كەرەكۋدەن كورنەكتى اقىن، اۋدارماشى عالي ورمانۇلىنىڭ
1948 جىلى ا.بايتۇرسىنۇلى قارپىندە جارىق كورگەن
 «ءومىر داستانى» اتتى كىتابى تابىلدى.

اقىن، جازۋشى، اۋدارماشى، جۋرناليست عالي ورمانوۆتىڭ «ءومىر داستانى» اتتى كىتابىنىڭ تانىستىرىلىمى وتەدى. كورنەكتى قالامگەردەن مۇرا بولىپ قالعان بۇل جادىگەردىڭ ەرەكشەلىگى، كىتاپتىڭ تۇپنۇسقاسى ەلىمىزدىڭ وزگە كىتاپحانالارى مەن مۋزەيلەرىندە ساقتالماعان. جادىگەردى پاۆلودار وبلىستىق  بۇقار جىراۋ اتىنداعى ادەبيەت جانە ونەر مۋزەيى جەرگىلىكتى مۋزەيگە قالامگەردىڭ جيەنى تارتۋ ەتتى.

كىتاپ اراب گرافيكاسىندا 1948 جىلى جارىق كورگەن. باسىلىپ شىققان ورنى - قازاقتىڭ مەملەكەتتىك باسپاحاناسى، «قازاق ەلى» جۋرنالىنىڭ باسپاسى دەپ كورسەتىلگەن. جيناقتا اقىننىڭ ولەڭدەرى توپتاستىرىلىپ بەرىلگەن. اتاپ ايتقاندا، «انا ساباعى» داستانى، «العاشقى ادىم»، «جولدا»، «قۋانىش»، «ءبىزدىڭ اۋىل»، «تەمىر ات»، «شەڭبەر»، «انا تولعاۋى»، «قىرماندا»، «ۇستاز»، «ءبىزدىڭ زامان» جانە تاعى باسقا ولەڭدەرى باسىلعان.

جادىگەردى اقىننىڭ جيەن-نەمەرەسى ايدار قىرىقبايۇلى مۋزەيگە اماناتتاپ وتىر.

عالي ورمانوۆ (1907-1978 جىلدار ارالىعىندا ءومىر سۇرگەن) - بۇكىل سانالى عۇمىرىن ۇلتتىق ادەبيەتىمىزدىڭ ءوسىپ-وركەندەۋىنە، قازاق پوەزياسىنىڭ دامۋىنا ەرەكشە ۇلەس قوسقان اقىن. ورىستىڭ، شىعىستىڭ كلاسسيكالىق ۇلگىلەرىن اۋدارىپ، قازاق ادەبيەتى سالاسىنا ولشەۋسىز ۇلەس قوسقان اۋدارماشى، اسا قۇندى ەڭبەكتەر جازعان قاجىرلى تۇلعا. ونىڭ قالامىنان قازاق ادەبيەتىنە، قازاق رۋحانياتىنا اينالعان ولەڭدەر جيناقتارى، پوەمالارى، جىر كىتاپتارى، پروزالىق جيناقتارى جارىق كورىپ، ادەبيەتىمىزدىڭ التىن قازىناسىنا اينالعان.

ەربول قايىروۆ، پاۆلودار وبلىستىق بۇقار جىراۋ اتىنداعى ادەبيەت جانە ونەر مۋزەي باسشىسى

بۇل مۋزەيىمىزدىڭ قورىن تولىقتىرىپ وتىرعان كىتاپتاردىڭ ءبىرى. اقىن جازۋشى، عالي ورمانوۆتىڭ كىتابى. ءبىزدىڭ ممۋزەيگە تابىستىرىپ وتىرعان ءوزىنىڭ جيەنى ايدار قىرىقباي. ءوزىنىڭ 22 جاسىنان باستاپ جازعان ولەڭدەرى جيناقتالىپ جالپى 48 جىلى شىققان كىتاپ.

عالي ورمانوۆتىڭ اۋدارما سالاسىنا سىڭىرگەن ەڭبەگى وراسان زور. ول قىرعىزدىڭ «ماناس» ەپوسىنىڭ ءبىرىنشى كىتابىن، ا.پۋشكيننىڭ «مىس سالت اتتى» تۋىندىسىن قازاق تىلىنە اۋدارعان. عالي ورمانوۆتىڭ ءوزى كەزىندە ورىس، شىعىس كلاسسيكتەرىنىڭ ولەڭدەرىن اۋدارعان. قازاق ادەبيەتىنە دە ءوز ۇلەسىن قوسىپ، جىر الەمىندە دە بەدەلى بار. جالپى ءتىپتى سوناۋ جامبىل جاباەۆتىڭ قاسىندا ءجۇرىپ ءيا، جازىپ وتىرعان كۇندەلىگى بولدى عوي. سول بۇل كىتاپپەن بەرگى بىزگە كۇندەلىكتەردە كەلدى.بىراق كۇندەلىكتەردى وقىپ زەرتتەپ جاتىرمىز. ول لاتيىن ارپىمەن جازىلعان، ونى جامبىل اعامىزدىڭ مەرەيتويىنا شىعارامىز دەپ وتىرمىز.

مۋزەي مۇراعاتتارى جالپى رەسپۋبليكا بويىنشا كوپتەگەن اسىل مۇرالارىمىزدى جيناپ، كورمە ەتىپ ۇسىنۋدا. ال عالي ورمانوۆتىڭ بۇدان باسقا قولجازبالارى مۇراعاتتا جوق. بىراق مۋزەي قىزمەتكەرلەرىنىڭ سوزىنشە ۇرپاق ساباقتاستىعى ءۇشىن الداعى ۋاقىتتاردا باسقا دا جادىگەرلەرمەن تولىقتىرۋ جوسپارلانۋدا.

Abai.kz