قازاقتاردىڭ قازاقستانعا ورالۋى ءىس جۇزىندە مۇمكىن بولمايتىندىعىن اشىق مالىمدەۋگە ءماجبۇرمىز!
جاقىندا قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ قول قويعان قازاقستان رەسپۋبليكاسى ۇكىمەتىنىڭ 2014 جىلعى 19 اقپانداعى № 111 قاۋلىسى قولدانىسقا ەنگىزىلەدى. ول - "قازاقستان رەسپۋبليكاسىندا تۇراقتى تۇراتىن ازاماتتىعى جوق ادامدارعا كۋالiكتەر جانە شەتەلدiكتەرگە تۇرۋعا ىقتيارحاتتار بەرۋ"، "شەتەلدiكتەر مەن ازاماتتىعى جوق ادامداردى تiركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ"، "قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تiركەۋ" جانە "قازاقستان رەسپۋبليكاسىندا بوسقىن مارتەبەسىن بەرۋ جانە ۇزارتۋ" مەملەكەتتىك كورسەتىلەتىن قىزمەتتەر ستاندارتتارىن بەكىتۋ تۋرالى دەپ اتالادى.
جاقىندا قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆ قول قويعان قازاقستان رەسپۋبليكاسى ۇكىمەتىنىڭ 2014 جىلعى 19 اقپانداعى № 111 قاۋلىسى قولدانىسقا ەنگىزىلەدى. ول - "قازاقستان رەسپۋبليكاسىندا تۇراقتى تۇراتىن ازاماتتىعى جوق ادامدارعا كۋالiكتەر جانە شەتەلدiكتەرگە تۇرۋعا ىقتيارحاتتار بەرۋ"، "شەتەلدiكتەر مەن ازاماتتىعى جوق ادامداردى تiركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ"، "قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تiركەۋ" جانە "قازاقستان رەسپۋبليكاسىندا بوسقىن مارتەبەسىن بەرۋ جانە ۇزارتۋ" مەملەكەتتىك كورسەتىلەتىن قىزمەتتەر ستاندارتتارىن بەكىتۋ تۋرالى دەپ اتالادى.
ەستەرىڭىزدە بولسا، ك. ءماسىموۆ ۇكىمەتى تۇسىندا «شەتەلدىكتەر مەن ازاماتتىعى جوق ادامداردى تىركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ بويىنشا مەملەكەتتىك قىزمەت ستاندارتىن بەكىتۋ تۋرالى» قر ۇكىمەتىنىڭ 2009 جىلعى 14 جەلتوقسانداعى №2102 «وزگەرىستەر ەنگىزۋ تۋرالى» قر ۇكىمەتىنىڭ 2012 جىلعى 28 ناۋرىزداعى №362 قاۋلىسى بويىنشا ەلگە كەلىپ، قر ازاماتتىعىنا ءوتىنىش بەرگەن ءوز قانداستارىمىزدان «كەلگەن ەلىندە سوتتىلىعىنىڭ بار بولۋىن نە جوقتىعىن راستايتىن قۇجاتتى» تالاپ ەتە باستاعان بولاتىن. ال، كەلگەن ەلىنەن الىپ كەلگەن سول قۇجاتقا سول ەلدىڭ وسىنداعى ديپلوماتيالىق وكىلدىكتەرى ءمور باسىپ ماقۇلدايتىن بولعان. قازاق كوشىنىڭ جيرما جىلدان اسا تاريحىندا ەلگە ورالعان قانداستارىمىز ءدال وسىنداي قولدان قيىنداتىلعان كەدەرگىگە كەزدەسكەن ەمەس ەدى.
