مينيسترلىك: جىل باسىنان بەرى ەلگە 12 325 قانداس كەلدى
بيىل ەلىمىزدىڭ سولتۇستىك وڭىرلەرىنە قونىستانىپ جاتقان قانداستار سانى ارتتى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى توراعاسىنىڭ ورىنباسارى ەربولات ابۋلحاتين ايتتى.
«جىل باسىنان بەرى ەلگە بارلىعى 12 325 قانداس كەلدى. بىلتىر قانداستاردى ەلگە قونىستاندىرۋ ساياساتى تۇبگەيلى وزگەردى. وسىنىڭ ناتيجەسىندە سولتۇستىككە قونىس اۋدارعان قانداستاردىڭ سانى ءوسىپ كەلەدى، ال وڭتۇستىككە كەلەتىن قانداستاردىڭ سانى ازايىپ جاتىر. اتاپ ايتقاندا، بىلتىر قانداستاردىڭ تەك 6 پايىزى سولتۇستىكە بارسا، بيىل وسى كورسەتكىش 36 پايىزعا جەتتى»، - دەدى ە.ابۋلحاتين ورتالىق كوممۋنيكاتسيالار قىزمەتىندە.
قازىر قۇجاتتاردى قابىلداۋ «قۇتتى مەكەن» ءموبيلدى قوسىمشاسى ارقىلى جۇزەگە اسىرىلىپ كەلەدى. بيىل بەرىلگەن ءوتىنىشتىڭ 95 پايىزى وسى قوسىمشا ارقىلى كەلىپ ءتۇستى.
Abai.kz
