بۇگىن ەلىمىزدە اەس قۇرىلىسى بويىنشا جالپىحالىقتىق رەفەرەندۋم باستالدى. ەل اۋماعىندا 10 مىڭنان استام داۋىس بەرۋ ۋچاسكەسى اشىلدى.

داۋىس بەرۋ 20:00-گە دەيىن جالعاسادى. بۇلەتەندە: «ءسىز قازاقستاندا اتوم ەلەكتر ستانتسياسىن سالۋعا كەلىسەسىز بە؟» دەگەن جالعىز سۇراق جازىلعان. جاۋاپ نۇسقالارى ەكەۋ: «ءيا، كەلىسەمىن» جانە «جوق، كەلىسپەيمىن».

قازاقستاندا 12 ملن 244 مىڭ 683 ادام داۋىس بەرە الادى. داۋىس بەرۋ ۋچاسكەلەرى قازاقستاننان بولەك، شەت مەملەكەتتەردە دە اشىلدى. العاش بولىپ كورەي مەن جاپونيادا داۋىس بەرۋ ۋچاسكەلەرى اشىلسا، ەڭ سوڭعى بولىپ اقش پەن كانادادا اشىلادى.

قازىرگە دەيىن مەملەكەت باسشىسى قاسىم-جومارت توقاەۆتىڭ، پرەزيدەنت كەڭەسشىسى ەرلان قاريننىڭ، ۇكىمەت باسشىسى ولجاس بەكتەنوۆتىڭ، قر ەنەرگەتيكا ءمينيسترى الماسادام ساتقاليەۆتىڭ، سەنات توراعاسى ماۋلەن اشىمباەۆتىڭ، ءماجىلىس توراعاسى ەرلان قوشانوۆ پەن وزگە دە ۇكىمەت مۇشەلەرىنىڭ داۋىس بەرگەنى باق-تا جاريالاندى.

پرەزيدەنت «اەس-ءتى كىم سالۋى مۇمكىن» دەگەن سۇراققا: «بۇل كۇردەلى سۇراق. ۇكىمەت تالداۋ جاساپ، ءتيىستى كەلىسسوز جۇرگىزۋى كەرەك. بىراق بۇل ماسەلەگە مەنىڭ جەكە كوزقاراسىم – قازاقستاندا ەڭ وزىق تەحنولوگيالارى بار الەمدىك كومپانيالاردان تۇراتىن حالىقارالىق كونسورتسيۋم جۇمىس ىستەۋى كەرەك. ءارى قاراي ءومىر ءوزى كورسەتەدى»، - دەدى (ازاتتىق راديوسى).

ەگەر ەلەكتوراتتىڭ 50 پايىزدان استامى داۋىس بەرسە، رەفەرەندۋم ءوتتى دەپ ەسەپتەلەدى.

Abai.kz