دەپۋتات ەرمۇرات باپي جۇلدىز سۇلەيمەنوۆادان «وتاعاسى تۋرالى» زاڭدى قابىلداۋعا ۇسىنىس بىلدىرگەن. ايەلدەر مەن بالالاردىڭ قۇقىعىن قورعاۋ تۋرالى زاڭ جوباسىن تالقىلاۋ بارىسىندا دەپۋتاتتىڭ بۇل ۇسىنىسىن باسقالارى دا  قوشەمەتپەن قولدادى، دەپ حابارلايدى Abai.kz.

– اكەلەردى بۇل زاڭمەن سۇمىرەيتىپ جىبەرگەن جوقپىز با؟ وسى زالداعىلاردىڭ كوبى «اكەڭ كەلسىن، سازايىڭدى بەرەدى» دەگەن تاربيەمەن وستىك قوي. وسى تۇرعىدا كەلگەندە ءسىز قالاي ويلايسىز؟ ەر ازاماتتىڭ ءرولىن كوتەرۋ ءۇشىن، بالكىم، وتاعاسى تۋرالى زاڭ قابىلداۋىمىز كەرەك شىعار؟ – دەپ سۇرادى باپي سۇلەيمەنوۆادان.

سۇلەيمەنوۆانىڭ جاۋابى:

– اكە– اسقار تاۋ. قازاقتىڭ وتباسى ينستيتۋتىندا اكەنىڭ ورنى ەرەكشە. اكەمەن ءبارى بايلانىسادى. بىراق بۇل زاڭدا ءبىر قولىمەن بەسىكتى، ەكىنشى قولىمەن الەمدى تەربەتكەن ايەلگە جاسالعان وزبىرلىققا توسقاۋىل قوياتىن زاڭدى كوزدەپ وتىرمىز. مەن دە ۇلدارىمىزدىڭ بولاشاعى جايلى ويلارىم بار. ەل بولاشاعىن ۇلدىڭ بولاشاعىمەن بايلانىستىرعان ەلمىز. بىراق كونستيتۋتيادا ەر مەن ايەل بولىنبەيدى. قول شاپالاققا بايلانىستى بۇل – بۇكىل ەلدىڭ سۇراعى عوي. جالپى اكەلەردىڭ ءرولىن، وتباسىنداعى جاۋاپكەرشىلىگىن، ەرەكشە ورنىن بەلگىلەيتىن زاڭ قاجەت بولسا ءبىرىنشى بولىپ قابىلداۋعا ءوزىم دە اتسالىسقىم كەلەدى، – دەيدى سۇلەيمەنوۆا.

دەپۋتات دەگەنمەن بۇگىنگى زاڭ جالپى بۇكىل ازاماتتارعا قاجەت ەكەنىن ايتادى.

– قوعام جازا كۇشەيگەننەن كەيىن جۇدىرىق الا جۇگىرەر الدىندا ويلانار. بۇل قۇقىقبۇزۋشىلىقتىڭ الدىن الۋدى كوزدەيدى، – دەيدى ول.

Abai.kz.