ءبىز سەرىك احمەتوۆ ۇكىمەت باسىنا كەلگەندە سول باياعى قازاقى كوڭىلمەن، اتالعان كەمشىلىكتەر تەز ارادا جونگە تۇسەدى دەپ ۇمىتتەنگەن بولاتىنبىز. بىراق، ء«بىر قىزىمنان ءبىر قىزىم سوراقى» دەگەندەي، C. احمەتوۆ ك. ماسىموۆتەن دە اسىپ ءتۇسىپ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭى جوباسىنىڭ دايىنداپ قابىلداتۋ ارقىلى ەل بيلىگى 22 جىل بويى تاباندى جۇرگىزىپ كەلگەن كوشى-قون ساياساتىن ءبىر جولاتا قۇردىمعا كەتىردى. سوندىقتان سەرىك احمەتوۆتىڭ اتالعان قاۋلىسىنان كەيىن، شەتەلدەردەگى قانداستارىمىزدىڭ قازاقستانعا ورالۋى ءىس جۇزىندە مۇمكىن بولمايتىندىعىن اشىق مالىمدەۋگە ءماجبۇرمىز.
ەندى پرەمەر-مينيستر س. اقمەتوۆ قاۋلىسىنان تۋىندايتىن ناقتى زارداپتارعا تالداۋ جاساپ كورەلىك. اتالعان قاۋلىمەن بەكىتىلگەن «شەتەلدiكتەر مەن ازاماتتىعى جوق ادامداردى تiركەۋ جانە ولارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ» تۋارلى مەملەكەت تاراپىنان كورسەتىلەتىن قىزمەت ستاندارتىنىڭ 9-تارماعىندا: «مەملەكەتتiك كورسەتىلەتىن قىزمەتتi الۋ ءۇشiن قىزمەتتى الۋشى وسى مەملەكەتتىك كورسەتىلەتىن قىزمەت ستاندارتىنا 2-قوسىمشاعا سايكەس نىسان بويىنشا ءوز قولىمەن مەملەكەتتىك نەمەسە ورىس تىلىندە تولتىرىلعان قازاقستان رەسپۋبليكاسىندا تۇراقتى تۇرۋعا رۇقسات بەرۋ تۋرالى ءوتىنىش (بۇدان ءارى – ءوتىنىش) بەرەدى. ون التى جاسقا تولماعان نەمەسە ارەكەتكە قابىلەتسىز بولىپ تابىلاتىن كورسەتىلەتىن قىزمەتتى الۋشىنىڭ ءوتىنىشىن اتا-اناسىنىڭ ءبىرى نەمەسە زاڭدى وكىلى بەرەدى. وتىنىشكە مىناداي قۇجاتتار قوسا بەرىلەدى: 1) ۇلتتىق پاسپورتتىڭ كوشىرمەسى جانە تۇپنۇسقاسى، ازاماتتىعى جوق ادامنىڭ قۇجاتى، ءوتىنىش بەرۋ كۇنىنە ولاردىڭ جارامدىلىق مەرزىمى كۇنتىزبەلىك 180 ء(بىر ءجۇز سەكسەن) كۇننەن ارتىق بولۋى ءتيىس; بىرلەسكەن قولداۋحات بەرۋ كەزىندە: بالانىڭ تۋ تۋرالى كۋالىگىنىڭ نەمەسە 16 جاسقا تولماعان بالانىڭ جەكە باسىن كۋالاندىراتىن باسقا قۇجاتتىڭ كوشىرمەسى جانە تۇپنۇسقاسى; 2) قازاقستان رەسپۋبليكاسىندا بولۋدىڭ زاڭدىلىعىن راستايتىن قۇجاتتىڭ كوشىرمەسى; 3) ونىڭ ازاماتتىعى مەملەكەتىنىڭ جازباشا كەلىسىمى رەتiندە بولۋى مۇمكiن كەتۋ پاراعى نە شەتەلگە تۇراقتى تۇرۋ ءۇشiن شىعۋعا رۇقساتتى راستايتىن باسقا قۇجات (بوسقىندار دەپ تانىلعان نەمەسە قازاقستان رەسپۋبليكاسىندا باسپانا بەرىلگەن شەتەلدىكتەر مەن ازاماتتىعى