اسا قاتىگەزدىكپەن ءوز ايەلىن ازاپتاپ، ءولتىردى دەگەن كۇدىككە ىلىنگەن قۋاندىق بيشىمباەۆتىڭ ىسىنە قاتىستى بۇگىن الدىن الا تىڭدالىم استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وتكەن بولاتىن. تىڭدالىم بارىسىندا ايىپتاۋشى تاراپ سالتانات نۇكەنوۆانى ءولتىرۋ وقيعاسىنىڭ قالاي جانە قانداي جاعدايدا ورىن العانىن ايتىپ بەردى.

ايىپتاۋشىنىڭ سوزىنشە، وقيعا كۇنى بيشىمباەۆ پەن نۇكەنوۆا كونتسەرتتە بولعان. ەلەۋسىز سەبەپپەن نۇكەنوۆامەن جانجالداسا باستاعان ەكس-مينيستر كونتسەرتتىڭ اياقتالۋىن كۇتپەستەن، عيماراتتان شىعىپ، ۇرسىسقان كۇيدە باۋ مەيرامحاناسىنا قاراي جاياۋ بارعان.

"مەيرامحاناعا كەلگەن سوڭ بيشىمباەۆ پەن نۇكەنوۆا بىرگە №5 VIP-بولمەگە بارىپ، الكوگولدىك سۋسىندارعا، اتاپ ايتقاندا، شاراپقا تاپسىرىس بەرگەن. مەيرامحانادا بولعان كەزدە ەكەۋى ءتورت بوتەلكە شاراپ ءىشىپ وتىرىپ جانجالدى جالعاستىرعان. جانجال كەزىندە نۇكەنوۆا بيشىمباەۆقا بۇل قارىم-قاتىناستان شارشاعانىن، اقىرى ونى تاستاپ كەتۋگە بەل بۋعانىن ايتقان. بۇل تۋرالى اعاسى امانگەلدىگە جازعان. ول امانگەلدىگە تۇنەۋگە باراتىنىن جازىپ، تاكسي شاقىرۋعا ارەكەتتەنگەن", – دەدى پروكۋرور ايجان ايماعانوۆا.

9 قاراشا كۇنى ساعات 00.30-دا ولار مەيرامحانادان بىرگە شىققان، بىراق بيشىمباەۆ نۇكەنوۆانى اعاسىنا جىبەرمەي، جانجالداسا بەرگەن. سول كۇنى ساعات 02.00-دە ولار مەيرامحاناعا ورالدى.

ايجان ايماعانوۆا سول كەزدە مەيرامحانا زالىندا جۇمىسشىلار مەن كومەكشى بولعانىن اتاپ ءوتتى. VIP بولمەدە ەرلى-زايىپتىلار ىشىمدىك ءىشۋدى جالعاستىرىپ، ارالارىندا قايتادان جانجال تۋىنداپ، ءبىر-بىرىنە ايقايلاي باستاعان. بيشىمباەۆ نۇكەنوۆانى بالاعاتتاپ، ونىڭ وزىنە تاۋەلدى ەكەنىن كورسەتۋ ءۇشىن سوڭعى ساتىپ العان كيىمدەرى مەن زەرگەرلىك بۇيىمدارى ءۇشىن ونى سوگە باستاعان.

"نۇكەنوۆا بۇعان اشۋلانىپ، ءىش كيىمىنەن باسقا بارلىق كيىمدەرىن شەشىپ، ولار تۇرعان زالعا لاقتىرىپ جىبەرگەن. قۋاندىق اشۋلانىپ، جۇدىرىعىمەن دەنە جاراقاتىن سالا باستاعان. بيشىمباەۆ ماس كۇيىندە نۇكەنوۆانى ءىش كيىمىنىڭ ۇستىنە ءوزىنىڭ كۇرتەشەسىن كيگىزىپ، كولىك تۇراعىنا تۇسكەن. مەيرامحانا قىزمەتكەرلەرىنىڭ نۇكەنوۆانى سوققىعا جىعىلعان كۇيدە كورگەنىن قالاماعاندىقتان، ۇيگە قاراي كولىكپەن ءجۇرۋدى ۇيعارعان. بىراق ول عيماراتتان شىعا الماي، تروتۋارعا شىعىپ كەتكەن، سول كەزدە ونى اۆتوتۇراق كۇزەتشىسى كورىپ قالىپ، كولىكتى توقتاتقان. سودان ساعات 07.00-دە نۇكەنوۆامەن بىرگە مەيرامحاناعا كوتەرىلدى", – دەپ جالعاستىردى ايماعانوۆا.

مەيرامحانا حولىندا ايىپتالۋشى جۇدىرىعىمەن باسىنا بىرنەشە سوققىلار بەرىپ، ەدەنگە قۇلاعان جابىرلەنۋشىنىڭ قورعانسىز دەنەسى مەن بوكسەسىن ۇرا باستاعان.

"سودان كەيىن نۇكەنوۆانى ەدەننەن كوتەرىپ، باسىنان تاعى دا جۇدىرىقپەن ۇرىپ، شاشىنان ۇستاپ، №1 VIP بولمەسىنە قاتىگەزدىكپەن سۇيرەپ كىرگىزگەن. نۇكەنوۆا ءوز ءومىرى ءۇشىن قاتتى قورقىپ، بيشىمباەۆتىڭ اگرەسسياسىن كورىپ، VIP زالدىڭ دارەتحاناسىنا ءوزىن قاماعان. ونىڭ بۇل ارەكەتى بيشىمباەۆتى ودان سايىن اشۋلاندىرىپ، ول ەسىكتى الدىمەن قولىمەن، سوسىن مۋزىكالىق كولونكانىڭ تەمىر شتاتيۆپەن قاعا باستاعان. دارەتحانانىڭ ەسىگىن اشىپ، نۇكەنوۆانى شىعارىپ الىپ، ماقساتتى تۇردە ازاپتاپ،  ياعني ەرەكشە قاتىگەزدىكپەن جۇدىرىقپەن جانە اياقپەن ومىرلىك ماڭىزدى ورگان – باسى مەن دەنەسىنە بىرنەشە رەت سوققى بەرگەن. ول ونىڭ تاماعىنان ۇستاپ، تۇنشىقتىرا باستاعان. سونىڭ سالدارىنان نۇكەنوۆا ەسىن جوعالتتى. الايدا، ءبىراز ۋاقىتتان كەيىن نۇكەنوۆا ەسىن جيعان. مۇنى كورگەن بيشىمباەۆ ونىڭ باسىنا قايتادان بىرنەشە سوققى بەرە باستاعان جانە نۇكەنوۆانىڭ ەس-ءتۇسسىز جاتقانىنا جانە ومىرلىك بەلگىلەردىڭ جوقتىعىنا كوز جەتكىزگەن سوڭ توقتاعان", – دەدى پروكۋرور.

ەلوردا سوتىندا ءوزىنىڭ جۇبايى سالتانات نۇكەنوۆانى اسا قاتىگەزدىكپەن ءولتىردى دەپ ايىپتالعان بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىسى بويىنشا الدىن الا تىڭداۋ باستالدى.ءىستى ەلوردانىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى ايجان قۇلباەۆا قاراپ جاتىر.

داريعا ەرجانقىزى

Abai.kz