ءماجىلىس دەپۋتاتتارى، «AMANAT» پارتياسى فراكتسياسىنىڭ مۇشەلەرى ۇلىقبەك تۇماشينوۆ پەن ەرلان سايروۆ پ شەكارالىق شەمونايحا اۋدانىنىڭ تۇرعىندارىمەن كەزدەستى. وندا وڭىردەگى ينفراقۇرىلىمدى دامىتۋ ماسەلەلەرى كوتەرىلدى.

اتاپ ايتقاندا، تۇرعىنداردى «شەمونايحا – وسكەمەن» تاس جولىن جوندەۋ ماسەلەسى، ءۇبى وزەنى ارقىلى وتەتىن اۆتوموبيل كوپىرىن جوندەۋ، ينتەرنەت بايلانىسىنىڭ ساپاسى جانە باسقا دا ماسەلەلەر تولعاندىرۋدا.

– ءبىزدىڭ قالامىز كىشكەنتاي، مۇندا شامامەن 20 مىڭ ادام تۇرادى. بىراق ءبىز دە كەز كەلگەن باسقا قالا سياقتى ساپالى مەديتسينالىق قىزمەتكە مۇقتاجبىز. ءبىزدىڭ اۋداندىق اۋرۋحانانىڭ عيماراتى 1968 جىلى سالىنعان. ال سوڭعى كۇردەلى جوندەۋ جۇمىستارى 10 جىلعا جۋىق ۋاقىت بۇرىن جۇرگىزىلگەن. ىشىنە كىرۋگە قورقاسىڭ. قازىر دارىگەرلەرگە كوتەرمە جاردەماقى تولەنەتىنى بەلگىلى بولدى، سوندىقتان بىزدە دە بىلىكتى دارىگەرلەر سانى ارتادى دەپ ۇمىتتەنەمى، – دەدى جەرگىلىكتى تۇرعىن ۆالەنتين اليفانوۆ.

دەپۋتات ەرلان سايروۆ دەنساۋلىق ساقتاۋ ماسەلەلەرى بويىنشا زاڭنامالىق تۇزەتۋلەرگە سايكەس اۋىلعا كەلگەن مەديتسينا قىزمەتكەرلەرى 100 ەتج مولشەرىندە بىرجولعى تولەم الاتىنىن اتاپ ءوتتى (بۇل 2024 جىلعى ەسەپتەۋ بويىنشا 8,5 ملن تەڭگە). سونداي-اق بالاباقشالارعا قابىلداۋ كەزىندە مەديتسينا قىزمەتكەرلەرىنىڭ بالالارى ءۇشىن باسىمدىلىق قاراستىرىلعان، دارىگەرلەرگە قاتىستى قۇقىقتىق قورعاۋ كۇشەيتىلگەن جانە تاعى باسقالار بار. بۇل جۇمىس «AMANAT» پارتياسىنىڭ سايلاۋالدى باعدارلاماسىن ىسكە اسىرۋ اياسىندا جۇرگىزىلەدى جانە جەرگىلىكتى جەرلەردە مەديتسينالىق كادرلاردىڭ تاپشىلىعىن جۇيەلى تۇردە شەشۋگە مۇمكىندىك بەرەدى.

ماجىلىسمەندەردىڭ ايتۋىنشا، مۇنداي كەزدەسۋلەر وتە ماڭىزدى. سەبەبى، وسىنداي جۇزدەسۋلەر بارىسىندا حالىق قالاۋلىلارى پرەزيدەنت تاپسىرمالارى مەن سايلاۋالدى باعدارلاماسىنىڭ ورىندالۋ بارىسىن قاداعالاپ قانا قويماي، تۇرعىنداردى تولعاندىرعان ماسەلەلەرگە قۇلاق ءتۇرىپ، جەرگىلىكتى بيلىكتىڭ سول پروبلەمالاردى شەشۋىنە ىقپال ەتەدى.

– مەملەكەت باسشىسى قاسىم-جومارت توقاەۆ اۋىلدىق اۋماقتاردى جانە شەكارالىق اۋدانداردى دامىتۋعا ەرەكشە نازار اۋدارادى. باستى ماقسات – حالىقتىڭ كوشۋىن ازايتۋ، ادامداردىڭ ءومىر سۇرۋىنە قولايلى جاعداي جاساۋ، شەكارالىق اۋدانداردىڭ ەكونوميكالىق دامۋىنا جاڭا سەرپىن بەرۋ. بۇل – «AMANAT» پارتياسىنىڭ سايلاۋالدى باعدارلاماسىنىڭ ماڭىزدى باعىتى. بارلىق كوتەرىلگەن ماسەلەلەردى ەرەكشە باقىلاۋعا الامىز. اتاپ ايتقاندا، بيىل شەمونايحا مەن وسكەمەن اراسىنداعى ساپالى زاماناۋي جولدىڭ قۇرىلىسىنا تەندەر وتكىزىلەدى، – دەدى ەرلان سايروۆ.

سونىمەن قاتار حالىق قالاۋلىلارى شەمونايحا قالاسىنداعى مەكتەپ قۇرىلىسىنىڭ بارىسىمەن تانىستى. وقۋ ورنى 300 ورىنعا ەسەپتەلگەن، ونى وسى جىلدىڭ سوڭىنا دەيىن پايدالانۋعا بەرۋ جوسپارلانۋدا. نىسان «جايلى مەكتەپ» ۇلتتىق جوباسى اياسىندا سالىنىپ جاتىر.

– ساپالى ءبىلىم ەلىمىزدىڭ ءاربىر بالاسىنا، ول ۇلكەن قالادا نەمەسە اۋىلدا تۇرسا دا، قولجەتىمدى بولۋى ءتيىس. ايماقتىق تەڭسىزدىكتەر بىرتىندەپ جويىلۋدا. سوندىقتان دەپۋتاتتار «جايلى مەكتەپ» جوباسىنىڭ جۇزەگە اسىرىلۋىن باقىلايدى. بۇگىن كەزدەسۋلەر شەمونايحا قالاسىندا باستالدى، ءارى قاراي باسقا اۋدانداردا دا جالعاسادى»، – دەيدى ءماجىلىس دەپۋتاتى ۇلىقبەك تۇماشينوۆ.

ايتا كەتۋ كەرەك، دەپۋتاتتار قازاقستان رەسپۋبليكاسى مەن رەسەي فەدەراتسياسىنىڭ شەكاراسىنداعى شەكارا باقىلاۋ-وتكىزۋ پۋنكتىنىڭ جۇمىسىمەن دە تانىستى. حالىق قالاۋلىلارى قولدانىستاعى جابدىقتاردى جاڭارتۋ، اسكەري قىزمەتشىلەردى قامتاماسىز ەتۋدى جاقسارتۋ جانە وتكىزۋ پۋنكتتەرىن جاڭعىرتۋ ماسەلەلەرىن باقىلاۋعا الدى.

ءماجىلىستىڭ ءباسپاسوز قىزمەتى

(«AMANAT» پارتياسىنىڭ ءباسپاسوز قىزمەتىنىڭ ماتەريالدارى بويىنشا)

Abai.kz