋدا ءسوز العان فيلولوگيا عىلىمدارىنىڭ دوكتورى، عالىم سەرىك نەگيموۆ، اقىن، مەملەكەتتىك سىيلىقتىڭ لاۋرەاتى، قازاقستان جازۋشىلار وداعى استانا فيليالىنىڭ باسشىسى  نەسىپبەك ايتۇلى، فيلولوگيا عىلىمدارىنىڭ دوكتورى، جازۋشى-عالىم تۇرسىن جۇرتباي باسقا دا ازاماتتار  قالىڭ وقىرمانىمەن قايتا قاۋىشىپ وتىرعان «ماعجان» جۋرنالىنا ىزگى تىلەكتەرىن ءبىلدىرىپ، ءوز وي-پىكىرلەرىن ورتاعا سالدى.

رەسپۋبليكالىق «ەگەمەن قازاقستان» گازەتى باس رەداكتورىنىڭ ورىنباسارى، بەلگىلى جۋرناليست-جازۋشى، ماعجانتانۋشى جاراسباي سۇلەيمەنوۆ رۋحاني، مادەني سالاعا ۇلكەن كوڭىل ءبولىپ، جاناشىرلىق قولداۋ كورسەتكەنى ءۇشىن سامات ساپاربەكۇلىنا ريزاشىلىعىن ايتا كەلىپ، باسىلىم الداعى ۋاقىتتا ماعجاننىڭ شىعارماشىلىعىمەن، وڭىرلىك اۋقىممەن عانا شەكتەلىپ قالمايتىنىن، ەل ونەرىنە، مادەنيەتىنە قاتىستى ماسەلەلەر دە كەڭىنەن قامتىلاتىنىن، اسىرەسە، جاستار شىعارماشىلىعىنا ۇلكەن ورىن بەرىلەتىنىن، جۋرنالدى ەل اۋماعىنا تاراتۋ ماقساتى تۇرعانىن ايتتى.

Abai.kz

0 پىكىر