سەيسەنبى, 1 جەلتوقسان 2020
COVID-19 قازاقستاندا. جۇقتىرعاندار — 132348. جازىلعاندار — 116863. قايتىس بولعاندار — 1990
جاڭالىقتار 1839 0 پىكىر 26 قىركۇيەك, 2013 ساعات 09:11

تۇرسىنبەك ءاليۇلى. باتىس پەن وڭتۇستىككە اپاراتىن توتە جول بار ما؟

قازىر اۋلاسىندا كولىگى جوق ءۇي جوق دەسە دە بولادى. بىراق ەلىمىزدەگى جولداردىڭ جاي-كۇيى وتە ناشار. ازىرشە ەلىمىزدە ەۋروپالىق ستاندارتقا ساي كەلەتىن ءبىر-اق جول بار. ول استانا-بۋراباي اۆتوبانى. استانا-قاراعاندى، استانا-پاۆلودار اۆتوباندارى سالىنا باستادى. ەندى كوكشەتاۋ-قىزىلجار، استانا-قوستاناي اۆتوبانى سالىنسا، ەلىمىزدىڭ كولەمى تۇركيامەن پارا-پار سولتۇستىك بولىگىنىڭ كولىك جولدارى ەۋروپالىق دەڭگەيگە شىعىپ، تاماشا بولار  ەدى...

      قازىر ەل ورتالىعى استانانىڭ ايماقتارمەن جاقسى جولدار ارقىلى بايلانىسى تۋرالى ايتۋدىڭ ءوزى ارتىق. استانا-الماتى جولى جاقسى بولعانىمەن، وتە تار. سونىڭ كەسىرىنەن جول-كولىك اپاتى وتە كوپ. ال ەلوردامىزدىڭ وڭتۇستىكپەن بايلانىسى ءدال قازىرگى جولدار بويىنشا العاندا وتە الىس دەۋگە بولادى. استانادان شىمكەنتكە دەيىن 1700 شاقىرىم ەكەن. قىزىلورداعا دەيىن 2000 شاقىرىمنان اسىپ كەتەدى. ەكى-ءۇش كۇندىك جول. سوندا وڭتۇستىككە ەڭ توتە جول قايسىسى بولماق؟

      استانادان قورعالجىن-بارشىن-سارىوزەن ارقىلى جەزقازعاننىڭ قىزىلجارىنا شىعۋعا بولادى. بۇل جول قازىر دە بار، بىراق ناشار كۇيدە. قىزىلجار مەن جەزقازعاننىڭ اراسى جاقسى. ەندى جەزقازعاننان قىزىلورداعا دەيىن 400 شاقىرىمدىق جول سالىنسا، مىنە، وسى جول وڭتۇستىككە تىكەلەي الىپ بارار ەدى. قاشىقتىق تا قىسقارادى. استانادان قىزىلورداعا دەيىن بار-جوعى 900 شاقىرىم عانا بولادى. ءبىر-اق كۇندىك جول.

قازىر اۋلاسىندا كولىگى جوق ءۇي جوق دەسە دە بولادى. بىراق ەلىمىزدەگى جولداردىڭ جاي-كۇيى وتە ناشار. ازىرشە ەلىمىزدە ەۋروپالىق ستاندارتقا ساي كەلەتىن ءبىر-اق جول بار. ول استانا-بۋراباي اۆتوبانى. استانا-قاراعاندى، استانا-پاۆلودار اۆتوباندارى سالىنا باستادى. ەندى كوكشەتاۋ-قىزىلجار، استانا-قوستاناي اۆتوبانى سالىنسا، ەلىمىزدىڭ كولەمى تۇركيامەن پارا-پار سولتۇستىك بولىگىنىڭ كولىك جولدارى ەۋروپالىق دەڭگەيگە شىعىپ، تاماشا بولار  ەدى...

      قازىر ەل ورتالىعى استانانىڭ ايماقتارمەن جاقسى جولدار ارقىلى بايلانىسى تۋرالى ايتۋدىڭ ءوزى ارتىق. استانا-الماتى جولى جاقسى بولعانىمەن، وتە تار. سونىڭ كەسىرىنەن جول-كولىك اپاتى وتە كوپ. ال ەلوردامىزدىڭ وڭتۇستىكپەن بايلانىسى ءدال قازىرگى جولدار بويىنشا العاندا وتە الىس دەۋگە بولادى. استانادان شىمكەنتكە دەيىن 1700 شاقىرىم ەكەن. قىزىلورداعا دەيىن 2000 شاقىرىمنان اسىپ كەتەدى. ەكى-ءۇش كۇندىك جول. سوندا وڭتۇستىككە ەڭ توتە جول قايسىسى بولماق؟

      استانادان قورعالجىن-بارشىن-سارىوزەن ارقىلى جەزقازعاننىڭ قىزىلجارىنا شىعۋعا بولادى. بۇل جول قازىر دە بار، بىراق ناشار كۇيدە. قىزىلجار مەن جەزقازعاننىڭ اراسى جاقسى. ەندى جەزقازعاننان قىزىلورداعا دەيىن 400 شاقىرىمدىق جول سالىنسا، مىنە، وسى جول وڭتۇستىككە تىكەلەي الىپ بارار ەدى. قاشىقتىق تا قىسقارادى. استانادان قىزىلورداعا دەيىن بار-جوعى 900 شاقىرىم عانا بولادى. ءبىر-اق كۇندىك جول.

      ەكىنشىدەن، جەزقازعاننان بەينەۋگە تىكەلەي جول تارتۋ كەرەك. قازىر تەمىر جول سالىنا باستادى، جانىنان كولىك جولىن دا تارتۋ ۇلكەن ستراتەگيالىق ماسەلەنى شەشۋمەن بىردەي. ايتپەسە، قازىر استانانىڭ باتىسپەن بايلانىسى جوق دەسە دە بولادى. بۇل جول باتىستىقتاردى ەلورداعا كەلۋدە ەڭ قىسقا جولمەن قامتاماسىز ەتەدى. استانالىقتار دا تاقتايداي تەگىس جولمەن جۇيتكىپ وتىرىپ تەڭىزگە بارىپ، شومىلىپ، كەندىرلىنى دامىتىپ، شەتەلگە شاپقىلاي بەرمەس ەدى...

      بۇنىڭ ءبارى، ارينە، قارجىعا كەلىپ تىرەلەدى. ال قارجى بولسا بار ەمەس پە؟ قازاقستاننىڭ التىن-ۆاليۋتا رەزەرۆى 100 ميلليارد دوللارعا جەتىپ قالدى. بىراق ول باتىستىڭ پايداسى از قۇندى قاعازدارىنا سالىنعان. ءبىر سوزبەن ايتقاندا «ءولى» اقشا كۇيىندە تەككە جاتىر. ەرتەڭ الەمدە تاعى دا ءبىر كريزيس بولسا ول اقشانىڭ ورنىن سيپاپ قالۋىمىز ابدەن مۇمكىن. ال جولدارعا سالىنعان قاراجات ەلدى دامىتادى، بيۋدجەتتى تولتىرادى. حالىققا جۇمىس بەرەدى ەمەس پە؟

Abai.kz

0 پىكىر