جوق ادامداردى قوسپاعاندا); 4) ءوزىنىڭ تولەم قابىلەتتىلىگىن راستاۋ تۋرالى قۇجات. ورالمانداردان، قازاق كەڭەستiك سوتسياليستiك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ازاماتتىعىندا بولعان بۇرىنعى وتانداستاردان، سونداي-اق قازاقستان رەسپۋبليكاسىنىڭ حالىقارالىق شارتتارىنىڭ نەگiزiندە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ قۇقىعى بار ادامدار جانە بىرگە كەلگەن ولاردىڭ وتباسى مۇشەلەرiنەن تولەم قابىلەتتىلىگىن راستاۋ تۋرالى قۇجات تالاپ ەتىلمەيدى; 5) ازاماتتىعى تيەسىلى جانە (نەمەسە) تۇراقتى تۇراتىن مەملەكەتىندەگى سوتتىلىعى (سوتتىلىعىنىڭ جوقتىعى) تۋرالى قۇجات; 6) 14-تەن 16 جاسقا دەيىنگى بالانىڭ قازاقستان رەسپۋبليكاسىندا تۇراقتى تۇرۋعا نوتاريالدى كۋالاندىرىلعان كەلىسىمى;
7) ارىز بەرۋشىگە باسپانا ۇسىنۋ تۋرالى جەكە نەمەسە زاڭدى تۇلعامەن شارت نە شەتەلدىكتىڭ نە ازاماتتىعى جوق ادامنىڭ تۇرۋىنا جانە تۇراقتى تىركەۋ ەسەبىنە قويۋعا نوتاريالدى راستالعان كەلىسىم; 8) قازاقستان رەسپۋبليكاسىنىڭ مەديتسينالىق مەكەمەسى بەرگەن مەديتسينالىق كۋالاندىرۋ تۋرالى انىقتاما; 9) ولشەمi 35x45 مم 4 فوتوسۋرەت (فوتوسۋرەت ارىز بەرۋشىنىڭ جاسىنا سايكەس بولۋى جانە قاتاڭ تۇردە جارىق جەردە الدىنان ءتۇسiرiلۋى جانە ادامنىڭ بەتi فوتوسۋرەتتiڭ جالپى الاڭىنىڭ 75%-عا جۋىعىن الۋى تيiس); 10) قازاقستان رەسپۋبليكاسىنىڭ اۋماعىندا تۇراقتى تۇراتىن قازاقستان رەسپۋبليكاسىنىڭ ازاماتتارىمەن نەكەدە تۇراتىندار نەكە تۋرالى كۋالىكتىڭ كوشىرمەسىن جانە جۇبايىنىڭ (زايىبىنىڭ) جەكە باسىن كۋالاندىراتىن قۇجاتتى ۇسىنادى» - دەپ بەلگىلەنگەن.
جاڭا قاۋلىدا كورسەتىلگەن شەتەلدىكتەر، نەمەسە ۋاقىتشا شەتەلدىك تولقۇجاتپەن كەلگەن ءوز قانداستارىمىز وتىنىشپەن بىرگە ۇسىناتىن ون ءتۇرلى قۇجاتتىڭ ىشىندە «ونىڭ ازاماتتىعى مەملەكەتىنىڭ جازباشا كەلىسىمى رەتiندە بولۋى مۇمكiن كەتۋ پاراعى نە شەتەلگە تۇراقتى تۇرۋ ءۇشiن شىعۋعا رۇقساتتى راستايتىن باسقا قۇجات» جانە « ازاماتتىعى تيەسىلى جانە (نەمەسە) تۇراقتى تۇراتىن مەملەكەتىندەگى سوتتىلىعى (سوتتىلىعىنىڭ جوقتىعى) تۋرالى قۇجات» 2012 جىلدىڭ سوڭعى جارتىسىنان بۇرىن، ياعني، ك. ءماسىموۆتىڭ 2012 جىلعى 28 ناۋرىزداعى №362 قاۋلىسى قولدانىسقا ەنۋدەن بۇرىن، ەلگە ورالعان ۇلتى قازاق ازاماتتاردان تالاپ ەتىلمەيتىن. ال، س. احمەتوۆ سول قاتەلىكتى اينا قاتەسىز قايتالاپ وتىر.
