قويناۋى قازبا بايلىققا تولى اباي وبلىسىندا  قاراجىرا، جەزكەنت، اقتوعاي سىندى تاۋ-كەن ءوندىرىس ورىندارى تەك وسى ءوڭىردىڭ عانا ەمەس، بۇكىل ەلىمىزدىڭ تۇرعىندارىن جۇمىسپەن قامتىپ وتىر.

كەنشىلەر مەرەكەسى قارساڭىندا پوليۋس ارسەنال كومپانياسىنىڭ باسشىلارىنىڭ ءبىرى بازارباەۆ ەربولات تاڭىربەرگەنۇلىمەن جولىعىسۋدىڭ ءساتى ءتۇستى. اڭگىمە وسى كەن ورنىنىڭ ومىرىگە كەلۋ تاريحى مەن بۇگىنگى كۇنىنە قاتىستى ءوربىدى.

سول سەبەپتى،  ەربولات تاڭىربەرگەنۇلىنىڭ جەزكەنت جايىندا ءسوز ەتكەن شەجىرەلىك بايانىن سول كۇيىندە بەرمەكپىز. كسرو كەزىندە التاي ەكسپەديتسياسىنىڭ باس گەولوگى لەونيد يۆانوۆيچ پانكۋل ورلوۆ وندىرىستىك كەشەنىنىڭ تاريحىندا ۇلكەن ۇلەس قوسىپ،  XX عاسىردىڭ 50-ءشى جىلدارى العاشقى رۋدا وندىرىلە باستادى. 1961 جىلى قازاق كسر-نىڭ مەملەكەتتىك جوسپارىندا ورلوۆ كەن ورنىن بارىنشا كەڭەيتۋ جۇمىستارى قولعا الىنعان باعدارلاما قابىلداندى.

اتالعان كەنىشتىڭ قۇرىلىسى 1964 جىلى باستالىپ، 1974 جىلى قازكسر رەسپۋبليكانىڭ ءتۇستى مەتاللۋرگيا مينيسترلىگىنىڭ بۇيرىعىمەن ورلوۆ كومبيناتى دەربەس كاسىپورىن بولىپ قالىپتاستى. اراعا ءبىر جىل سالىپ، 1975 جىلى كەنشىلەردىڭ ءوتىنىشى بويىنشا ورلوۆ كەنىنىنە «جەزكەنت» اتاۋى بەرىلدى. تاپ قازىر ءتۇرلى كومپيالار ىستەپ جۇرگەن وسىنداعى كاسىپورىن – جەزكەنت تاۋ-كەن بايىتۋ كومبيناتى دەپ اتالدى.

پوليۋس ارسەنال – جەزكەنت تاۋ-كەن بايىتۋ كومبيناتىنىڭ ءبىر كۇرە تامىرى بولىپ تابىلادى. كومپانيا  2011 جىلى 9 اقپاندا ومىرگە كەلدى. سودان بەرى ءوز كەنشىلىك ءومىرىن جەزكەنتپەن بايلانىستىرىپ كەلەدى. قازىر پوليۋس ارسەنال 200-دەن اسا ادامعا جۇمىس تاۋىپ بەرىپ وتىر.

پوليۋس ارسەنال جاڭا تەحنولوگيا مەن كەنشىلەر ءبىلىمىن كوتەرىپ، كاسىبي شەبەرلىگىن ارتتىرۋعا ىلعيدا زور كوڭىل بولەدى. باسقا وڭىردەن ۆاحتالىق تاسىلمەن جۇمىس ىستەيتىن كەنشىلەر تۇگەلدەي جاتاقحانامەن قامتامىز ەتىلگەن. ءارى تەگىن ءۇش ۋاقىتتىق تاماق ۋاقىتىلى بەرىلىپ وتىرادى. ەڭ باستىسى، ادام ءومىرىن بارىنەن جوعارى قوياتىن پوليۋس ارسەنال ءوندىرىس قاۋىپسىزدىگىن ساقتاۋعا جەتە دەن قويادى.

بازارباەۆ ەربولات تاڭىربەرگەنۇلى كەنشى بولىپ 20 جىلداي تەر توگىپ كەلەدى. وسى ەڭبەك وتەلىنىڭ 6 جىلى پوليۋس ارسەنالمەن تىعىز بايلانىستى. ءبىز وسى وبلىسىمىزداعى جەزكەنت، اقتوعاي سىندى ءىرى ءوندىرىس ورىندارىنداعى ادال ەڭبەگىمەن تەر توگىپ جۇرگەن كەنشىلەردى ءتول مەرەكەسىمەن رەسپۋبليكا تۇرعىندارى اتىنان قۇتتىقتايمىز.

Abai.kz