ۋكراينا اسكەرىنىڭ شىعىنىن زەلەنسكي 25 اقپانداعى ءباسپاسوز-كونفەرەنتسياسىندا حابارلادى.

پرەزيدەنت ايتقان شىعىنعا بەيبىت ادامدار ءولىمى قوسىلماعان.

ۋكراينا پرەزيدەنتى بۇل مالىمەتتى اشۋعا قۇقىعى بار ما، جوق پا سەنىمدى ەمەس ەكەنىن ايتتى.

رەسەي قورعانىس ءمينيسترى سەرگەي شويگۋ بىلتىر جەلتوقساندا ۋكراينا اسكەرىندە ولگەندەر مەن جارالىلار 383 مىڭعا جەتكەنىن مالىمدەگەن.

ماسكەۋ سوعىس شىعىنىن جاريالاعان ەمەس. بي-بي-ءسيدىڭ ورىس قىزمەتى مەن "مەديازونا" جانە ەرىكتىلەر ءارتۇرلى اشىق مالىمەت ارقىلى 45123 رەسەي جاۋىنگەرىنىڭ ولگەنىن انىقتاعان. جالپى شىعىن 113 مىڭعا جەتكەن.

بىلتىر قاراشادا ناتو باس حاتشىسى يەنس ستولتەنبەرگ رەسەي شىعىنى 300 مىڭ دەپ كورسەتكەن. زەلەنسكيدىڭ سوزىنشە، رەسەي اسكەرى ءولىسى بار، جارالىسى بار، 500 مىڭ ادامىنان ايىرىلعان. سوعىسۋشى تاراپتار ءوز شىعىن ازايتىپ، قارسىلاس شىعىن زورايتىپ كورسەتەتىنى بايقالعان.

Abai.kz