بۇل جەردە اتالعان قۇجاتتاردى اكەلۋ قانشالىقتى قيىن دەگەن سۇراقتىڭ ءوز - وزىنەن تۋىندايتىنى بارىمىزگە بەلگىلى. اشىعىن ايتقاندا، اتالعان ەكى ءتۇلى قۇجاتتى اكەلۋ قاراپايىم ورالماندار ءۇشىن قۇقىقتىق تۇرعىدان مۇمكىن بولعانىمەن، ءىس جۇزىندە مۇمكىن ەمەس. مىسالى، قىتايدان «كەتۋ پاراعى نە شەتەلگە تۇراقتى تۇرۋ ءۇشiن شىعۋعا رۇقساتتى راستايتىن قۇجات» الۋ ءۇشىن «قحر ازاماتتارىنىڭ شەگارادان كىرىپ – شىعۋى تۋرالى» زاڭى «اتقارۋ ەرەجەسىنىڭ» 4- بابىندا ازاماتتاردىڭ شەتەلدەرگە ءبىر جولاتا قونىس اۋدارۋ ءۇشىن مىندەتتى تالاپ ەتىلەتىن قۇجاتتار جونىندەگى تۇسىنىكتەمەسىندە: «وسى اتقارۋ ەرەجەسى 3-بابىنىڭ 4- تارماعىندا ايتىلعان ارنايى كۋالىك دەگەنىمىز: شەتەلدەرگە شىعىپ قونىستانۋشىلار ءۇشىن وزدەرى قونىستاناتىن جەردەگى تۋىس-تۋعاندارى مەن دوس-جاراندارىنىڭ كەلىسىلگەن قونىستانۋعا شاقىرىلعاندىعى جونىندەگى كۋالىگى نەمەسە باراتىن مەملەكەتىنىڭ (قۇزىرەتتى ورگاندارىنىڭ) ولاردىڭ قونىستانۋىن رۇقساتتاعاندىعى جونىندەگى كۋالىگى»-دەپ ايقىن جازىلعان. دەمەك، قازاقستان مەملەكەتىنىڭ (قۇزىرەتتى ورگاندارىنىڭ) ولاردىڭ قونىستانۋىن رۇقساتتاعاندىعى جونىندەگى كۋالىگى بولماسا، ول جاقتاعى قانداستارىمىز وزدەرىنىڭ تاريحي وتانىنا قونىس اۋدارۋى ءۇشىن، قىتايدان كەتۋ پاراعى نە شەتەلگە تۇراقتى تۇرۋ ءۇشiن شىعۋعا رۇقساتتى راستايتىن قۇجاتقا قول جەتكىزە المايدى. ال بىزدە 1999 جىلدان باستاپ ءبىر مەزگىل قولدانىسقا ەنگەن، تاعدىر تالكەگىمەن ءبولىنىپ-جارىلعان وتباسىلاردىڭ حالىقارالىق ادام قۇقىقتارى پاكتىلەرى نەگىزىندە شەتەلدەردەگى تۋىستارىن وزدەرىنىڭ جەكە كەپىلدىگى ارقىلى، قۇزىرەتتى ورگانداردىڭ كەسىمىمەن شاقىرىپ الۋىنىڭ دا جولى جابىلعالى سەگىز جىلعا اياق باستى. مىنە، وسىنداي جاعدايلارعا بايلانىستى قىتايدان كەلەتىن قانداستارىمىز ەكى ەلدىڭ ورتاسىندا سەڭدەي سوعىلىسىپ، تابانىنان توزۋدا.
