ەندى eGov ەلەكتروندى ۇكىمەت پورتالىندا اۆتوكولىكتەن كەپىلدى تىركەۋ جانە الىپ تاستاۋ قىزمەتى قولجەتىمدى بولادى. قازىرگى ۋاقىتتا جوبا دايىندالۋدا، دەپ حابارلادى الماتى پوليتسيا دەپارتامەنتى.

"قازىرگى تاڭدا "جىلجىمالى مۇلىككە كەپىلدى تىركەۋ تۋرالى" زاڭنىڭ تالاپتارىنا سايكەس كولىك قۇرالدارىنداعى كەپىلدەر قازاقستان رەسپۋبليكاسى ىشكى ىستەر مينيسترلىگىنىڭ اۋماقتىق بولىمشەلەرىندە تىركەلەدى. ءتيىستى ورگاندار بەرگەن قۇجاتتاردى العان كۇننەن باستاپ ەكى جۇمىس كۇنى ىشىندە قازاقستان رەسپۋبليكاسى ىشكى ىستەر مينيسترلىگىنىڭ بىرىڭعاي اقپاراتتىق جۇيەسىندەگى دەرەكتەر بازاسىنا شەكتەۋلەر قوسىلادى جانە الىنىپ تاستالادى. سونداي-اق، پيلوتتىق جوبا بويىنشا كەيبىر ەكىنشى دەڭگەيلى بانكتەر كەپىلدى ەلەكتروندى تۇردە تىركەپ، الىپ تاستايدى", – دەپ جازىلعان ساۋالعا جاۋاپتا.

بۇگىنگى تاڭدا مۇلىكتەن كەپىلدى الىپ تاستاۋدىڭ اۆتوماتتاندىرىلعان پروتسەسى تەك ءتورت بانكتە جۇمىس ىستەيدى: "وتباسى بانكى" اق، "بانك تسەنتركرەديت" اق، "قازاقستان حالىق بانكى" اق جانە "Bank Freedom Finance Kazakhstan" اق. تاعى ءتورت ەكىنشى دەڭگەيلى بانكتەرمەن سىناق جۇمىستارى جۇرگىزىلۋدە.

Abai.kz