سارسەنبى, 28 شىلدە 2021
جاڭالىقتار 2689 0 پىكىر 4 جەلتوقسان, 2013 ساعات 07:57

اۋەزوۆ تەاترى - جاڭاوزەندە

م.اۋەزوۆ اتىنداعى قازاق مەملەكەتتىك اكادەميالىق دراما تەاترى 2013 جىل، 7-10 جەلتوقسان كۇندەرى  ماڭعىستاۋ وبلىسىنىڭ  جاڭاوزەن قالاسىنا گاستولدىك ساپارمەن بارماقشى. تەاتر  ديرەكتورى ەركىن تىلەۋقۇلى جۋاسبەكتىڭ باسشىلىعىمەن باراتىن تەاتر ترۋپپاسى  جاڭاوزەن حالقىنا ر.وتارباەۆتىڭ « بەيبارىس سۇلتان» (رەج.يۋ.حانينگو-بەكنازار), م.سارسەكەنىڭ «تەندەرگە تۇسكەن كەلىنشەك» (رەج.و.كەنەباەۆ),  ت.ابدىكوۆتىڭ «ۇلى مەن ۇرى» ( رەج.ە.وباەۆ، ە.نۇرسۇلتان), ي.ساپاربايدىڭ «قىز مۇڭى» (رەج.ە.وباەۆ، ت.ارالباي)  سپەكتاكلدەرىن كورسەتەدى. اۋەزوۆ تەاترىنىڭ  قويىلىمدارى  «مۇنايشى» مادەنيەت ۇيىندە، ساعات 19-00 دە باستالادى.

 

ۇلى مەن ۇرى

ت. ابدىكوۆ،

قر مەملەكەتتىك سىيلىعىنىڭ لاۋرەاتى

دراما

 

قويۋشى-رەجيسسەر  –  ە. وباەۆ، قر حالىق ءارتيسى، پروفەسسور

رەجيسسەر                -  ە. نۇرسۇلتان

قويۋشى-سۋرەتشى      - ە. تۇياقوۆ، قازاقستاننىڭ ەڭبەك سىڭىرگەن

ونەر قايراتكەرى

كومپوزيتور            - ءا. مامبەتوۆ

رەجيسسەر

م.اۋەزوۆ اتىنداعى قازاق مەملەكەتتىك اكادەميالىق دراما تەاترى 2013 جىل، 7-10 جەلتوقسان كۇندەرى  ماڭعىستاۋ وبلىسىنىڭ  جاڭاوزەن قالاسىنا گاستولدىك ساپارمەن بارماقشى. تەاتر  ديرەكتورى ەركىن تىلەۋقۇلى جۋاسبەكتىڭ باسشىلىعىمەن باراتىن تەاتر ترۋپپاسى  جاڭاوزەن حالقىنا ر.وتارباەۆتىڭ « بەيبارىس سۇلتان» (رەج.يۋ.حانينگو-بەكنازار), م.سارسەكەنىڭ «تەندەرگە تۇسكەن كەلىنشەك» (رەج.و.كەنەباەۆ),  ت.ابدىكوۆتىڭ «ۇلى مەن ۇرى» ( رەج.ە.وباەۆ، ە.نۇرسۇلتان), ي.ساپاربايدىڭ «قىز مۇڭى» (رەج.ە.وباەۆ، ت.ارالباي)  سپەكتاكلدەرىن كورسەتەدى. اۋەزوۆ تەاترىنىڭ  قويىلىمدارى  «مۇنايشى» مادەنيەت ۇيىندە، ساعات 19-00 دە باستالادى.

 

ۇلى مەن ۇرى

ت. ابدىكوۆ،

قر مەملەكەتتىك سىيلىعىنىڭ لاۋرەاتى

دراما

 

قويۋشى-رەجيسسەر  –  ە. وباەۆ، قر حالىق ءارتيسى، پروفەسسور

رەجيسسەر                -  ە. نۇرسۇلتان

قويۋشى-سۋرەتشى      - ە. تۇياقوۆ، قازاقستاننىڭ ەڭبەك سىڭىرگەن

ونەر قايراتكەرى

كومپوزيتور            - ءا. مامبەتوۆ

رەجيسسەر

كومەكشىسى          - ا.قابدەشوۆا   

سپەكتاكل وقيعاسى قارت عالىمنىڭ  ۇيىنە ۇرى تۇسۋدەن باستالادى. ءۇي يەسى پوليتسيا شاقىرۋدىڭ ورنىنا ۇرى جىگىتتى اياپ، ەكەۋارا اڭگىمە مۇلدەم باسقا قالىپ الادى. تاڭ قالعان ۇرىعا  «...ۇرلىق تەك ءۇي توناۋدان تۇرا ما ەكەن؟!» دەپ جاۋاپ بەرەدى تەلەجۋرناليستەردى كۇتىپ وتىرعان ارداگەر قارت. سۇحبات الۋعا كەلگەن  تەلەجۋرناليستىڭ جەڭىل-جەلپى، «ايتەۋىر جازىپ السام بولدى، ايتەۋىر نانىمدى جەپ جۇرسەم بولدى» دەگەندەي سىرعىما سۇراقتارى، ارداگەردىڭ «جىنىنا تيەدى». وسى تۇستا ۇيگە ارداگەردىڭ جۋرناليست ۇلى كەلەدى دە، تەلەسۇحبات اكە مەن بالا اراسىندا  ار شىندىعى، قوعام شىندىعى تۋرالى اششى پىكىرتالاس، ايتىسقا ۇلاسىپ، بىرتە-بىرتە اقيقات شەتى كورىنە باستايدى.

