قازان ايىندا ەلشى رەتىندە قازاقستانعا كەلگەنىنە ەكى جىل تولاعالى وتىرعان اقش-تىڭ قازاقستانداعى ەلشىسى دەنيەل روزەنبليۋم قازتاگ اگەنتتىگىنە بەرگەن سۇحباتىندا: «ءبىز توقاەۆتىڭ رەسەيگە قارسى سانكتسيالار ماسەلەسىندەگى ۇستانىمىن قۇرمەتتەيمىز»، - دەپ ايتتى.

قازاقستاننىڭ رەسەيمەن ساۋدا-ەكونوميكالىق تىعىز قارىم-قاتىناسىنا بايلانىستى اقش-تىڭ جانە باتىستىڭ رەسەيگە قارسى سانكتسيالارىنا ءتۇسۋ قاۋپى قانشالىقتى جوعارى؟ قازاقستان مەن اقش اراسىنداعى بايلانىستار قانداي؟ بۇل تۋرالى ەلشى روزەنبليۋم نە دەيدى؟ قاراڭىز:

دەنيەل روزەنبليۋم

- رەسەيگە سالىنعان سانكتسيالار قازاقستانعا تىكەلەي باعىتتالماعان. ولار رەسەيدىڭ اگرەسسيۆتى ارەكەتتەرىنىڭ سالدارىنا، حالىقارالىق قۇقىقتىڭ بۇزىلۋىنا جانە ۋكرايناعا تولىققاندى باسىپ كىرۋىنە بايلانىستى. بىراق، ارينە، ءبىز ولاردىڭ قازاقستان سياقتى ەلدەرگە جاناما سالدارى بار ەكەنىن مويىندايمىز.

ءبىز قازاقستان رەسپۋبليكاسىنىڭ ۇكىمەتىمەن جاراسىمىدى ديالوگتامىز جانە ءبىز پرەزيدەنت توقاەۆتىڭ باسى اشىق ۇستانىمىن قۇرمەتتەيمىز. ول قازاقستاننىڭ رەسەيگە قاتىستى ەشقانداي سانكتسيا قولدانبايتىنىن مالىمدەدى. قازاقستان ءوز تاراپىنان حالىقارالىق سانكتسيالاردى ساقتايدى جانە قۇرمەتتەيدى.

سونداي-اق قازاقستان جاعى ءوزىن وسى سانكتسيالاردان جالتارۋعا نەمەسە اينالىپ وتۋگە ارنالعان پلاتفورما ەتپەۋگە مىندەتتەنەدى.

مەن وسىندا جۇمىس ىستەگەن ەكى جىل ىشىندە سانكتسيالاردىڭ مۇنداي ىقپالىن بولدىرماۋ ءۇشىن قازاقستان رەسپۋبليكاسىنىڭ ۇكىمەتىمەن، بيزنەس، بانك سەكتورىنىڭ وكىلدەرىمەن وسى تاقىرىپ بويىنشا ءوزارا وتە كوپ ءىس-قيمىلدار جاسادىق.

ءبىرىنشى كەزەكتە وسى سانكتسيالارعا ۇشىراعان رەسەي فەدەراتسياسىنىڭ ۇيىمدارى تۋرالى اقپارات بەرىلىپ، بۇدان باسقا وسى سانكتسيالار قولدانىلاتىن ەرەجەلەر بويىنشا ءتۇسىندىرۋ جۇمىستارى جۇرگىزىلدى.

سوڭعى جىلى ءبىز جۇمىس ىستەگەن ەكى باعىتتى اتاپ وتەتىن بولساق: ءبىرىنشىسى - اقش-تان نەمەسە ەۋروپادان كەلەتىن اسكەري ماقساتتا پايدالانىلۋى مۇمكىن تاۋارلاردىڭ، ياعني، قوسار ماقساتتاعى تاۋارلار دەپ اتالاتىن تاۋارلاردىڭ كەرى ەكسپورتى. اقش پەن ەۋروپا وسى ءتىزىمدى بىرلەسىپ ازىرلەدى. ءبىز بىرىڭعاي ءتىزىمدى پايدالانامىز. ول قازاقستان رەسپۋبليكاسىنا بەرىلدى جانە ول مۇنداي تاۋەكەلدەن باستى الا قاشۋعا مۇمكىندىك بەرەدى.

مەن بۇل جەردە اتاپ وتكىم كەلەتىن ەكىنشى نارسە، قازاقستاندىق كومپانيالاردىڭ كەيبىرەۋلەرى بۇرىن رەسەيدە بولعان وتكىزۋ نارىعىنان ايرىلعاندىقتان زارداپ شەككەنى. ەندى ول جاققا ءوز تاۋارلارىن ساتا المايتىندىعى. وسىعان بايلانىستى ءبىز جوعالعان نارىقتارعا بالاما ىزدەۋدە قازاقستان ۇكىمەتىمەن ديالوگ جۇرگىزۋدەمىز. بۇل ايتارلىقتاي كۇردەلى، كوپفاكتورلى پروبلەما، بىراق كەز كەلگەن جاعدايدا قازاقستان ءۇشىن وسى تاۋەكەلدەردى جۇمسارتۋعا دەگەن ءبىزدىڭ نيەتىمىزدى تاعى دا اتاپ وتەيىن، سەبەبى بولعان وقيعا قازاقستاننىڭ كىناسى ەمەس.

Abai.kz