سينوپتيكتەر قازاقستاندا 13, 14 جانە 15 اقپاندا اۋا رايىنىڭ كۇرت وزگەرىپ، سۋىتاتىنىن بولجادى، - دەپ حابارلايدى Abai.kz ءتىلشىسى.

قازاقستاننىڭ باسىم بولىگىندە تۇراقسىز اۋا رايى ساقتالىپ، جاڭبىر ارالاس قار تۇرىندەگى جاۋىن-شاشىن جاۋادى. ال ەلىمىزدىڭ سولتۇستىك وبلىستارىندا قاتتى قار، بۇرقاسىن، كوكتايعاق، سونداي-اق باتىستا اۋا تەمپەراتۋراسى 5 گرادۋس اياز – 5 گرادۋس جىلى، سولتۇستىك، ورتالىق، شىعىس وبلىستاردا 5 گرادۋس اياز – 2 گرادۋس جىلىعا دەيىن كوتەرىلەدى دەپ كۇتىلەدى.

"ايدىڭ ورتاسىنا قاراي تسيكلون قازاقستان اۋماعىنان شىعىپ، ونىڭ ورنىن اركتيكالىق انتيتسيكلون باسادى، ونىڭ اسەرىنەن رەسپۋبليكانىڭ سولتۇستىك جارتىسىندا اياز بولادى. ەلىمىزدىڭ باتىسىندا، سولتۇستىك-باتىسىندا جانە سولتۇستىگىندە 15 اقپانعا قاراي اۋا تەمپەراتۋراسى تۇندە 22-32, كۇندىز 15-27 گرادۋس ايازعا دەيىن تومەندەيدى دەپ كۇتىلەدى. ەلدىڭ قالعان بولىگىندە تەمپەراتۋرا فونىندا كۇرت وزگەرىستەر كۇتىلمەيدى", - دەلىنگەن حابارلامادا.

قىس سۋىق بولسا، جاز ىستىق بولادى دەگەن ءتامسىل بار. سينوپتيكتەر، 2024 جىلدىڭ جازى 40 گرادۋسقا دەيىن ىستىق بولادى دەپ كۇتۋدە.

بۇل تۋرالى تىپتەن توتەنشە جاعدايلار ۆيتسە-ءمينيسترى باۋىرجان سىزدىقوۆ تا مالىمدەدى.

"قازگيدرومەت مالىمەتىنشە، جازدا ورتاشا تەمپەراتۋرا 19-23 گرادۋس بولادى جانە 40 گرادۋسقا دەيىن جانە ودان دا جوعارى كوتەرىلەدى. بىلتىر اۋا تەمپەراتۋراسىنىڭ كوتەرىلۋى، كەي كۇندەرى 40-44 گرادۋسقا دەيىن جەتىپ ءورت قاۋپىن تۋدىردى. مىسالى، سەمەيدە", - دەدى سىزدىقوۆ.

Abai.kz