قازاقستاندا بۇرىن بەكىتىلگەن مەرزىمدى اسكەري قىزمەتشىلەر سانى 40 202-گە دەيىن ۇلعايتىلدى. بۇل تۋرالى ۇكىمەت قاۋلىسىندا كورسەتىلگەن. 

«2024 جىلعى ناۋرىز-ماۋسىم جانە قىركۇيەك-جەلتوقسان ايلارىندا مەرزىمدى اسكەري قىزمەتكە شاقىرۋدى كەيىنگە قالدىرۋعا نەمەسە مەرزىمدى اسكەري قىزمەتكە شاقىرۋدان بوساتۋعا قۇقىعى جوق 18 بەن 27 جاس ارالىعىنداعى 40 202 ەر ازاماتتى مەرزىمدى اسكەري قىزمەتكە شاقىرۋدى قامتاماسىز ەتۋ»، - دەلىنگەن ۇكىمەت قاۋلىسىندا.

قاۋلى 2024 جىلدىڭ 26 ​​قىركۇيەگىنەن باستاپ جارامدى. بۇعان دەيىن 39 180 ادامدى اسكەرگە شاقىرۋ جوسپارلانعان بولاتىن.

قازاقستان الەمدە اسكەر سانى بويىنشا 110 مىڭ اداممەن 46-ورىندا. بۇل كورسەتكىش رەسەيدى قوسپاعاندا، ورتالىق ازيا مەن ەاەو ەلدەرىنەن جوعارى. ءتىزىم ءار ەلدىڭ قۇرلىقتا، تەڭىزدە جانە اۋەدە سوعىس جۇرگىزۋدەگى الەۋەتىنە نەگىزدەلگەن.

Abai.kz