قازاقستان رۋسپۋبليكاسى مادەنيەت جانە اقپارات مينيسترلىگى ءدىن ىستەرى كوميتەتىنىڭ قولداۋىمەن ا.ج. 23 - 27 قىركۇيەك ارالىعىندا رەسپۋبليكالىق اقپاراتتىق-ءتۇسىندىرۋ توبى مۇشەلەرى تۇركىستان وبلىسىنا ءىس-ساپارعا باردى.

اتالعان ءىس-ساپاردىڭ ماقساتى جاستاردىڭ ەكسترەميزمگە قارسى ساناسىن قالىپتاستىرۋ، ءدىني ەكسترەميزم مەن تەرروريزمگە قارسى ءىس-قيمىل ماسەلەلەرىندە قۇقىقتىق جانە ازاماتتىق جاۋاپكەرشىلىك دەڭگەيىن ارتتىرۋ، قازاقستان جاستارىن راديكالدى جانە دەسترۋكتيۆتى ءدىني توپتارعا اينالدىرۋعا جول بەرمەۋ بولىپ تابىلادى.

وبلىستا جالپى سانى 20 ءىس-شارا ۇيىمداستىرىلىپ، 800-دەن استام ادام قامتىلدى.

اتالعان ءىس-شاراعا: سابىرۇلى ءابىلحايىر - جامبىل وبلىسى «ءدىن پروبلەمالارىن زەرتتەۋ ورتالىعى» ءبولىم باسشىسى، تەولوگ، بەسباەۆ ءمادي ابزەلبەكۇلى – ءو.جانىبەكوۆ اتىنداعى وڭتۇستىك قازاقستان پەداگوگيكالىق ۋنيۆەرسيتەتى «الەم تاريحى جانە ءدىنتانۋ» كافەدراسىنىڭ اعا وقىتۋشىسى،  حالىقوۆ مەدەت مۇزاپبارۇلى – تۇركىستان وبلىسىنىڭ ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعى» كمم ديرەكتورى، تىلەۋحان باقداۋلەت مامىرحانۇلى - جامبىل وبلىسى «ءدىن پروبلەمالارىن زەرتتەۋ ورتالىعى» باسشى ورىنباسارى، پسيحولوگ، ءدىن ماسەلەلەرى بويىنشا رەسپۋبليكالىق اقپاراتتىق ءتۇسىندىرۋ توبىنىڭ مۇشەلەرى قاتىستى.

ءتۇسىندىرۋ توبىنىڭ مۇشەلەرى تۇركىستان وبلىسى اۋماعىندا مەكتەپ، كوللەدج جانە جوعارى وقۋ ورىندارى بازاسىندا بولدى. ولار جاستار اراسىندا «ءدىن جانە جاستار»، «ءدىني ەكسترەميزم – بەيبىتشىلىك پەن تۇراقتىلىققا تونگەن قاۋىپ»، «ءدىن مەن ءداستۇر ساباقتاستىعى»، «ءدىني ءبىلىم بەرۋدىڭ زاماناۋي تەتىكتەرى»، «ءدىني ەكسترەميزم – بەيبىتشىلىك پەن تۇراقتىلىققا تونگەن قاۋىپ» جانە ت. ب. تاقىرىپتاردا ءتۇسىندىرۋ جۇمىستارىن جۇرگىزدى.

ءىس-ساپار بارىسىنداعى اقپاراتتىق-ءتۇسىندىرۋ جۇمىستارى اياسىندا جوعارى وقۋ ورنى ستۋدەنتتەرى، مەكتەپ وقۋشىلارى، كوللەدج ستۋدەنتتەرى جانە ت.ب. توپتار قامتىلدى.

Abai.kz