 كەشەدەن بۇگىنگە جالعاسقان كوكەيكەستى، كۇردەلى نەبىر ساۋالدار الدان شىعادى. جاپ-جاس جىگىت نەگە ۇرلىق جاساپ ءجۇر؟ بۇگىنگى قوعامدا ءارتۇرلى دەڭگەيدەگى ۇرى نەگە كوبەيدى؟  قوعامنىڭ قۇنارى نەگە كەمىپ بارادى؟ مۇنىڭ ءتۇپ-تامىرى نەدە؟..

 

تەندەرگە تۇسكەن كەلىنشەك

م.سارسەكە                                                                      

دراما

قويۋشى-رەجيسسەر و.كەنەباەۆ

قويۋشى-سۋرەتشى ە.تۇياقوۆ

درامادا بۇگىنگى كۇن وقيعاسى بەينەلەدى. ماشينامەن كىسى قاعىپ كەتكەن جالعىز  ۇلدارىن پارا بەرىپ سوتتان قۇتقارماق بولىپ شارق ۇرعان ەرلى-زايىپتى. اقىرى ايەلى «تەندەرگە ءتۇسىپ» ساتىلادى.  ناتيجەسىندە دراما كەيىپكەرلەرىنىڭ ءبارىنىڭ مالى تۇگەل. تەك بارىنەن تۇڭىلگەن، «نامىستان ولگەن» وتاعاسى عانا تەنتىرەپ كەتەدى...

«بالانىڭ جولىندا جان قۇربان» دەيدى اتا-انا. بىراق ، شاڭىراقتى ورتاعا تۇسىرگەن مۇنداي قۇرباندىقتا ءمان بار ما؟!.

 

قىز مۇڭى

ي.ساپارباي

ليريكالى دراما

قويىلىمنىڭ كوركەمدىك جەتەكشىسى ە.وباەۆ

قويۋشى-رەجيسسەر ت.ارالباي

قويۋشى-سۋرەتشى م.ساپاروۆ

سپەكتاكل ارقاۋى – بۇگىنگى كۇن. الماتىنىڭ ارباتىندا سۋرەت سالىپ وتىرعان عازيزگە ءوز قۇربىلارى اراسىنان دارالانا كورىنگەن ساعىنىشتىڭ ۇناپ قالۋىندا الدەبىر سىر بار. ول ساعىنىشتى الدەكىمگە ۇقساتادى. ىزعارلى جەلتوقسان وقيعاسى كەزىندە باستارىنان قيىندىق-قورلىقتى بىرگە وتكەرگەن ارۋعا ۇقسايتىنداي ما، قالاي؟!. ساعىنىشتى ىزدەۋ جولىندا سۋرەتشى كەشەگى «بۇيرىقتى ورىنداۋشى» لەيتەنانت، «بۇيرىقتى ورىنداپ ءجۇرىپ» بۇگىنگى تاڭدا شەنى وسكەن گەنەرالدىڭ الدىنان بىراق شىعادى... سىرلى دا مۇڭدى اۋەندەرمەن كومكەرىلگەن سپەكتاكلدە عازيز بەن ساعىنىشتىڭ ادامي بولمىس، ءمولدىر سەزىمدەرىنەن سىر شەرتەدى.

 

بەيبارىس سۇلتان

ر. وتارباەۆ

تاريحي دراما

قويۋشى-رەجيسسەر            - يۋ.حانينگو-بەكنازار، قر ەڭبەك سىڭىرگەن قايراتكەرى

قويۋشى-سۋرەتشى                - ە.تۇياقوۆ، قر ەڭبەك سىڭىرگەن ونەر قايراتكەرى

كيىم ۇلگىسى سۋرەتشىسى         - ل.ۆوزجەنيكوۆا

مۋزىكامەن كوركەمدەۋشى – ە.ەسەنباەۆ

بالەتمەيستار                    - گ.مۇحامەدجانوۆا

رەجيسسەر اسسيستەنتى         - م.دۇنگەشوۆ

دەشتى قىپشاق ۇلانى، ون جاسىندا جەتىم قالىپ، قۇلدىققا وزگە ەلگە ساتىلىپ كەتكەن سۇلتان از-زاحير بەيبارىس (1223-1277) - قاتارداعى قۇلدان ماملۇك مەملەكەتىنىڭ ويلى دا كەمەڭگەر بيلەۋشىسى دارەجەسىنە دەيىن كوتەرىلگەن تۇلعا.  ءوز ءومىرىنىڭ جارقىن 17 جىلىن مىسىر ەلىن گۇلدەندىرۋگە ارناعان، تاعدىرى وتە كۇردەلى، قاراما-قايشىلىقتى جانە مازمۇندى  تۇلعا.  قانشالىقتى بيىك اتاق-داڭق پەن اسا زور بيلىك الەۋەتىنە يە بولسا دا  بەيبارىس بابامىزدىڭ  جۇرەگىن ماڭگىلىك ءبىر ساعىنىش سىزداتىپ وتكەن. تۋعان ەل-جەرىنە، سايىن دالاسىنا،  جۋساننىڭ اشقىلتىم يىسىنە دەگەن سول ساعىنىش – سپەكتاكلدىڭ دە نەگىزگى لەيتموتيۆى. «وزگە ەلدە سۇلتان بولعانشا، ءوز ەلىڭدە ۇلتان بول»  دەگەندى حالىق بەكەر ايتپاسا كەرەك...

بەيبارىس سۇلتان- ازامات ساتىبالدى

ءۋازىر-بەكجان تۇرىس

قالاۋىن-ەركەبۇلان دايىروۆ

قۇتىز-الماس شاياحمەتوۆ

0 پىكىر