قازىر نازارباەۆ كەزىندە اتقا ءمىنىپ، جىلىكتىڭ مايلى باسىن ۇستاعانداردىڭ بايلىعىنىڭ قانشا جانە قايدا ەكەندىگىنە قاتىستى جۋرناليستىك زەرتتەۋلەر جۇرگىزىلە باستادى.

«ۆلاست» باسىلىمىنا سەنەر بولساق، نازارباەۆ، نىعماتۋلين جانە باسقا دا «ەسكى قازاقستاندىقتاردىڭ» تۋىستارىنىڭ كوپتەگەن اكتيۆتەرى دۋبايدان تابىلىپ وتىر.

سونىمەن «ۆلاست» باسىلىمى نە تاپتى؟ سول جايىندا تارقاتا ءسوز ەتەتىن بولساق:

اسەل قۇرمانباەۆا تۋرالى:

* قىزمەت ءتۇرى - «استانا بالەت» تەاترىنىڭ ارت-مەنەدجەرى.

* تۋىستىق بايلانىستار - بۇرىنعى پرەزيدەنت نۇرسۇلتان نازارباەۆتىڭ جۇبايى.

- دۋبايداعى Palm Jumeirah اۋدانىندا ەليتالىق جىلجىمايتىن مۇلىگى جانە ءساندى قوناق ۇيلەرى بار جاساندى ارالداعى جىلجىمايتىن مۇلىكى: 270 مىڭ دوللار تۇراتىن پاتەر.

«2000 جىلدارى قۇرمانباەۆا نۇرسۇلتان نازارباەۆتىڭ اينالاسىنداعى ادامداردان وفشور ارقىلى $30 ملن العانى»، - جايلى ايتىلعان.

نۇرلان نىعماتۋلين تۋرالى:

ەگەر ەكس-پرەزيدەنتتەن تەك ءبىر عانا پاتەر تابىلسا، ءماجىلىستىڭ ەكس-سپيكەرى نۇرلان نىعماتۋليننىڭ ايەلى ۆەنەرا بايمىرزاەۆادان ونداعان جىلجىمايتىن مۇلىك نىسانى تابىلعان.

ۆەنەرا بايمىرزاەۆا تۋرالى:

* كاسىبى - كاسىپكەر.

* تۋىستىق بايلانىستار - ءماجىلىستىڭ بۇرىنعى سپيكەرى نۇرلان نىعماتۋليننىڭ ايەلى.

- دۋبايداعى جىلجىمايتىن مۇلىك: جالپى قۇنى $4,3 ملن استام 50-دەن استام جىلجىمايتىن مۇلىك نىسان.

قازاق بۇنى ارينە «توقالداردىڭ تويتاڭى»، دەيدى. ءيا بۇل ءتىزىمدى سوزا بەرۋگە بولادى.

- سوتتالعان جانە قاماۋ ورىندارىندا جازاسىن وتەپ جۇرگەن نازارباەۆتىڭ نەمەرە ءىنىسى قايرات ساتىبالدىعا تيەسىلى قۇنى 2,2 ملن دوللار تۇراتىن بەس پاتەر;

- شىعىس قازاقستان وبلىسىنىڭ ەكس-اكىمى دانيال احمەتوۆتىڭ ۇلى تالعات احمەتوۆكە تيەسىلى قۇنى 1,6 ملن دوللار تۇراتىن ۆيللا;

- تۇركىستان وبلىسىنىڭ بۇرىنعى اكىمى ومىرزاق شوكەەۆتىڭ اعاسى سەرىك ەستاي ءوزىنىڭ جۇبايى ايجان اسانوۆامەن بىرگە جالپى قۇنى شامامەن 1,7 ملن دوللار بولاتىن 8 پاتەر ت.ب.

ەگەر وسى اقشالار بىزدەگى زاۋىت پەن فابريكا سالۋعا جۇمسالاتىن بولسا، حالىقتا «ەسكى قازاقستاندىقتاردىڭ» ەركەلىگىنە ءبىرشاما تۇسىنىستىكپەن قارار-ما ەدى؟..

Abai.kz