احمەتوۆ قاۋلىسىنىڭ مىنا ءبىر تۇسى دا تالداۋ جاساۋدى قاجەت ەتەدى. قاۋلىدا: «ورالمانداردان، قازاق كەڭەستiك سوتسياليستiك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ازاماتتىعىندا بولعان بۇرىنعى وتانداستاردان، سونداي-اق، قازاقستان رەسپۋبليكاسىنىڭ حالىقارالىق شارتتارىنىڭ نەگiزiندە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ قۇقىعى بار ادامدار جانە بىرگە كەلگەن ولاردىڭ وتباسى مۇشەلەرiنەن تولەم قابىلەتتىلىگىن راستاۋ تۋرالى قۇجات تالاپ ەتىلمەيدى» -دەپ جازىلعان. ءبىر قاراعاندا قاۋلىدا ورالمان قانداستارىمىزعا ايرىقشا ءبىر قامقورلىقتىڭ، مەيىر-شاپاعاتتىڭ لەبى ەسىپ تۇرعانداي سەزىلەدى. بىراق، جاعداي ءبىز ويلاعاننان مۇلدە باسقاشا.
وسى وتكەن كۇزدە عانا ەل-جۇرتتىڭ قاتتى وكپە-رەنىشىن تۋدىرعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ قابىلدانىپ، ومىرگە جولداما العاندىعىن حالىق ۇمىتا قويعان جوق. سوندا «قر حالىقتىڭ كوشى-قونى تۋرالى» زاڭىنىڭ 23 بابىنداعى رەداكتسياعا سايكەس: «قر ۇكىمەتى وراملاندارعا قولايلى دەپ بەلگىلەپ بەرگەن ايماقتارعا قونىستانعان ەتنيكالىق قازاقتار قر-دا تۇراقتى تۇرۋعا رۇقسات الاردا تولەم قابىلەتىن راستاۋدان بوساتىلادى»-دەلىنگەن. مۇنداي وزگەرتۋدەن شىعاتىن قورتىندى بۇدان بىلاي ەلگە ورالعان قانداستارىمىز قر ۇكىمەتى ورالماندارعا قولايلى دەپ بەلگىلەپ بەرگەن ايماقتارعا قونىستانباعان جاعدايدا، ولار تولەم قابىلەتىن راستاۋدان بوساتىلمايدى دەگەن ءسوز. ءبىر قىزىعى، تەك ەتنيكالىق قازاقتار عانا قر ۇكىمەتى ورالماندارعا قولايلى دەپ بەلگىلەپ بەرگەن ايماقتارعا قونىستانۋ مىندەتتى بولادى دا باسقا قازاق كەڭەستiك سوتسياليستiك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ازاماتتىعىندا بولعان بۇرىنعى وتانداستاردان، سونداي-اق قازاقستان رەسپۋبليكاسىنىڭ حالىقارالىق شارتتارىنىڭ نەگiزiندە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ قۇقىعى بار ادامدار جانە بىرگە كەلگەن ولاردىڭ وتباسى مۇشەلەرi كەڭ بايتاق قازاق جەرىنىڭ كەز-كەلگەن بۇرىشىن تاڭداپ قونىستانا بەرەدى. ولارعا ەشقانداي شەكتەۋ جوق! ءوز وتانىندا شەكتەۋگە، الالاۋعا، كەۋدەدەن يتەرىپ قاقپايلاۋعا بولاتىن ءوز قانداستارىمىز عانا.
