مادەنيەت جانە اقپارات ءمينيسترى ايدا بالاەۆا راديو قىزمەتكەرلەرى كۇنىمەن قۇتتىقتادى، دەپ حابارلايدى مينيسترلىكتىڭ ءباسپاسوز قىزمەتى.

«بۇگىن 1 قازاندا ەلىمىزدە ءتورتىنشى رەت راديو قىزمەتكەرلەرى كۇنى اتالىپ وتىلۋدە. ءتورت جىل بۇرىن، قازاق راديوسىنىڭ 100 جىلدىعىنا وراي ەل پرەزيدەنتى قاسىم-جومارت توقاەۆ 1 قازاندى راديو قىزمەتكەرلەرى كۇنى دەپ جاريالادى. بۇگىنگى كۇننىڭ ءسيمۆوليزمى ءدال وسى 103 جىل بۇرىن ءبىزدىڭ ەلىمىزدە العاش رەت راديو ەفيرى ءوتتى. وسى جىلدار ىشىندە راديو ءاردايىم سەنىمدى جانە جەدەل اقپارات كوزى بولدى، اسىرەسە جولدا جۇرگەندەر ءۇشىن. راديونىڭ ءبىزدىڭ مادەنيەتىمىز بەن ونەرىمىزدى ناسيحاتتاۋعا، سونداي-اق قوعامىمىزدىڭ دامۋىنا قوسقان ۇلەسى شىنىمەن دە باعا جەتپەس. بۇگىنگى تاڭدا جاڭا تسيفرلىق تەحنولوگيالار مەن ينتەرنەتتىڭ دامۋىنا قاراماستان، راديو ەلىمىزدىڭ اقپاراتتىق سالاسىندا ەرەكشە ورىن الادى، - دەيدى مينيستر.

ونىڭ ايتۋىنشا، مينيسترلىك مەملەكەتتىك راديوستانتسيالاردى تاراتۋدى كەڭەيتۋ بويىنشا جۇمىستى جالعاستىرۋدا. مۇندا شەكارا ماڭىنداعى اۋداندارعا ەرەكشە نازار اۋدارىلادى.

«Qazaq radiosy» ەل حالقىنىڭ 91% - دان استامىن قامتيدى. سونىمەن قاتار، بيىل الماتى، باتىس قازاقستان، سولتۇستىك قازاقستان، تۇركىستان، قوستاناي، قىزىلوردا، شىعىس قازاقستان، پاۆلودار، اتىراۋ وبلىستارىنىڭ شەكارالاس اۋداندارىندا جانە اباي جانە جەتىسۋ وبلىستارىندا 120 راديو تاراتقىشتى پايدالانۋعا بەرۋ جوسپارلانۋدا. مادەنيەت جانە اقپارات مينيسترلىگى سەنىمدى جانە جەدەل جاڭالىقتاردىڭ كوزى رەتىندە ەلىمىزدىڭ ءاربىر ازاماتىنىڭ ومىرىندە راديونى ساقتاۋ ءۇشىن ءاردايىم بار كۇش-جىگەرىن سالاتىن بولادى. بارلىق راديو قىزمەتكەرلەرىنە، بارلىق ارىپتەستەرىمە شىعارماشىلىق تابىس، سارقىلماس ەڭبەكقورلىق جانە ءوز ماماندىعىمدا جاڭا بيىكتەر تىلەيمىن!» - دەپ تىلەك ءبىلدىردى ايدا بالاەۆا.

Abai.kz