دەپۋتات اسحات ايماعامبەتوۆ ماجىلىستەگى ۇكىمەت ساعاتىندا ەلىمىزدە ماماندار ءوز ماماندىعى بويىنشا جۇمىس ىستەمەيتىنىن ايتتى، دەپ جازدى BAQ.KZ.

– جۋىردا تاكسيدە كەلە جاتىپ، جۇرگىزۋشىمەن اڭگىمەلەستىم. ونىڭ اتى – سەرجان، وتە اقكوڭىل ادام. بۇعان دەيىن ول ينجەنەر-گيدرولوگ بولىپ جۇمىس ىستەپتى. ول ءبىلىمى مەن ءوز ماماندىعى تۋرالى، سۋ رەسۋرستارىن باسقارۋ تۋرالى اڭگىمەنىڭ مايىن تامىزا ايتتى. ءبىر ۋاقىتتا مەنىڭ سۇراق قوياتىنىمدى ءتۇسىندى مە، ءبىلدى مە اڭگىمەسىن توقتاتتى. ول «ءوزىڭىز تۇسىنەسىز عوي. مەنىڭ وتباسىم بار. موينىمدا كرەديتتەر بار. سوندىقتان ءوز ماماندىعىمدى قانشالىقتى جاقسى كورسەم دە، ينجەنەر-گيدرولوگتىڭ الىسقا بارا المايسىڭ» دەپ اقتالۋعا تىرىستى. ارينە، بۇل وقيعا ءبىر ادامنىڭ باسىنان وتكەن جاعداي ەمەس، ول ەڭبەك نارىعىنداعى تۇيىتكىلدى ماسەلەنىڭ كورىنىسى دەپ ايتار ەدىم، - دەيدى دەپۋتات.

ايماعامبەتوۆتىڭ ويىنشا، مۇنداي مىسال جەتەدى.

– نەگە وسىنداي بىلىكتى ماماندار ءوز ماماندىعى بويىنشا جۇمىس ىستەمەي ءجۇر؟ ەڭبەك نارىعىنداعى ديسبالانستىڭ سەبەبى نەدە؟ نەگە ماماندار جەتكىلىكسىز؟ - دەپ سۇرادى ول.

– ءبىز ماماندار جەتىسپەيدى دەيمىز بىراق گرانتتاردى يگەرۋ كەزىندە مىناداي جاعداي بولىپ وتىر. مىسالى، گيدروميليراتسيا ماماندىعىنا بولىنگەن گرانتتارعا بىردە-ءبىر ادام ءوتىنىش بەرمەگەن. ياعني كونكۋرس ءنول ادام بولدى. كولىك قۇرىلىستارى بويىنشا بولىنگەن 300 گرانتتىڭ تەك 29-ىنا ادام قابىلداندى. ياعني ءبىر گرانتقا 0,1 ادام كەلىپ وتىر. بۇل مىسالدار كادر تاپشىلىعى كۇردەلى ماسەلە ەكەنىن ايقىن كورسەتەدى. ياعني پروبلەما تەك گرانت سانىندا الدە ونىڭ دۇرىس بولىنبەۋىندە عانا ەمەس. ءتىپتى، ولاردى دايىندايتىن كوللەدجدەر مەن ۋنيۆەرسيتەتتەردىڭ بولماۋىندا نەمەسە ولاردىڭ وقىتۋ ساپاسىندا ەمەس ەكەنى بارلىعىمىزعا انىق دەپ ويلايمىن، - دەپ ايتتى اسحات ايماعامبەتوۆ ۇكىمەت ساعاتىندا.

Abai.kz