2024 جىلعى قىركۇيەكتەگى جاعداي بويىنشا ۋكرايناداعى رەسەي ارمياسىنىڭ شىعىنى 610 مىڭ ادامعا جەتتى. مۇنداي باعالاۋدى ءوز مالىمەتتەرىندە ۇلىبريتانيا بارلاۋى كەلتىرەدى.

قازا تاپقاندار مەن جارالانعانداردىڭ جالپى سانى ەكىنشى دۇنيەجۇزىلىك سوعىستان كەيىنگى رەسەيدىڭ بارلىق سوعىستارىنداعى شىعىننان اسىپ ءتۇستى جانە ۆلاديۆوستوك (592 مىڭ ادام), يركۋتسك (606 مىڭ ادام) نەمەسە حاباروۆسك (616 مىڭ ادام) سياقتى ءىرى رەسەيلىك قالالاردىڭ حالقىمەن تەڭەستى.

قازا تاپقاندار سانى 200 مىڭعا جەتتى، دەپ جازادى The Wall Street Journal باتىس بارلاۋ مالىمەتتەرىنە سىلتەمە جاساي وتىرىپ. بۇنى وڭتۇستىك ساحالين (180 مىڭ), پسكوۆ (187 مىڭ) جانە سىكتىۆكار (220 مىڭ) تۇرعىندارىنىڭ جالپى سانىمەن سالىستىرۋعا بولادى.

بۇل رەتتە اۋىر جارالانعانداردىڭ ءاربىر ەكىنشىسى اياق-قولىنان ايرىلىپ، امپۋتانت مۇگەدەگىنە اينالدى، دەپ بۇعان دەيىن NYT سايتىنا رەسەيلىك جوعارى لاۋازىمدى شەنەۋنىك جۇرەك جاردى سىرىن اقتارعان بولاتىن.

اسكەردىڭ كەڭ كولەمدى ازايۋى - جاياۋ اسكەردى «زەڭبەرەك جەمىنە» شابۋىلعا جىبەرەتىن كومانديرلەردىڭ تاكتيكاسىنىڭ سالدارى، دەپ جازادى بريتاندىق بارلاۋ: اسكەردىڭ ءولىمي جۇتىلۋى وتەماقى تولەۋ ءۇشىن بيلىك وڭىرلەر بويىنشا جاڭا ساربازداردىڭ تۇراقتى اعىمىن تالاپ ەتەدى، ولارعا فەدەرالدىق بيۋدجەتتىڭ 8%-ى نەمەسە جىلدىڭ ءبىرىنشى جارتىسىندا 1,5 تريلليون رۋبلگە جۋىق قاراجات جۇمسالعان.

رەسەي قورعانىس مينيسترلىگىنىڭ مالىمەتىنشە، وتكەن جىلى جارتى ميلليونعا جۋىق رەسەيلىكتەر كەلىسىمشارت جاساپ، مايدانعا اتتانعان. بيىل «ەرىكتىلەر» مەن كەلىسىمشارت جاساۋشىلاردى قابىلداۋ قارقىنى، رەسمي مالىمەتتەرگە سايكەس، كۇنىنە 1600-دەن 1000 ادامعا دەيىن تومەندەدى، بىراق بۇل مولشەر وداندا جوعارى بولۋى مۇمكىن، دەپ جازادى ۇلىبريتانيا بارلاۋى.

اسكەرگە مايدان شىعىنىنىڭ ورنىن تولتىرۋ ءۇشىن ايىنا شامامەن 30 مىڭ ادام كەرەك، دەپ حابارلادى تامىز ايىندا Bloomberg-ءتىڭ كرەملگە جاقىن دەرەك كوزدەرى. ولاردىڭ ايتۋىنشا، قازىر وڭىرلەر فەدەرالدىق ورتالىقتان جىبەرىلگەن سوعىسقا تارتۋ جوسپارىنىڭ ۇشتەن ءبىر بولىگىن ورىندى جۇمساي الماي وتىر، ناتيجەسىندە ارمياداعى سارباز سانى ءولىم-ءجىتىمدى تولىقتىرىپ ۇلگەرە الماۋدا.

وسىعان بايلانىستى كرەمل جىل سوڭىنا دەيىن جاڭا جۇمىلدىرۋ ماسەلەسىن قاراستىرۋى مۇمكىن، دەيدى اگەنتتىكتىڭ ەكى دەرەككوزى.

«بي-بي-سي»-ءدىڭ ورىس قىزمەتى جانە «مەديازونا» ەرىكتىلەر كومانداسىمەن بىرلەسىپ، اشىق دەرەكتەر بويىنشا سوعىستا قازا تاپقان 68 مىڭنان استام ادامنىڭ ەسىمىن انىقتادى. ولاردىڭ ىشىندە كوبىسى - ۋكرايناعا باسىپ كىرگەننەن كەيىن كەلىسىم-شارت جاساسقان «ەرىكتىلەر» (20%). وسى دەرەكتەردەگى ءولىمنىڭ 13%-ى جۇمىلدىرىلعاندارعا تيەسىلى.

Abai.kz