جۇما, 19 شىلدە 2024
اقمىلتىق 1358 9 پىكىر 17 ماۋسىم, 2024 ساعات 12:15

ۇكىمەتتىڭ تۇك تىندىرا الماي وتىرۋى – ۋزۋرپاتسيانىڭ كەسىرى!

كوللاج سۋرەتتەرى Abai.kz, umto.kz, el.kz سايتتارىنان الىندى

متقب «پارلامەنتاريزم ينستيتۋتى»
شجق رمك ديرەكتورى ق.ب.سافينوۆكە!

قۇرمەتتى قاناتبەك بەيسەنبەكۇلى!

مەنىڭ «قازاقستان – ۋزۋرپاتسيالانعان مەملەكەت» اتتى كولەمدى ماقالاما بايلانىستى ءسىزدىڭ اتىڭىزعا جازعان حاتىما (جت-2024-03976506) بەرگەن جاۋاپتارىڭىزدى الدىم.

اتالعان جاۋاپتا: «ماتەريالدىق-تەحنيكالىق قامتاماسىز ەتۋ باسقارماسىنىڭ «پارلامەنتاريزم ينستيتۋتى» شجق رمك جارعىسىنا سايكەس ءسىزدىڭ وتىنىشىڭىزدە قوزعالعان ماسەلەلەر پارلامەنتاريزم ينستيتۋتىنىڭ قۇزىرەتىنە جاتپايدى»، - دەپتى، ءسىزدىڭ ورىنباسارىڭىز ب.بەكجانوۆ مىرزا.

مەن ب.بەكجانوۆ مىرزانىڭ بۇل جاۋابىمەن مۇلدە كەلىسپەيمىن!

سەبەبى، ءسىز باسقارىپ وتىرعان پارلامەنتاريزم ينستيتۋتى قىزمەتىنىڭ ءبىر تارماعى – مەملەكەتتىك باسقارۋدىڭ تيىمدىلىگىن ارتتىرۋدىڭ قۇقىقتىق تاسىلدەرىن زەردەلەۋ ەكەنى «ينستيتۋت تۋرالى مالىمەتتە» جازۋلى تۇر.

ەندەشە، مەن جاريالاعان «قازاقستان – ۋزۋرپاتسيالانعان مەملەكەت» اتتى كولەمدى ماقالادا تۇپ-تۋرا وسى مەملەكەتتىك باسقارۋدىڭ تيىمدىلىگىنە قاتىستى ماسەلە كوتەرىلىپ وتىر.

قاراڭىز، قولدانىستاعى «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنىڭ 1-بابىنىڭ 2) تارماعىندا قازاقستان رەسپۋبليكاسىنىڭ ۇلتتىق كاسىپكەرلەر پالاتاسى (بۇدان ءارى – ۇلتتىق پالاتا) – قازاقستان رەسپۋبليكاسىنىڭ بيزنەس قوعامداستىعى مەن مەملەكەتتىك بيلىك ورگاندارى اراسىندا كاسىپكەرلىك باستامانى ىسكە اسىرۋ جانە ءوزارا ءتيىمدى ارىپتەستىكتى دامىتۋ ءۇشىن قولايلى قۇقىقتىق، ەكونوميكالىق جانە الەۋمەتتىك جاعدايلار جاساۋدى قامتاماسىز ەتۋ، سونداي-اق دارا كاسىپكەرلەردىڭ جانە (نەمەسە) زاڭدى تۇلعالاردىڭ قاۋىمداستىق (وداق) نىسانىنداعى بىرلەستىكتەرىنىڭ (بۇدان ءارى – قاۋىمداستىق (وداق) قىزمەتىن ىنتالاندىرۋ جانە قولداۋ ماقساتىندا قۇرىلعان، كاسىپكەرلىك سۋبەكتىلەرى وداعىن بىلدىرەتىن كوممەرتسيالىق ەمەس ۇيىم»، - دەپ جازىلعان.

دەمەك، «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» – كوممەرتسيالىق ەمەس ۇيىم. بۇل – «ۇكىمەتتىك ەمەس ۇيىم ء(ارى قاراي ۇەۇ)» دەپ اتالادى.

ال، 2022 جىلعى 21 ساۋىردەگى اقپارات بويىنشا، ەلىمىزدەگى ۇكىمەتتىك ەمەس ۇيىمداردىڭ سانى شامامەن 22 مىڭعا جەتكەن. «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى» – سول 22 مىڭ ءۇمۇ-نىڭ ءبىرى.

جانە وسى ۇكىمەتتىك ەمەس ۇيىمداردىڭ قىزمەتىن رەتتەۋگە ارنالعان «كوممەرتسيالىق ەمەس ۇيىمدار تۋرالى» قازاقستان رەسپۋبليكاسىنىڭ 2001 جىلعى 16 قاڭتارداعى N142 زاڭى بار.

ءبىر قىزىعى، ۇكىمەتتىك ەمەس ۇيىمداردىڭ قىزمەتىن رەتتەۋگە ارنالعان وسىنداي ورتاق زاڭ بولا تۇرىپ، «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى» كوممەرتسيالىق ەمەس ۇيىمىنا ەرەكشە قۇزىرەت بەرگەن «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭى نە ءۇشىن قابىلدانعان؟!