قاۋلىدا تاعى قازاقستان رەسپۋبليكاسىنىڭ حالىقارالىق شارتتارىنىڭ نەگiزiندە قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋ قۇقىعى بار ادامدار جانە بىرگە كەلگەن ولاردىڭ وتباسى مۇشەلەرi دەگەن تىركەس بار. سوندا قازاقستان رەسپۋبليكاسى كىمدەرمەن حالىقارالىق شارتتار جاساستى دەيسىز عوي. ەندى وسىعان ايالدايىق. قازىرگى كەزدە ازاماتتىقتى جەڭىلدەتىلگەن تارتىپپەن الۋعا بايلانىستى 1996 جىلدىڭ 17 قاڭتارىنان باستاپ قولدانىسقا ەنگەن قازاقستان مەن بەلورۋسيا اراسىنداعى جانە 1999 جىلدىڭ 26 اقپانىنان باستاپ كۇشىنە ەنگەن قازاقستان، بەلورۋسسيا، قىرعىزستان جانە رەسەي اراسىنداعى حالىقارالىق كەلىسىمدەردى اتاۋعا بولادى. قر زاڭنامالارىنان جوعارى تۇراتىن حالىقارالىق شارتتارعا سايكەس، اتالعان ەلدەردەن ەلىمىزگە قونىس اۋداراتىندار ءۇش-اق ايدا قر ازاماتى اتانادى. ال، ورالمان باۋىرلارىمىزعا قر ۇكىمەتى ورالماندارعا قولايلى دەپ بەلگىلەپ بەرگەن ايماقتاردا تۇرىپ، تابانى كۇرەكتەي ءتورت جىل سارىلا كۇتۋىنە تۋرا كەلەدى. مىنە، تاۋەلسىز قازاق ۇكىمەتىنىڭ مەملەكەت قۇرۋشى ۇلتقا كورسەتكەن قۇرمەتىنىڭ سيقى.
Cالىستىرۋ ءۇشىن ايتا كەتەيىك، بىزگە ۇنەمى ۇلگى-ونەگە بولىپ كورىنەتىن رەسەي بيلىگى جاقىن كۇندەردەن بەرى اسىرە ۇلتشىلدىعىمەن كوزگە ءتۇسىپ، ەتنيكالىق ورىستاردى عانا ەمەس، بۇرىن رەسەي يمپەرياسى مەن سسسر اۋماعىندا تۇرعان ورىس ءتىلدى ازاماتتارعا دا ەرەكشە قامقورلىق تانىتا باستادى. «سپراۆەدليۆايا روسسيا» فراكتسياسى ۇسىنعان زاڭ جوباسى بويىنشا «ازاماتتىق تۋرالى» زاڭعا وزگەرىس ەنگىزۋ ارقىلى رەسەي اۋماعىندا تۇرماي-اق، ءبىرىنشى ازاماتتىعىنان باس تارتپاسا دا، ۋكراينا ازاماتتارىنا نەبارى ەكى ايدىڭ ىشىندە رەسەي ازاماتتىعىن بەرۋگە بولادى ەكەن. ال، رەسەي ۇكىمەتى دە ناۋرىزدىڭ 4-ءى كۇنى «شەت مەملەكەتتەردىڭ ازاماتتىعىنان باس تارتقان، ورىس تىلىندە سويلەيتىن ازاماتتارعا رەسەي ازاماتتىعىن بەرۋدىڭ جەڭىلدەتىلگەن ءتارتىبى تۋرالى» جاڭا زاڭ جوباسىن ۇسىندى. بۇل جوبا بويىنشا رەسەي ازاماتتىعى بۇرىن رەسەي يمپەرياسى مەن سسسر اۋماعىندا تۇرعان ورىس ءتىلدى ازاماتتارعا بەرىلەدى. ولار رەسەي اۋماعىندا جارتى جىل تۇرسا جەتكىلىكتى.
رەسەي دۋماسىنىڭ قاراۋىنا ۇسىنىلىپ جاتقان زاڭ جوبالارى ەشقانداي تالداۋ مەن ءتۇسىندىرۋدى قاجەت ەتپەيدى. كوپشىلىك داۋىسپەن قابىلدانىپ كەتۋى دە بەك مۇمكىن. سەبەبى، رەسەي پارلامەنتى دە بىزدىكىنەن جەتىسىپ تۇرعانى شامالى. تەك ءبىزدىڭ ۇيقىمىزدى قاشىراتىنى – وگىزگە تۋعان كۇن بۇزاۋعا تۋا ما دەگەن ۇرەي عانا. اللا سودان ساقتاسىن!
راقىم ايىپۇلى
Abai.kz