جانە، اتالعان «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭىنداعى جانە قازاقستان رەسپۋبليكاسىنىڭ وزگە دە زاڭنامالىق اكتىلەرىندە كوزدەلگەن، رەسپۋبليكالىق دەڭگەيدە ىسكە اسىرىلاتىن جانە قازاقستان رەسپۋبليكاسىنىڭ پارلامەنتىمەن، قازاقستان رەسپۋبليكاسىنىڭ ۇكىمەتىمەن، ورتالىق مەملەكەتتىك ورگاندارمەن ءوزارا ءىس-قيمىلدى بولجايتىن فۋنكتسيالاردى 2013 جىلدىڭ 04 شىلدەسىنەن بەرى وسى ۇلتتىق پالاتا جۇزەگە اسىرىپ كەلگەن جوق پا؟

سونداي-اق، وسى زاڭدا جانە قازاقستان رەسپۋبليكاسىنىڭ وزگە دە زاڭنامالىق اكتىلەرىندە كوزدەلگەن، اۋماقتىق دەڭگەيدە ىسكە اسىرىلاتىن جانە جەرگىلىكتى وكiلدi جانە اتقارۋشى ورگاندارمەن، جەرگىلىكتى ءوزىن-ءوزى باسقارۋ ورگاندارىمەن ءوزارا ءىس-قيمىلدى بولجايتىن فۋنكتسيالاردى وڭىرلىك پالاتالار جۇزەگە اسىرىپ كەلگەنى وتىرىك پە؟!.

ول از دەسەڭىز، وسى زاڭدا جانە قازاقستان رەسپۋبليكاسىنىڭ وزگە دە زاڭنامالىق اكتىلەرىندە كوزدەلگەن، حالىقارالىق دەڭگەيدە ىسكە اسىرىلاتىن جانە شەتەلدىك جانە حالىقارالىق ۇيىمدارمەن ءوزارا ءىس-قيمىلدى بولجايتىن فۋنكتسيالاردى، سونداي-اق كاسىپكەرلەردىڭ سىرتقى ەكونوميكالىق قىزمەتىنىڭ دامۋىنا جاردەمدەسۋ جانە قازاقستان رەسپۋبليكاسىنىڭ ەكونوميكاسىنا ينۆەستيتسيالار تارتۋ جونىندەگى فۋنكتسيالاردى ۇلتتىق پالاتا، سونداي-اق شەت مەملەكەتتىڭ اۋماعىنداعى فيليالدارى مەن وكىلدىكتەرى ارقىلى جانە (نەمەسە) ول قۇرىلتايشى رەتىندە قاتىساتىن زاڭدى تۇلعا جۇزەگە اسىردى ەمەس پە؟!

قىسقاسى، «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭى ارقىلى ۇكىمەتتىك، جەرگىلىكتى، ءتىپتى حالىقارالىق دەڭگەيدەگى  ەكونوميكاعا قاتىستى بارلىق فۋنكتسيالاردى جۇزەگە اسىرۋ تەتىگىن تيمۋر قۇلىباەۆتىڭ ءوز شەڭگەلىنە الىپ العانىن اتالعان زاڭنىڭ 8-بابى تايعا باسقان تاڭباداي انىق كورسەتىپ تۇر.

قۇرمەتتى قاناتبەك بەيسەنبەكۇلى!

ايتىڭىزشى، سوندا قازاقستان رەسپۋبليكاسىنىڭ ۇكىمەتى بايقۇس جۇزەگە اسىراتىن نە قالدى؟!

ۇكىمەتتىڭ تىپىرلاپ، تۇك تىندىرا الماي وتىرۋى — وسى ۋزۋرپاتسيانىڭ كەسىرى.

بۇل ۋزۋرپاتسيا مەملەكەتتىڭ دامۋىنا تۇساۋ بولۋمەن بىرگە، پرەزيدەنتتىڭ تاريحي ورنىنا دا اسەر ەتكەلى تۇر.

«مەملەكەتتىك باسقارۋدىڭ تيىمدىلىگىن ارتتىرۋدىڭ قۇقىقتىق تاسىلدەرىن زەردەلەۋ» دەگەن قىزمەتىن باسشىلىققا الا وتىرىپ، پارلامەنتاريزم ينستيتۋتى «قازاقستان – ۋزۋرپاتسيالانعان مەملەكەت» اتتى ماقالادا كوتەرىلگەن ۋزۋرپاتسيا ماسەلەسىن زەردەلۋگە جانە وعان ءوز باعاسىن بەرۋگە مىندەتتى دەپ ەسەپتەيمىن.

​ەگەر، ءوتىنىشىم ورىندالماعان جاعدايدا سوتقا جۇگىنۋىم مۇمكىن...

ەسكەرتۋ: ەرلان قوشانوۆقا-2 جازىلعان حات، قوسا تىركەلدى. قالعان قوسىمشا ماقالا مەن حاتتار بۇرىنعى (جت-2024-03976506) حاتتان الىڭىز...

قۇرمەتپەن،

اۋىت مۇقيبەك،

«ەرەن ەڭبەگى ءۇشىن» مەدالىنىڭ،

«قۇرمەت» وردەنىنىڭ يەگەرى

Abai.kz

9 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1291
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2023
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2075